I n'd'a des qui vont dire que je bertonne toudis mais j'ai eune tiote séquo à dire au sujet de l'ouverture du site.

Ch'est un secret pour personne que tchand qu'in accède au site i faut être inscrit pour aller vir quo qu'i a dedins. In a donc tertous un pseudo et un mot de passe pour se connecter.

Jusque là, rin à dire.

Ch'est à ch't'heure que je bertonne: i a dins l'programmation du site cha que je cros être un sous programme qui fait deschinte eune farniête vaguemint carrée avec tros boutons, dont un "se connecter".

Tchand qu'in a un ordi avec un tchoeur qui bat à tout berzingue, in prind sin ma in patiinche et cha passe assez vite avint qu'in peuche appuir chu "se connecter". Par contre, avec un téléphone (in appelle cha un smartphone je cros....) le tchoeur du bazar i bat moins vite et l'ferniête d'ùche que ch'est écrit se connecter elle prind sin timps pour deschinte et comme par hasard elle deschind toudis d'un cran net tchand que te buques chu "se connecter".

Alors je m'ai dit qu'i a peut-être moyen d'éviter ch't'épreuve énervinte, in buquint chu "On" dès qu'in accède au site et qu'in n'a nin incore dit qui qu'in est.
Ouais ben du chuc! Te buques chu "On" et t'attinds quind même que l'ferniête qui permet de se connecter elle deschinte de sin coin de ringemint...

Donc, questions (i n'd'a tros)
1) I a-t-i que mi que cha énerve ch'bazar?
2) A quo que cha sert ch'bazar, in puq du bouton "On"?
3) Cha serot i possipe de faire comme les autres sites avec un pseudo et un mot de passe: nin rajouter de gadget ainsi. Ch'est à dire accéder au site in buquint chu "On" et pis ch'est tout, pour accéder plus vite à l'indrot d'ùche qu'in met sin pseudo et sin mot de passe?

D'avinche je vous in armercie de tout min tchoeur.

J'comprinds pas Batisse, mi i n'a rin d'canger. Ch'matin i ma d'mindé min pseudo et min mot d'passe et ch'est parti comme in 14.
Ach't'heure i m'démante pus rin,

J'vos rin d'aute.......
Cha dot core ète un cop monté par les jésuites.
Que cinéma aveuc tout cha, in sarot pas faire des biaux infants in ch'momint.
  i a des momints in brairot.

Ouais,eune fos que t'es connecté, t'as cha que te moutes.

Mais pour se connecter, te t'artrouves devint un bazar ainsi: et l'ferniête carrée au mitan elle est des fos - souvint - rudemint soyeusse à venir tchand que t'es obligi d'utiliser un matériel nin très performint....

Alors que derrière i a le bouton "On" qui est rindu inaccessipe par ch'tiot gadget.

J'ai jamais vu cha Batisse..... pas eune seule fos ? ? 

Mi j'ai essayé su min smartphone, ché comme su min Péssé, mais in plus p'tit ....Esse que t'as mis :Connexion automatique ? alors il faut plus donner sin mot d'passe à chaque fos ...

Batisse i dit:  Cha serot i possipe de faire comme les autres sites avec un pseudo et un mot de passe: nin rajouter de gadget ainsi.
Je l'ai inl'vé Batisse  le gadget!! comme té dis.
dis me si cha t'va?

Impec chef! Merci, ch'est ti le meilleux.

Désolé pour le retard à réagir mais pour l'instint in a un souci de famile qui nous éloigne des ordis "détinte". I faut que cha cicatrise.

....."Roger ch'est eune mère pour nous z'autes Batisse ! ! "
  

....."Roger ch'est eune mère pour nous z'autes Batisse ! ! "


après tiote bellotte...pépépébé

J"pinsos ,qu'chétot après mi.....MDR