mes gins, finie l'trinquilité, me v'la arvenue

alors in sait pas c'qui s'est passé mais d'pis vindredi midi, pus d'tel ni d'internet, alors que tout marchot bin chez les vojins, j'ai même pinsé à eune vengeance d'ché co' du forum
vindredi c'étot l'vraie tempête d'neiche et l'vraie galère pou marcher et circuler in carette, in a du annuler note répétition générale car trop d'absents... mais mi qui savot pas qu'ch'étot annulé du fait que j'ai pas pu lire ou acouter mes messaches j'sus montée à pids à l'école d'musique (tout in glichade, et j'sus arrivée essoufflée et couleur d'bonhomme d'neiche) tout cha pou rin, toni li i étot bloqué à l'gare à lyon, i a même cru qui allot ête obligé d'aller couquer chez in des infants à lyon...
nos deux concerts d'samedi is s'sont super bin passé, l'matin ch'étot pou les voeux du maire (in monte fou, pus que l'habitute) et même programme l'après midi dins eune maison d'artraite avec les familes et amis des résidents, in a fait in vrai concert d'nouviel an (essentiellement du Strauss, père et fils) in vrai régal d'juer chés marches, valses et polka.... par contre l'artour à l'majon vers 17 h s'est fait assez difficilemeint du fait qui a arcomminché à neiger à partir 15 h, sur in sol gelé et quind in s'a couqué à 1 h du matin i neigeot toudis, i avot bin 30 cm d'neiche.....
hier in est resté à l'cauïette à côté de l'queminée après avoir passé 2 h à tout deblayer...
bon asteur j'vas prinde min timps pou lire tout c'qui vos avez écrit
à pluche.......... et merci à ceusses qui se sont inquiétés d'nosautes

Finalemint, i suffisot de payer la dernière facture hein?

ah ch'étot pou cha !!! comme quo la vie d'surfeur su la toile n'tient qu'à in (cop d') fil
n'impêche c't'affaire ch'est in comble pou quequ'in qui travalle chez Orange, non ?