Vu que j'avos besoin de finir d'user min peuneu arrière de mobylette avint d'in mettre un nouvieau pour eune sortie dins les Ardennes le oauiquenne prochain, je chus allé faire un tour.

Chat quet bin, i fait rudemint bieau aujord'hu...

Et in route j'ai tché chu un chantier comme in n'in vot nin souvint, à part je suppose du timps que l'écomusée i étot in construction.

Vlà ichi quelques photos que j'ai prises exprès pour vousautes.

Pour l'instint le tot i est incore dessur et ch'est l'occasion de vir que le couvreur qui l'a tuilé i s'est bin amusé.

Les ferniêtes elles m'intrigtent, vu qu'elles ne sont nin neuves mais qu'elles tientent avec des cales. A l'occasion, ch'est tout cha qu'i restot de bon dins l'majon, à part l'ossature bin sur.

Ch'est sur qui n'd'a qui n'ont nin peur...
Infin mi c'qui m'étonne l'pus ch'est que t'avos pris tin apparel photo et surtout qu'i y avot des piles ARCARGEES dedins ! té progresses !!! (pus vite que chés travaux)

Pffff! Ch'est petit de toudis attaquer les plus faibles.

Et patati et patata et patati et patata qui reveut des nouilles?

Eune baraque comme cha, cha dot ète fait aveuc du bos d' palettes. I faudrot l' commincher par l' toiture.

Sacré chantier in effet. Cha m'fait pinser aux chalets d'montane qu'in démontent pour aller réinstaller dins des coins plus .... z'huppés.
Si qu'ches gins là l'font pas eux mêmes l'traval, ben j'voudros pas payer l'facture. Inne fos terminé cha va ête magnifique.
Si qu't'arpasses dins ch'coin là cha sérot intéressant d'vire l'chantier un peu plus avinché. Merci d'avance.

J'y pinserai tiote. Ch'est eune route que je ne prinds nin souvint, mais là ch'est vrai qu'i a de quo faire un arportache....

. A mote qui vont rimplir les tros aveuc de l'mollique faite aveuc d'l'argile mélingée aveuc de l"pale comme du timps d'nous incètres les Gaulois.

Et quo que te cros qu'i a intre les montants des visses majons alsaciennes?

......L'même cosse qu'dins toutes kes visses majons d'France et d'Navarre sans doute..I n'd'avot des comme cha dins min ancien villache mais les poutes n'étotent pus apparintes.
.....
Cha va bin pour percher un tro dins les murs pour passer un tuyau d'chuffache cintral.....et in pusse ch'est un excellent isolent thermique......

Bon, j'y chus artourné, vu que je pinse à vousautes et aussi qu'i fallot que trouve eune destination pour aller roder le nouvieau peuneu de m'mobylette dins un secteur sins trop de zigzags.

Eh ben mes gins, le chantier i est fini.

Vlà quo que j'ai trouvé:

Je chus un tiot peu déçu, je l'avoue...

Mais cha fait rin, je vas trouver des autres séquos remarquables de l'région Est, à l'occasion.

1978. M'baraque.
. Vue d'sur l'cour.
.
.
Armonte tes manches garchon. !
.

"Nan madame, i n'est pas quéu eune bompe, nan ch'est pas pindint la guerre !"...ch'est bin in 1978.

alle avot brulé r'maison ? i y a des poutres qui sont toutes noirtes?

Berdaf! Je dijos juste parel et j'ai invoyé pindint que sin message à Marcel i étot in route. Résultat: incore un messache de perdu!

Cha fait rin, vu que je dijos parel que l'useux de montanes....

Mais ch'est mi l'premier, donc Médale d'Or

.

Cha ch'est côté cour !.....avant l'carnache....i a fallu tout démolir et tout inlièver......

Et pourquo que ch'est vousautes qui avez du faire cha? Ch'étot construit sins permis au moins?

In tous cas, vues les quintités d'éternit chu les tots, vous avez pris vou dose d'amiante. Mais à l'époque ch'étot nin grave et in in survivot bin. A ch't'heure t'amène de l'éternit à l'déchetterie, ch'est comme si que t'amenos de l'uranium inrichi....

I a des fos de l'abus!

Mi, cha qui m'énerfe le puq ch'est l'diabolisation des gaz à effet de serre qui n'in sont nin ou presque (le co2) par rapport à d'autres qui sont infinimint plus volumineux et actifs mais imparapes (l'vapeur d'ieau).

L'tierre elle se récauffe parce qu'elle s'approche un tiot peu du solel. Ch'est nin l'premire ni l'dernière fos que cha arrife et l'homme n'y est pour rin. Mais cha permet d'inrichir du monte au passache....

A m'mote que je me chus levé du mauvais pid aujord'hu....

Vla l' majon.
.

.
. In tout aveuc l'terrain i a 1900 m2. C'qu'in vot sur les photos ch'est derrière l'majon, d'sur l'côté , derrière l'mur à gauche i a 1300 m2 d'brun qu'i a fallu qu'inlièfe.
. L'ancien propriètaire él'vot pus d'chint cochons, ch'est pour cha qu'i avot fait tant d'baraques d'bric et d'broc.
. L' pire ch'est qu'in pouvot pas garer un caméon dins l'rue, les parints d"élèfes de m'ancien villache m'avot proposé d'am'ner un énorme caméon l' samdi et d'arprinte l'lundi aveuc l'accord des patrons. ( Is travaillotent dins l'pus grante carrière d'marpe d'Europe)
In pusse i n'avot pas core d'déchettrie ! ! ! Un camarate m"avot prété eune remorque Saris qu'ej rimplichos au max .jusqu'au jour ou l'ai crevé un pneu. Impossipe d'soulièver aveuc l'crick....j'ai dû l'vider d'sur trottoir eu comme Jean Valjan, m'placher pas d'zous et l'souliéver pour qu'min garchon i cange l'reule... ! ! ! du traval d' ouf.......et cha pour conduire les débris aveuc l'accord du maire de m'ancien villache dins un tro d'bompe....à eune vingtaine d' KM.....Insuite, j'ai crevé eune deuxième fos et j'ai arrêté ch'carpin la, j'avos fait pus d'80 voyaches.....Que ju ! ! !
.
L'intrée du garache, à droite de l'majon.
et l'vaillante Taunus 17 M.....qui saquot tout cha sans quaire in panne....heureus'mint....

M' cour ach't'heure.
.

.

.
.
M' cour, avant d'commincher les travaux.


.

L' pronier quind vot d'vant est mort ch't'année.

Et ach't'heure, l'gardin.
.

.

.
L'terrain derrière l'majon.
.

.

Armonte tes manches garchon ! !
.