Marie n’avot pus s’pièche dix sous…
. Avant d’commincher d’raconter l’histoire, i faut qu’ j’esplique à les inochints c’que ch’ètot pour eune jaune file s’pièche dix sous.
. Quand qu’vous acatez eune séquo valape, i avot, dins l’timps un cachet d’cire, ou ach’t’heure eune pastile d’garantie que ,si qu’ vous l’déquirez ou qu’vous l’faisez sauter vous l’perdez, l’garantie. Alle proufe que l’séquo in question, qu’alle a jamais été utilisée avant vous.
. Ch’est parèle pour les finmes, l’ pièche dix sous alle proufe qu’alles n’ont jamais servi, même eune seule fos. Si qu’in l’faite sauter,in n’peut pus l’rimplacher. Cha n’arpousse pas.
….
. Dins l’timps cha n’rigolot pas aveuc cha. A ch’t’heure, alles sont rares les ceusses qu’alles l’ont core, quand qu’alles s’maritent. Ch’est grafe,pasque, si qu’alles l’ont pus, in peut pas savoir si qu’alles z’ont fait seul’mint l’tour du quartier ou si qu’alles z’ont pus d’kms au compteur que l’caméon à Batisse. Incore que, li, l’camèon, pas Batisse, i va ardémarrer à zéro.
…..
…..Marie, l,file à l’Zeph, alle l’avot pardu s’pièche dix sous aveuc un esquivant pindint les vagances . Cha arrife. Mais comme qu’alle devot s’marier aveuc un Polonais, alle s’faijot de l’bile. Is rigoltent pas aveuc cha les Polonais.
. Alle esplique cha à s’mère.
. « Aman, qu’est c’que j’ pouros bin faire eud’ dins min cas ? ? Marek i va pas ète contint..
. – Acoute t’mère m’file, té prinds eune capsule qu’i a d’sur les yourts et jusse avant d’d’aller vous couquer té t’mets cha la dins, té l’colles aveuc du blanc d’oeu. Comme Marek i ara un cop dins l’nez aveuc l’piétchoucha et les wodkas qu’i ara bus, i s’aperchevra d’rin.
. – Té cros ? aman ?
. – Té peux in ète sure m’file. Matante Aglaé alle a fauté pindint l’guerre 14 aveuc un grand Sidi,, mononque Alfrete i s’a aperchu d’rin…..Ch’est elle qui m’a raconté cha in rigolant.
. – Merci aman j’vas faire comme cha. »
……. Jour J.
……Vla les mariès qui s’in vont s’couquer. Marie alle avot fait s’que li a conseillé s’maman…Marek i passe à l’action…..mais in artirant sin créateur i treufe imbroché l’ fameusse capsule in question……i l’artire… d’sure ch’étot écrit. « Mingez des yourts Félix Potin, vous s’intirez bin »…Stupéfaction d’ Marek….
. - « In éra tout vu, qu’i s’dit Marek, in fait de l’pub à l’radio, à l’télé, d’sur internet,dins les Emiles et ach’t’heur is font même de l’Pub dins…l’ c… des finmes.