|
Auteur | Message |
---|
pépéPéBé
Sexe : Date d'inscription : 25/12/2009 Messages : 4646 Wimille 62126
| Sujet: A l'hôpital Ste Barpe Jeu 28 Juin 2012 - 7:59 | |
|
A l’hôpital Ste Barpe. . Zeph, qui vénot d”ète opéré pour des coliques néphrésiques s’révèle dins eune campe du qu’i avot déja deux gaziers . L’conversation s’ingache. . « Alors Biloute, Té révé’i’é ? . - Ouais fiu, i a longtimps que j’ sus ichi ? . - Nan, té viens d’arriver,mais t’es pas près d’ arsortir !!! Mi, in a du m’opérer deux fos, l’chirurgien avot oblié un pans’mint dins min vinte, . - Ah bon ch’est comme cha qu cha va ichi ? . - Ouais qu’i répond l’aute guss, mi, in m’a opéré tros fos…l’deuxième fos pas’que l’docteur avot oblié eune béquette et l’trosième fos, pasqu’i avot oblié un pétit bistouri dins mes boyaux ! !. . -. Vous m’foutez les boules vous autes…. » . Zeph n’ a pas l’timps d’finir que l’porte alle s’oufe d’un crin et que l’ chirurgien i passe s’tiète : « Pardon Messieurs, vous n’auriez pas vu mon parapluie par hasard ? ? |
|
| |
Kazimierz
Sexe : Date d'inscription : 05/04/2011 Messages : 491 ~~ Boyau Rouche 62430 ~~
| Sujet: Re: A l'hôpital Ste Barpe Jeu 28 Juin 2012 - 15:28 | |
|
Cha sint l'vécu nan....
pis St Barpe ch'est à 500 m d'majon .... |
|
| |
pépéPéBé
Sexe : Date d'inscription : 25/12/2009 Messages : 4646 Wimille 62126
| Sujet: Re: A l'hôpital Ste Barpe Jeu 28 Juin 2012 - 17:48 | |
|
..... L'hôpital Ste Barpe d' sur l' route Billy Lens ? ? .....Histoire vraie. .... Quand que j' travaillos "aux travaux forchés, au 2" , à Billy, j' m'étos donné un cop d' sur m'gros ortèle in déplachant eune tôle. Bin sur,l'onque i étot dév'nu tout bleu.Aveuc m' mobylette, ch'étot vers 1955, j' m'in va à l'hôpital Ste Barpe vire l'infirmier. J' faijos la queue dins l' couloir comme tout l' monte. V'la min tour arrivé. L'infirmier, i s' applot Musin, ravisse m'ortèle et tel que jé l' dis, i m' dit in désignant un tiot lavabo:" Mets tin pied la d'sure". Bête mais discipliné, J'mets min pied "la d'sure"; i prind eune tiote pinche et d'un seul cop i m' arrache m'onque. J'ai pas eu l'timps d' vire clair ! ! I avot un grand Polonais derrière mi qui attindot sin tour li aussi, i a quéu dins les pommes. .....J'sus arrivé à m'm'majon mais j' avos eune hémorragie. J' ai du faire vénir à m'majon un aute infirmier qui m'a dit in arrivant: I t'a bien arringé ! ! " (J'ai quitté les mines in 1960). ....... In aute cop, j"me sus bléssé à un dogt aveuc eune meule émerie. J"sus dallé à l' hôpital et j'sus arsorti eune semaine après: J'ai jamais vu un seul docteur.......et j' avos et j' l'ai core l' tendon extenseur copé...... J'étos dins eune salle commune, i avot des Français, des Arapes, des Polonais et même un ancien SS......Qu'est c' quind a pu rigoler ! ! ! ...... . |
|
| |
min nain
Date d'inscription : 11/06/2011 Messages : 391 Hérault
| Sujet: Re: A l'hôpital Ste Barpe Jeu 28 Juin 2012 - 19:44 | |
|
Qu'o qu'ch'est qu'inne "béquette"? |
|
| |
Loumarcel
Sexe : Date d'inscription : 26/12/2009 Messages : 1417 Prés de Montpellier
| Sujet: Re: A l'hôpital Ste Barpe Jeu 28 Juin 2012 - 22:00 | |
|
Ch'est pas eun' pince? In chirurgie cha dot avoir un aut' nom. |
|
| |
pépéPéBé
Sexe : Date d'inscription : 25/12/2009 Messages : 4646 Wimille 62126
| Sujet: Re: A l'hôpital Ste Barpe Jeu 28 Juin 2012 - 22:35 | |
|
In 1961, j‘étos dins m’classe aveuc les élèfes quand, par l’ferniète j’vos arriver ch‘garte du villache. Un tiot viux,tout maigue, des tiotes leunettes in fier, eune vièle casquette, mal rasé, eune tiote moustache tout jaune par eule toubac, un personnache d’jour de fête d’Jacques Tati. I s’avanche vers l’classe in s’déhanchant comme un sinche. J’ouve l’porte et j’li demante c’qui veut. . « Vous avez pas eune béquette ? . – Eune béquette ? j’sais pas c’que ch’est eune béquette ! . - Bin inne pinche ! . - Des pinches, j’in avos, min garache i étot jusse à côté. . J’vas caire eune béquette donc eune pinche. Pour intrer dins l’classe i avot tros quate marches d’escaier. I s’asit d’sur les marches, i oufe s’bouque tout grand et i m’moute un chicot qui pindot dins s’bouque. . « T’nez arrachez me l’ dint la… » Sans hésitation, l’dint alla a été inléviée, faut dire qu’alle ténot pus grandmint . - Vous voulez un verre d’ieau pour vous rincer vote bouque ? . - Nan, merci cha va daller comme cha » ……Et i est arparti in crachant tout l’long de l’route. ………….. . Et ch’est comme cha que j’sus dévnu arracheux d’dint et qu’j’ai su c’que ch’étot qu’ inne béquette……I . In verrot cha dins un film ! ! . Inutile d’ajouter qu’in a core bin rigoler.
|
|
| |
Kazimierz
Sexe : Date d'inscription : 05/04/2011 Messages : 491 ~~ Boyau Rouche 62430 ~~
| Sujet: Re: A l'hôpital Ste Barpe Jeu 28 Juin 2012 - 23:11 | |
|
- min nain a écrit:
- Qu'o qu'ch'est qu'inne "béquette"?
Si in met un I al'plache du é .... eul problème i est résolut.... |
|
| |
batisse
Sexe : Date d'inscription : 22/12/2009 Messages : 5194 St Dié dins les Vosges
| Sujet: Re: A l'hôpital Ste Barpe Ven 29 Juin 2012 - 7:22 | |
|
Ou un k à l'plache du b mais cha m'étonne d'écrire cha.... |
|
| |
pépéPéBé
Sexe : Date d'inscription : 25/12/2009 Messages : 4646 Wimille 62126
| Sujet: Re: A l'hôpital Ste Barpe Ven 29 Juin 2012 - 8:05 | |
|
T"es pourros té l'faire pincher aussi ! ! ! qz |
|
| |
pépéPéBé
Sexe : Date d'inscription : 25/12/2009 Messages : 4646 Wimille 62126
| Sujet: Re: A l'hôpital Ste Barpe Ven 29 Juin 2012 - 8:13 | |
|
Marcel, in chirurgie eune béquette cha s'appelle eune érigne ou une érine........ ... Pour madame eune ké...... pour monsieur eune cli...... |
|
| |
pépéPéBé
Sexe : Date d'inscription : 25/12/2009 Messages : 4646 Wimille 62126
| Sujet: Re: A l'hôpital Ste Barpe Ven 29 Juin 2012 - 8:20 | |
|
Ténez-vous bin les gars, béquette ch'est français . béquette
nf (bé-kè-t') 1Pince à l'usage du chaînetier, de l'épinglier, du fondeur et du serrurier. . Pour désigner eune pinche, ch'est imployé souvint par ichi.
|
|
| |
flersois
Sexe : Date d'inscription : 27/11/2010 Messages : 1886 Belgique
| Sujet: Re: A l'hôpital Ste Barpe Ven 29 Juin 2012 - 11:03 | |
|
Ene BONNE FÊTE à not pépé PIERRE
|
|
| |
pépéPéBé
Sexe : Date d'inscription : 25/12/2009 Messages : 4646 Wimille 62126
| Sujet: Re: A l'hôpital Ste Barpe Ven 29 Juin 2012 - 12:34 | |
|
Si ch'est mi l"pépé Pierre in question, j"savos pas qu'chétot m'f^ete ! ! ! |
|
| |
flersois
Sexe : Date d'inscription : 27/11/2010 Messages : 1886 Belgique
| Sujet: Re: A l'hôpital Ste Barpe Ven 29 Juin 2012 - 12:46 | |
|
- pépéPéBé a écrit:
- Si ch'est mi l"pépé Pierre in question, j"savos pas qu'chétot m'f^ete ! ! !
Mi non pu j'savos pas, mais j'ai erchu un mèle qui dijot : N'oubliez pas de fêter vos amis Pierre alorsse j'ai pinsé à ti.. |
|
| |
batisse
Sexe : Date d'inscription : 22/12/2009 Messages : 5194 St Dié dins les Vosges
| Sujet: Re: A l'hôpital Ste Barpe Ven 29 Juin 2012 - 13:29 | |
|
Wette l'autre ichi, mine d'arien i invite les gins à arwetchi le calindrier et quo qu'i a d'écrit chu l'calindrier aujord'hu: sts pierre et paul. Et comme par hasard flersois i s'appelle paul! Eune bonne fiête le flamind! |
|
| |
tiote bellotte
Sexe : Date d'inscription : 22/12/2009 Messages : 3111 Dins le beaujolais (69)
| Sujet: Re: A l'hôpital Ste Barpe Ven 29 Juin 2012 - 14:34 | |
|
Bin cha alors !!! merci du rinseignemint les copains mes deux garchons que j'garde s'appellent Pierre et Paul (nin mes gins ch'est nin nou pierre et paul, mi ch'est des jonnes ) et je n'savos nin que ch'étot leu fête ! j'vas réparer cha après l'école ! In tous les cas bonne fête aussi à ppPB et flersois |
|
| |
pépéPéBé
Sexe : Date d'inscription : 25/12/2009 Messages : 4646 Wimille 62126
| Sujet: Re: A l'hôpital Ste Barpe Sam 30 Juin 2012 - 7:57 | |
|
Pierre ch'etot pas son prénom, ch'étot Simon ! ! un péqueux
.« Et moi, je te dis que tu es Pierre, et que sur cette pierre je bâtirai mon Église, et que les portes du séjour des morts ne prévaudront point contre elle. Je te donnerai les clefs du royaume des cieux : ce que tu lieras sur la terre sera lié dans les cieux, et ce que tu délieras sur la terre sera délié dans les cieux.
Amen |
|
| |
batisse
Sexe : Date d'inscription : 22/12/2009 Messages : 5194 St Dié dins les Vosges
| Sujet: Re: A l'hôpital Ste Barpe Sam 30 Juin 2012 - 9:09 | |
|
Et tous les francophones is ont gobé cha avec un bieau sourire admiratif....
Mi je tique. Qui que ch'est qui arot dit cha? Moïsse ou un oriintal ainsi?
Seulemint i a un os dins le bisteck: i n'y a qu'in français que pierre (prénom) et pierre (caillou) cha se dit parel. In teuton ou in ingliche, pierre ch'est peter et caillou ch'est stein ou stone. Je ne vous parle nin du chinois....
Le premi qui dit que stone ch'est un prénom féminin que ch'est l'femme à pierre i a eune margnouffe. Stone ch'étot l'femme à éric. In dit stone et charden. D'ailleurs, l'femme au tiot jésus, elle s'appelot clémence. Ben ouais, in cause toudis du tiot jésus et de s'grinte clémence.
Bref, pindint que le traducteur langue morte/français is causot de pierre et de pierre in étint fier de sin ju de mots, sin copain ingliche i a essayé avec peter et stone (du ginre tu es peter et chu ch'caillou je bâtirai m'n'églisse....) et i a fait un flop. I n'a aucun curé ingliche qui cause de construire quo que cha soche in caillou chu sin dos à peter. Ou alors un monumint funéraire, mais i faudrot causer de construire chu sin vinte et nin chu sin dos....
Valà. In nous prind des fos trop ouvertemint pour des nonoches...
Peter. Ch'est un drôle de prénom énon? I a eune guernoule de l'famile royale inglaisse qu'elle a renoncé à un jules qui s'appelot peter et ne plaijot nin à l'famile. Et la une de paris match ch'étot MARGARET RENONCE A PETER... |
|
| |
flersois
Sexe : Date d'inscription : 27/11/2010 Messages : 1886 Belgique
| Sujet: Re: A l'hôpital Ste Barpe Sam 30 Juin 2012 - 9:58 | |
|
- Citation :
Le premi qui dit que stone ch'est un prénom féminin que ch'est l'femme à pierre i a eune margnouffe. Et l'fémme à Flinstone chéto Wima |
|
| |
batisse
Sexe : Date d'inscription : 22/12/2009 Messages : 5194 St Dié dins les Vosges
| Sujet: Re: A l'hôpital Ste Barpe Sam 30 Juin 2012 - 10:06 | |
|
Au fait, commint qu'is dijottent? Vilma ou Ouilma?
A m'fabrique in avot eune secrétaire qu'elle s'appelot Wilma. Avec min pote Jeannot (un boyau rouche d'hénin liétard...) in l'appelot ouilma et cha faijot rire tertous...
Surtout qu'in le faijot assez volontier à l'mode pierrafeu! |
|
| |
flersois
Sexe : Date d'inscription : 27/11/2010 Messages : 1886 Belgique
| Sujet: Re: A l'hôpital Ste Barpe Sam 30 Juin 2012 - 10:12 | |
|
|
| |
batisse
Sexe : Date d'inscription : 22/12/2009 Messages : 5194 St Dié dins les Vosges
| Sujet: Re: A l'hôpital Ste Barpe Sam 30 Juin 2012 - 11:07 | |
|
Ch'est nin le livre de la jungle cha? |
|
| |
batisse
Sexe : Date d'inscription : 22/12/2009 Messages : 5194 St Dié dins les Vosges
| Sujet: Re: A l'hôpital Ste Barpe Sam 30 Juin 2012 - 11:08 | |
|
Nous évlà incore eune fos à perpette du sujet de départ...
Et d'ùche qu'i est le penne broque du chirurgien à pépé? |
|
| |
batisse
Sexe : Date d'inscription : 22/12/2009 Messages : 5194 St Dié dins les Vosges
| Sujet: Re: A l'hôpital Ste Barpe Sam 30 Juin 2012 - 11:10 | |
|
Tiens, pour in arvénir au livre de la jungle - infin presque....- j'ai intindu au poste ch't'au matin qu'i a eune énigme au sujet de donald....
Pourquo qu'i met eune serviette autour de s'tale tchand qu'i sort de s'douche alors que le reste du timps i s'habile foque avec eune tiote veste et eune casquette?
In vlà eune question qu'elle est bonne énon? |
|
| |
Contenu sponsorisé
| Sujet: Re: A l'hôpital Ste Barpe | |
|
|
| |
|