J'sais pas si vos êtes comme mi, mais mi cha m'énerfe tout chés gins qui utilisent leu téléphones portape à tout bout d'champ, comme si leu vie in dépindot.
Armarquez j'ai rin conte les portapes, mi j'in ai pas pace que je n'd'ai pas b'soin, mais j'arconnos leu utilité, mais ch'est comme tout, faut utiliser chés apparels avec modération, et discrétion.
L'aute jour chez eune amie in a fait l'connaissance de chés nouvieaux vojins, et bin, chés gins, n'arrêtottent pas d'consulter chacun leu portapes.... tout in discutant. Min diu qu'j'avos invie d'leu arracher des mains et d'les mette à l'cour eusses et leu portapes. Pou mi ch'étot d'eune sacrée impolitesse vis à vis d'min amie !!! L'pire ch'est qui n's'rindottent même pas compte de c'qui faisottent, ch'étot un geste naturel...
In début d'semaine, au restaurant, in a profité de toute l'conversation d'un homme d'eune bonne soixantaine d'années assis à deux tapes derrière nosautes après avoir subit eune sonnerie digne d'eune charge de cavalerie... i devot ête sourd c't'homme là pou avoir cujit cha comme sonnerie et pou réponde aussi fort à s'n'interlocuteur.
In tous les cas nosautes in avot pas l'air de l'déranger, ch'est d'jà cha !
Pis hier au soir pindant l'répétition d'l'orchestre j'sus intervenue auprès d'deux jonnes flûtistes, in plein ache ado, assises à côté d'mi, qui ravisottent leu messages et pianotottent d'sus l'clavier d'leu téléphone pindant qu'in travaillot un morcieau ! les portapes posés d'sus les partitions. Bin sur, in faisant cha alles pouvottent pas acouter les consignes correctemint. Cha a été pus fort que mi, j'leu ai dit, bin fort, "les filles, les portables c'est avant ou après la répétition"... bin ouais cha gênot d'autes musiciens mais personne n'disot rin (l'chef n'peut pas tout vir). Alles ont été surprises (ben, qu'est ce qu'on fait d'mal ?) mais aussi sec, les téléphones ont disparu dins les poches. Infin j'ai quind même eu l'drot à un argard "mitraillette". Mais comme in dit : "Même pas peur !"
Quind même, hein, j'sus rabat joie...

Rassure te tiote, mi aussi cha m'énerfe grave comme is distent les djones!

l pus pire ché dins les transports in commun des fos in a tout loisi d' acouter sans l' vouloir la vie privée des gins.
j'ai un i-phone mais j'ai pas l' drot d' min servir ché uniquemint pour min traval.
une sorte d' pointeuse déguisée.

Mi quand j'vos cha j'arvois ches cabines insonisées à l'poste ou ches d'mi-dômes accrochés aux murs dins les indrots d'où qu'on pouvait téléphoner : i fallot surtout pas qu'in intinde cha qu'on disait ! L'vie elle cange !

Les portables c'est sûr que cela peut servir en cas d'urgence, mais c'est l'on participe sans le vouloir à la vie des gens, et force de gestes avec cela il est vrai que je suis dans le midi et nous parlons très fort. Hier midi j'étais dans une crèparie avec ma nièce sur 10 tables occupées il y avait 6 personnes au téléphone

Et ch'est pas fini tout cha mes gins ! D'ichi queques années les téléphones fixes n'existeront pus dins les majons, cha s'ra que des portabes... D'ja les cabines téléphoniques extérieures n'sont pus rimplacées eune fos hors d'usache.
Che devot ête normalemint effectif pou fin 2012, mais l'échéance a été arportée.... Ch'est pas des cacoules, mn'nhomme travaille pou un opérateur d'téléphone...
J'plains les personnes âgées... pis nosautes dins queques temps pace que, qu'est ce qu'is vont cor nos inventer d'ichi à c'qu'in seuche des octogénaires......

l'mot à l'mode ch'est : - t'es où ? -

Les gins n'se parlent pus, qu'in dit ?

ah ouais ? - in s'parlent pus "in vrai", quanqu'in est insenne mais alors ches portapes cha i va !

Pour les s m.. machin et companie, quanque j'les vos taper sur ches touches à eune telle vitesse, je m'dis que j'ai pris un sacré cop d'vieux !

in parle des portapes pas discrets du tout, mais c'que j'trouffe vraimint graff ch'est l'aur to gra ffe l'tout bien amoché à cause des s m..... etc

Sur l'min , j'ai mis comme sonnerie : Le travail c'est la santé, et vous zautes ?

Moi c'est " j'ai un appel et toi t'en a pas trallalalére etc ......

Su l'portape de m'n épouse

in a mi Réné la taupe ....



https://youtu.be/24pUKRQt7fk

Bonjour tertous!!!

Citation :

in a mi Réné la taupe ....

Au début j'avos cha aussi,min tiot garchon étot fou de l'canchon la...
Achteur, ch'est l'musique d'eun canchon inglaise que m'fimme a querre,mais j'pourros nin dir ech' nom.

Le mien i fait dring, comme un téléphone!

Ch'est rigolo parce qu'i a des gins qui trouvtent que ch'est eune drôle de sonnerie pour un téléphone....

Le monde i est un tiot peu maboul quind même énon?

A l'limite, les téléphones d'à ch't'heure is servtent plus à d'autres séquos qu'à téléphoner.

Citation :

A l'limite, les téléphones d'à ch't'heure is servtent plus à d'autres séquos qu'à téléphoner.

L'min, y m'sert de révèl, mais l'dernière fos, j'l'avos nin incore mis à l'heure d'été...

Cha sert aussi souvint à faire dépenser gramin d'sous .

l'mien y sonne nin pacqu'y est toudis fermé au fond d'min cabas.

J'm'in sert foque in vacances, ch'est tut d'même bin d'avir eune cabine téléphonique dins s'poque au cas où...Cha m'coûte 1 roros chinquante par mois mais j'cros bien qui n'tient pu la charge;

Y a foque 6 ins, ch'étot cti d'min garchon tchin qui prenot l'train pour dire qui fallot nin courir à la gare à cause des retards ou des greffes. Ch'étot utile à l'époque.

Les gins y m'distent qui faut nin canger d'batterie mais qui faut mette l'téléphone au bac à l'ordure et in acater un aute.

J'aime nin cheulle mintalité.. et j'aime nin non pu les gins qui sont toudis aveuc leur ys tut berlous rivés su l'portape comme si qui z'éttotent des grinds chirurgiens indispensapes qu'in dot joindre pour aller faire eune greffe t'choeur.... en fait c'est des: T où? ca va ? Si on est aux cabinets, in répond quo?

Citation :

en fait c'est des: T où? ca va ? Si on est aux cabinets, in répond quo?

Bin té réponds "cha pousse"

Oui comme mes salades et mes tomates dans le jardin

Ha bon les salates et les tomates elles ont aussi leur poignet tout cron qui faut apeller l'ambulance? .. j'ai du louper un épisote.

Voilà j'avos rajouté cha après l'intervention d'Pistouille qui parle ed salates et t'tomates.
Ch'est pour cha qu'cha s'mélanch' et qu'té comprint rien.
Que famile !

"Mi j'viens d'rintrer ed tros jours ed rando et j'ai archu un seul cop d'fil sus min portape pou m'dire dû que ch'bus i nous attindot.
Ha! j'm'in sus servi aussi comme révèle-matin.
J'm'in sers pas souvint d'min portape, (j'essplique hein!) mais in n'sait jamais, quand j'minne eun' rando i pourrot avoir un accident comme ch'est d'jà arrivé eun' fos (un poignet cassé avec des oches ed travers), cha m'a bien inringer d'pouvoir appeler l'112 et d'vire l'ambulance ed chés pompiers arriver."

Cha y est t'as compris ch'cop là?

Que famile... te veux eune margnouffe ti? Casseux d'oches de rindonneux va!

Et mi qui t'imaginos in train d'escalader les montagnes par des sintiers que même les maguettes elles hésitent à passer par là, vlà que te nous annonces l'air d'arien que les pompis is savtent y aller avec lu imbulince... Ben te parles d'eune deschinte de mine!

I a nin le train qui passe aussi des fos?

Que famile... que famile...

Mais nan Batisse, in avot fini ed faire les sinches sus chés rochers, in étot ar'déchindus, (in avot fait "le Roc Blanc" dins la Séranne * ) in étot sus du plat in traversot un groupe ed maison (un mas comme in dit pas ichi), quand el copine alle s'imberlificotte les godasses et alle s'ar'trouff' sus l'daine, avec un poignet tout cassé, et qu' i avot eun' drôle de forme.
A partir ed là i avot pus qu'un truc à faire, ch'étot d'app'ler ches pompiers, in leu disant bien dû qu'in étot, pou qu'is nous ar'trouff'tent.
In les (chés pompiers) attindant, in s'a occupé ed not' blessée qui étot toute blanque. Is sont donc arrivés in ambulance et is l'ont iménnée à l'hôpital dû qu'alle a été opérée.
A l'heure actuelle j'cros qu'alle a cor des vis dins sin poignet.

* tapez cha sus Goo... et vous verrez l'coin, in étot passé tout in haut.

Bon ch’est assez bien esspliqué à ch’t’heure, pou chés 59.

Ouais, ch'est cha, continue de faire le singe: rattrape-te à les branques!

Que famile... et pis d'abord, in ne dit nin que famile mais tcheue famile. Te tiens vraimint à te faire armarquer tisaute. Ch'est bin du 62 cha.

Euh... j'ai acaté des bananes, cha t'intéresse?

Tcheue famile... tcheue famile... pis quo incore?

Ouais j'prinds toudis des bananes pou mes randos, j'les minche quand in fait un arrêt vers 10h -11h, cha permet d'attinte l'repas du midi.
Si t'as aussi des cacahuètes, bin té peux les garder.

Cha existe déjà des panneaux définse de linchi des cacaouettes aux rindonneux? Cha devrot énon?