C'midi j'ai fait du minger qu'i avot eune éternité que j'in avos nin fait. Au moins 5 ans. Z'avez qu'à vir ! j'ai même du arsortir min life d'arcettes pace que j'avos des doutes d'sus l'préparation...
Pourtint ch'est rin de bin extraordinaire, ni d'exotique, ni d'rarissime, mais tout simplemint de l'blanquette de veau !
Ch'est min homme qui in avot eu invie in faisant chés courses. Asteur que ch'est li qui va faire ch'marqué, tous les vindredi, i acate des séquos que mi j'pinse pas toudis. I s'a treuvé un boucher qui a de l'viande excellente et qui donne plein d'consels. I a querre cha min homme, faire l'marqué... tint miux ! cha m'arringe !
Bref, pou arvenir à m'blanquette, in s'a rudemint régalé, pis ch'est un plat qui récauffe les corps et qui s'récauffe sin problème et rin que cha ch'est l'mitan du plaiji ! In n'da cor pou eune aute fos...

Euh... t'accompagnes cha avec quo?

elle blanquette avec du riz et in vin de savoie ch'est bon

Ouais, mais ch'est s'réponse à elle que je voudros. J'ai comme un préssintimint....

ah ouais ???? j'cros bin que té vas avoir faux....

In a mingé cha avec des pemme tierre à l'ieau, i avot aussi des champignons dins l'sauce... comme boisson ? : un tiot vin blanc d'alsace (bin ouais i a du bon vin là bas, pis i en restot d'nou repas d'hier)
cha va, comme cha batisse ?
c'soir, si cha t'intéresse ch'est soupe d'légueumes et carottes râpées - gambon d'pays

Te m'étonneras toudis.

mi,ché saurets aveuc eune pintière à l'iau aveuc du burre su ché pétotes qui fond tout douchemint pis un monet d'persil haché pou l'couleur....pis ch'gout aussi

Ben mi, vu que j'ai netchi min congélateur, j'ai artrouvé des séquos qui arottent déjà du être mingées...

Alors j'ai buqué là-dedins. Un mélinche de potée paysanne et de jardinière de légumes, ou eune séquo ainsi, qui étot rudemint givrée...

Pour lutter contre les micropes qui arottent pu avoir l'mauvaise idée de s'installer là-dedins, j'ai rajouté tout plein d'al in fin de cuisson. J'ai fait eune chère de ro. Je dos avoir eune haleine de chacal.

Et i in reste pour demain...

Et l'al cha récauffe. Z'avez vu, i n'd'a au moins un qui reste dins le sujet du sujet....

Ha oui, t'es nin hors sujet... j'allos t'feliciter de tcherre chu tes pis in parlint que ch'étot un bon timps pour dégivrer tin congélateur mais j'm'a suis trompée d'pache... j'ai pris mes pis dins l'tapis... berdafff

T'as nin esquinté le carrelache?

min pavé? pourquo que j'l'aros esquinté? j'sus plus légère qu'eune pleume du capiau du grind chef !

Serre bin le glin alors... attintion à les courints d'air!

Je pinse à cha, cha va tes cheviles? Je ne te connotros nin je pourros pinser que te lévites.

Et ti te l'évites nin cheulle lal?

I faudrot que je les lave les vitres. Mais i fait trop frod.

Bin ch'est du prop...te l'évites el lavache ed tes vritres, te préfère rester sur tin nuache d'uche que te lévites....annochint va!

Ouais, mais i faut que je l'évite min tiot nuache, vu que là-haut i fait frod et que le sujet ch'est que cha récauffe.

Ch'est toudis mi qui dois me coller au recintrache des sujets ichi. Prenez eximple chu mi: jamais je ne dévie, mi.

Bin oui mais pour que cha récauffe y faut bin d'abord avoir frod... té suis des fos?

T'aros pu faire jésuite tisaute... t'es copliquée assez!

Allez, va à tin lit.

j'arriffe nin à dormir.. j'serre mes ys ed toute mes forces mais j'ai des drôles d'imache d'un garchon aveuc un capieau rouche et aveuc s'bouque ouvert... j'ai peur...

Cha s'rot pas avec un nez rouche? Passe que là cha s'rot chti qui a mis trop d'St James dins sin grog hier soir pou s'récauffer.

J'ai nin fait bonne chère avec min grog! In fait je n'd'ai mis le mitan à l'évier. Beurk!

comme cha tin l'évier y va pu tousser tchin que te l'videra

Je ne te raconte nin le rot qu'i a fait...

ch'est pou dégeler tes tuyauteries que té l'as mis dins l'évier ?