J'ai toudis intindu cha à m'mason, m'mère ale disot :

A l'candeleur l'hiver s'arrête ou prind vigueur



In est bien partis pour l'grand frod.

Couvrez vous bien avec l'vint in a l'impression qui fait core plus frod.

J'viens d'arsortir un passe montane pour m'n'homme qui fait s'marche du matin.

J'cros qui va bien l'indurer . I va ête tout camuché

Mi c'matin in allant à l'école, tout camuchée aussi, mes yux is pleurottent à cause de l'tiote bise glachée, et j'avos l'impression que mes larmes alles gelottent aussi sec in arrivant su mes joues... instinctivemint j'les ai frottées et cha a tout d'suite piqué, j'étos rouche à l'indrot d'ù qu'jai essuyé ! mais commint qu'is font in Sibérie ???

Is ne braitent nin?

In tous cas, is ont souvint des ys bridés et à m'mote qu'is sont miux couverts que ti, même si qu'is n'ont nin de décathlon dins lus villaches...

Te ne seros nin un tiot peu chochotte ti?

Pas la tête...

Citation :

mes larmes alles gelottent aussi sec in arrivant su mes joues...

Faut minger plus d'sel, cha impêche de g'ler...

Ou alors te mets du gras chu tes joues. L'ieau elle va glichi.

Ou alors te buques chu tes joues pour que le sing i circule et qu'elles devientent bin cautes.

Ou alors te mets des leunettes de plongée. Les larmes elles resteront à l'intérieur, bin à l'cauyette.

Les leunettes de soudeur cha marche aussi, surtout si qu'i a du solèle, sinon te vas trouver qu'i fait brenne.

In fait, t'exagèreros nin un tiot peu in dijint que les larmes elles gèltent in arrivint chu tes joues? T'es plus près de Marseille que l'moyenne.... pour mi t'aros vite fait de raconter des galéjades.