|
|
Auteur | Message |
---|
Roger
Sexe : Date d'inscription : 17/12/2009 Messages : 1281 Henin Beaumont
| Sujet: J'sus infermé!!! Lun 2 Jan 2012 - 22:19 | |
|
J'sus infermé dins m' mason!!! J'ai fermé m'porte d'intrée à clefs,juque là ..nin d'problème,mais comme j'avos oublié m'mette l'poubelle,bin l'clef tourne sot dins ch'barillet,et comme ch'est eun' serrure à 3 points,je n'peux plus ouvrir l'porte... Quéqu'un arot eun' idée pour l'ouvrir sins faire de dégats!!! Ch'est l'genre de serrure comme cha... |
|
| |
tiote bellotte
Sexe : Date d'inscription : 22/12/2009 Messages : 3111 Dins le beaujolais (69)
| Sujet: Re: J'sus infermé!!! Lun 2 Jan 2012 - 22:52 | |
|
J'ai demindé à Toni, mais y vot pas quo faire.... à part réussir à artirer chés gonds, douchemint si té fais cha, l'porte dot ête lourde...après faudrot canger l'barillet. L'clé alle tourne dins l'vide ch'est ça ? T'fille aurot pas les doupes d'clé ? |
|
| |
batisse
Sexe : Date d'inscription : 22/12/2009 Messages : 5194 St Dié dins les Vosges
| Sujet: Re: J'sus infermé!!! Lun 2 Jan 2012 - 23:00 | |
|
Oh merte! Ch'est imbêtint vu que pour démonter ch'barillet, i faut que l'porte elle soche ouverte!
Bon, ch'est imbêtint pour t'poubelle, mais à m'mote que l'solution ch'est d'aller à tin lit comme cha et contacter un serrurier demain matin. Autint que possipe ch'ti qui a participé au montache de l'serrure in question...
Tin téléphone i fonctionne incore, li?
Pauf grind chef à pleumes! Comme dirot un copain boyau rouche, des tours in n'd'a jamais de bieaux.
Si te restes coinchi, dis le et in trouvera bin quelqu'un pour t'amener des séquos à minger et te raconter quo qu'i se passe déhiors... |
|
| |
Roger
Sexe : Date d'inscription : 17/12/2009 Messages : 1281 Henin Beaumont
| Sujet: Re: J'sus infermé!!! Lun 2 Jan 2012 - 23:01 | |
|
Même avec chés doubles, l'clef elle tourne sins actionner ch'barillet!!! à ch't'heure chi, j'vas m'laisser infermer toute l'nuit... in verra cha d'main, j'ai préparé min tiot escabeau pour passer par l'fenêtre. |
|
| |
Roger
Sexe : Date d'inscription : 17/12/2009 Messages : 1281 Henin Beaumont
| Sujet: Re: J'sus infermé!!! Lun 2 Jan 2012 - 23:02 | |
|
- Citation :
- Tin téléphone i fonctionne incore, li?
té vraimint nin un moqueux d'gins ti!! |
|
| |
Roger
Sexe : Date d'inscription : 17/12/2009 Messages : 1281 Henin Beaumont
| Sujet: Re: J'sus infermé!!! Lun 2 Jan 2012 - 23:05 | |
|
- Citation :
- à part réussir à artirer chés gonds,
même cha j'peux nin,chés vissé sur chés montants à l'intérieur!! |
|
| |
tiote bellotte
Sexe : Date d'inscription : 22/12/2009 Messages : 3111 Dins le beaujolais (69)
| Sujet: Re: J'sus infermé!!! Lun 2 Jan 2012 - 23:09 | |
|
Ah brin alors ! bin j'cros qu't'es bon pou appeler un serrurier ! au moins attinds d'main matin pace que l'nuit cha dot cor ête pus quer ! |
|
| |
batisse
Sexe : Date d'inscription : 22/12/2009 Messages : 5194 St Dié dins les Vosges
| Sujet: Re: J'sus infermé!!! Lun 2 Jan 2012 - 23:14 | |
|
Avec t'tiote équelle, te passes par le cassis et t'essaies de vir si que par hasard l'serrure elle ne marcherot nin in l'actionnint par l'autre côté.
Cha ch'est eune idée qu'elle est bonne énon?
Ou alors, si que te connos un cambrioleux dins tin quartier... comminche déjà par li passer t'poubelle par le cassis.
Attintion in passint par le cassis hein, de l'autre côté ch'est eune grinte marche.
Deminte à t'femme qu'elle filme. Ti qui gartes des tonnes de souvenirs vidéo, faudrot nin louper ch'ti-là.
Pis à l'occasion te pourros gagner un caméscope à vidéo gag.
Allez, fais des bieaux rêves oh grind chef à pleumes.
Tins, rêve de mi, te rêveras d'un anche. |
|
| |
batisse
Sexe : Date d'inscription : 22/12/2009 Messages : 5194 St Dié dins les Vosges
| Sujet: Re: J'sus infermé!!! Lun 2 Jan 2012 - 23:15 | |
|
- tiote bellotte a écrit:
- Ah brin alors ! bin j'cros qu't'es bon pou appeler un serrurier ! au moins attinds d'main matin pace que l'nuit cha dot cor ête pus quer !
T'as bétôt fini de répéter tout cha que je dis tisaute? Ch't'eune séquo cha à la fin |
|
| |
batisse
Sexe : Date d'inscription : 22/12/2009 Messages : 5194 St Dié dins les Vosges
| Sujet: Re: J'sus infermé!!! Lun 2 Jan 2012 - 23:17 | |
|
Dis donc chef, cha ne serot nin des cacoules que t'invintes pour nin payer les étrennes aux boueux? |
|
| |
tiote bellotte
Sexe : Date d'inscription : 22/12/2009 Messages : 3111 Dins le beaujolais (69)
| Sujet: Re: J'sus infermé!!! Lun 2 Jan 2012 - 23:21 | |
|
- batisse a écrit:
- tiote bellotte a écrit:
- Ah brin alors ! bin j'cros qu't'es bon pou appeler un serrurier ! au moins attinds d'main matin pace que l'nuit cha dot cor ête pus quer !
T'as bétôt fini de répéter tout cha que je dis tisaute?
Ch't'eune séquo cha à la fin n'bertonne pas batisse (cha cangera ), in a du écrire in même timps et j'ai pas vu tes réponses ch'est un monde cha à la fin !!! |
|
| |
batisse
Sexe : Date d'inscription : 22/12/2009 Messages : 5194 St Dié dins les Vosges
| Sujet: Re: J'sus infermé!!! Lun 2 Jan 2012 - 23:22 | |
|
Ch'est nin tin barillet qui s'a infoncé trop loin des fos?
Essaye de le rassaquer déhiors vers ti. In ne sait jamais, des fos que ch'est foque le tutche qui passe net à ras du coulisseau dins l'feuillure de l'porte.
Ch'est nin des cacoules hein cha que je te dis!
Incore heureux qu'i a pleu. Tin gardin i est arrosé. Cha arot été incore pire que les poubelles cha énon? Un courtilleux hors pair comme ti. |
|
| |
batisse
Sexe : Date d'inscription : 22/12/2009 Messages : 5194 St Dié dins les Vosges
| Sujet: Re: J'sus infermé!!! Lun 2 Jan 2012 - 23:26 | |
|
- tiote bellotte a écrit:
n'bertonne pas batisse (cha cangera ), in a du écrire in même timps et j'ai pas vu tes réponses ch'est un monde cha à la fin !!! Ouais ch'est cha... in a écrit net in même timps: mi à 23h00 et ti à 23h09. Le chef i arot eu dix fos le timps d'aller mettre ses poubelles pindint ch'timps-là Nan mais ch'est vrai quo... et gnagnagna et gnagnagna, in puq elle ferot croire que je seros capape de bertonner.... Pffft |
|
| |
batisse
Sexe : Date d'inscription : 22/12/2009 Messages : 5194 St Dié dins les Vosges
| Sujet: Re: J'sus infermé!!! Lun 2 Jan 2012 - 23:28 | |
|
Te sais que t'as un sourire de faux tchul chu tin lavatar?
Le grind chef à pleumes, li, i a un bieau sourire de garchon.
Je chus sur qu'i a du sang de 59 ch'ti-là... |
|
| |
Roger
Sexe : Date d'inscription : 17/12/2009 Messages : 1281 Henin Beaumont
| Sujet: Re: J'sus infermé!!! Lun 2 Jan 2012 - 23:31 | |
|
- Citation :
- Avec t'tiote équelle, te passes par le cassis et t'essaies de vir si que
par hasard l'serrure elle ne marcherot nin in l'actionnint par l'autre côté. ch'est cha que j'ai fait in premier,in ouvrant l'fenêtre de l'porte! l'clef tourne sot aussi. d'après des forums que j'ai été vir,ch'est l'barillet qui est cassé,soit il faut l'inl'ver in donnant un cop d'burin,ou in perchant avec eun' mêche de 5mm sous l'intrée de l'clef. j'ferais l'serrurier d'main matin. |
Dernière édition par Roger le Lun 2 Jan 2012 - 23:38, édité 1 fois |
| |
batisse
Sexe : Date d'inscription : 22/12/2009 Messages : 5194 St Dié dins les Vosges
| Sujet: Re: J'sus infermé!!! Lun 2 Jan 2012 - 23:31 | |
|
- Roger a écrit:
- ...et comme ch'est eun' serrure à 3 points,je n'peux plus ouvrir l'porte...
Euh... ch'aurot été eune serrure à un seul point, ch'étot le même brun énon? |
|
| |
batisse
Sexe : Date d'inscription : 22/12/2009 Messages : 5194 St Dié dins les Vosges
| Sujet: Re: J'sus infermé!!! Lun 2 Jan 2012 - 23:38 | |
|
- Roger a écrit:
- d'après des forums que j'ai été vir,ch'est barillet qui est cassé,soit il faut l'inl'ver in donnant un cop d'burin,ou in perchant avec eun' mêche de 5mm sous l'intrée de l'clef.
j'ferais l'serrurier d'main matin. Le coup du burin... faut buquer sec parce que l'règle du jeu ch'est de cisailler net eune vis de 2 ou 3 mm de diamètre. Pourquo un burin d'ailleurs? Quint à percer, ouais, et alors? Eune fos que t'as tout trinsformé in limaille, quo que te fais? A un momint i faudra quind même que le crochet du milieu i tourne. A m'mote que cha serot bin que pour t'éviter des mauvaises surprisses, te comminches par acater un nouvieau barillet. Pour cha i faut sortir le vieux et mesurer combien qu'i fait de long et si qu'i est symétrique. Ah ouais mais non, i n'arrive nin à sortir le vieux... |
|
| |
batisse
Sexe : Date d'inscription : 22/12/2009 Messages : 5194 St Dié dins les Vosges
| Sujet: Re: J'sus infermé!!! Lun 2 Jan 2012 - 23:43 | |
|
Bon, allez chef, je m'in vas à min lit. Je te laisse avec l'cheftaine. Elle va suremint te trouver eune solution.
T'essaieros nin avec de l'vapeur, à défaut de bain marie?
J'espère que demain in assistera à l'libération du chef et de s'chérie. Si te veux je téléphone à la voix du nord... ou à fr3. Ne te pourmène nin de trop in tiote tenue, in ne sait jamais avec les photographes.
Eh beh tcheu jeu.... |
|
| |
batisse
Sexe : Date d'inscription : 22/12/2009 Messages : 5194 St Dié dins les Vosges
| Sujet: Re: J'sus infermé!!! Lun 2 Jan 2012 - 23:46 | |
|
Dins un sins, t'as de l'veine, t'aros pu être infermé déhiors.
T'aros du aller dormir à l'hôtel. I a cha dins tin villache? Cha arot été romintique pour t'femme.
Infin, je trouve... |
|
| |
batisse
Sexe : Date d'inscription : 22/12/2009 Messages : 5194 St Dié dins les Vosges
| Sujet: Re: J'sus infermé!!! Lun 2 Jan 2012 - 23:47 | |
|
Euh... pour accéder à tin matériel de bricolache, i ne faut nin que te passes par l'porte? Cha serot comique énon?
Infin, je dis cha... |
|
| |
Roger
Sexe : Date d'inscription : 17/12/2009 Messages : 1281 Henin Beaumont
| Sujet: Re: J'sus infermé!!! Mar 3 Jan 2012 - 0:07 | |
|
Arvette le min homme!!! je l'vos in train s'époumoner in allant dins sin lit!!! n'rêve nin d'mi surtout!!!! |
|
| |
flersois
Sexe : Date d'inscription : 27/11/2010 Messages : 1886 Belgique
| Sujet: Re: J'sus infermé!!! Mar 3 Jan 2012 - 0:15 | |
|
Ah ouais, t'es bin avinchi avec ses consels.... |
|
| |
Loumarcel
Sexe : Date d'inscription : 26/12/2009 Messages : 1417 Prés de Montpellier
| Sujet: Re: J'sus infermé!!! Mar 3 Jan 2012 - 0:31 | |
|
Roger, t´es sûr quí faut pas attinte d´main matin pou ouvrir t´porte comme dins ches banques. Té peux aussi faire appel à un armurier si i y a que ch´barillet qui fonctionne pus, mais i faut quand minme attinte d´main matin. J´pinse alors que j´ai pus qu´ à t´souhaiter eun´ bonne nuit. |
|
| |
flersois
Sexe : Date d'inscription : 27/11/2010 Messages : 1886 Belgique
| Sujet: Re: J'sus infermé!!! Mar 3 Jan 2012 - 7:42 | |
|
- batisse a écrit:
- Dins un sins, t'as de l'veine, t'aros pu être infermé déhiors.
T'aros du aller dormir à l'hôtel. I a cha dins tin villache? Cha arot été romintique pour t'femme.
Infin, je trouve... Heureusemint que Roger i n'a pos été infermé déhiors, avec l'tempête qui fait in ch'momint...... |
|
| |
Loumarcel
Sexe : Date d'inscription : 26/12/2009 Messages : 1417 Prés de Montpellier
| Sujet: Re: J'sus infermé!!! Mar 3 Jan 2012 - 8:01 | |
|
Bonjour Flersois, j´vos qu´t´es d´jà l´vé aussi, i fait du mauvais temps dins l'Nord? Heureus´mint pou eux alors qu´is seuch´tent dins l´mason. Que tour hein! |
|
| |
Contenu sponsorisé
| Sujet: Re: J'sus infermé!!! | |
|
|
| |
|