Pou l'arpas d'la Noël chez min tiot frère, j'étos cargée d'apporter l'fromache.
Pou faire eune bielle présintation, j'avos acaté un plateau in osier, avec m'file in avot fait des tiots bâtons décorés avec l'nom d'chés fromaches, j'avos disposé chés fromaches harmonieusemint et j'avos mis un bieau plastique décoré alintour du plateau (comme c'qu'in met au bouquet d'fleurs)... l'plateau étant bin larche, les côtés étottent "aérés", ch'étot pratique pou l'sintimint.
Min homme avot calé ch'plateau d'sus l'siège arrière de l'carette et nos v'là parti chez min frère, in avot eune chintaine d'kilomètes à faire.
In avot l'bonne odeur de ch'fromache comme compagnon dins l'carette, et in toute modestie j'étos fière d'min plateau qui avot 11 variétés, avec des spécialités que j'avos jamais acaté...
J'ai pas pinsé à faire une photo d'min plateau... j'auros du ! pou faire comme dins l'pub, avint et... après.
Ouais j'auros du... pace que d'sus l'route, à un momint donné, l'carette devint nosautes a freiné brutalemint, in n'sait toudis pas pourquo ?, bin sur, min homme a freiné et patatra, berdaf,... l'plateau a valdingué intre chés sièches.
Min diu seigneur, Marie, Joseph, qu'in a dit (heu in tout honnêteté, in a été bin moins poli !!)... In s'a arrêté dès qu'in a pu, in a récupéré chés fromaches qui pou certains avottent reulés in d'sous du sièche conducteur, profitant des trous d'sus les côtés du plastique. In a armis tout comme in a pu d'sus l'plateau.
Eune fos arrivé chez min frère, tertous du reste de l'famile a bin ri d'vir l'dallache... mi j'in auros brais ! j'ai tout déballé et arfais m'présintation du miux possipe... y avot des fromaches ronds qui étottent devenus ovales, des fromaches secs qui étottent copés in deux, deux fromaches "mous" qui s'étottent accouplés...
I avot aussi un formache qui avot eune forme de cloque et que j'avos mis au mitan du plateau pace que cha faisot original, bin l'cloque étot félée...

Infin tout cha, n'nos a pas impêché d'déguster ch'fromache qui étot délicieux... heureusemint !
"Qui veut un tiot bout d'fromache poussiéreux ?"...

Merci tiote, j'ai bin ri!

I n'a nin de blessé, i n'a même nin de gnon dins l'carrette, alors pourquo qu'i faudrot braire?

T'avos du vieux hollande? Cha résiste à tout ch'bazar-là...

fallot printe du vius lille et du maroilles

Te te rinds compte si que t'avos amené un gâtieau à la crême...

Ou de l'soupe!

J'in ris tout seu...

Pardon, ch'est nerveux!

Bin té vas cor rire... in fait in est un tiot peu espécialiste de c'grinre d'affaire...
Y a d'cha eune bonne vingtaine d'années, des copains nos avottent demindé un cop d'main pou les aider à tapisser leu nouvielle majon. In avot prévu d'minger frod.
Ch'étot l'période d'ù qu'in avot plein d'rubarpe au gardin et j'avos fait eune tarte pou l'dessert.
In avot mis dins l'coffre de l'carette tout ch'matériel pou tapisser, les infants étottent tous les tros su l'banquette arrière, alors in avot mis l'tourtière su l'plache arrière de l'carette.
L'quemin à faire n'étot nin long, mais y avot eune route avec eune pente bin raide et un fu rouche in bas... Bin sur vos avez deviné, l'fu est passé à l'oranche au momint d'ù qu'in arrivot et min homme a préféré s'arrêter in donnant un tiot cop d'frein appuyé...
Si l'route avot été plate, i arot nin eu d'problème mais avec l'inclinaison, l'tarte a gliché et est quéhue su min garchon qui devot avoir dins les 18 mos à l'époque et étot dins sin sièche auto.
J'cros que j'arverros toute m'vie l'scène, min garchon avot des morcieaux d'rubarpe dins les caveux et du jus qui guilot d'sus sin maillot. Et li imperturbape, mingeot tous les tiots bouts qui pouvot attraper.
I n'd'a foque deux qui ont été contints d'nin avoir d'tarte pou l'dessert, ch'est nous copains.... in ne l'savot pas mais is n'avottent pas querre du tout l'rhubarpe !
A croire que cheule avinture n'nos a pas servie d'leçon...

A l' Noel, ch' t' année. In voulant m' assire d' sur l' bras du fauteul pour ète photographié aveuc l' grand mère, j' ma sus artreuvé d' sur l' daine dins les paniers au bos qui serftent à aliminter l' fu d' bos.

[/URL]

. Rigolez pas vous autes, j' aros pu m' cassser l' col d' l' utérus. In pusse, is z'ont tertousses failli mourir d' rire. Alles s' sont misses à quate pour m' sortir d' di dla ! ! !

. Ravisez un tiot peu si qu' ej m' aros artreuvé aus urginces à l' hôtital, un jour d' Noel incore? ?

Te pinses bin qu'in n'oserot nin rigoler. Ch'est nin le ginre de l'majon!

Le principal ch'est que t'as nin cassé tes leunettes! Ni l'accoudoir du fauteul parce que ch'est nin fait pour cha. In tous cas, cha fait des générations qu'in dit cha à nous afants dins l'famile.

T'as vu cha que ch'est de vouloir faire du gringue aux jones files?

Dis donc, ch'est du tiot bos qu'is mont dins l'quéminée là haut...

Allez va, si t'as un bleu, déjà i sera bin muché et pis sin sera tin tiot secret de schtroumpf à ti. Sacré gaillard.

quand ej dis que l'terre al est basse!!!

Té sais ch' duc, j' sus pas tombé pus bas qu' à tierre ! ! !

cha m' a arrivé ;y à pas longtemps,ej dormos fin bien,ej me sus artrouvé à terre,pus moyen de m'lever,ej croyos que m' prothèse de hanche al s'étot déplacée,j'ai eu l' peur de m'vie !!

T´auros pu t´claquer ed tiète sus l´coin de l´kéminé aussi, j´pinse que t´étos plein d´fu et té t´as j´té sus t´femme et qu´ t´as failli querre dins l´kéminée.
Ch´ est pas de ch´côté là que ch´Père Noel i arriff dins l´kéminée.

I faudra rinte l'port e l'cinture se sécurité obligatoire pou ché plateaux d'fromache....

J'oublierai jomais non plus l'fos que m'petite fille elle s'a artrouvée in d'sous d'min siège à la sujte d'un grand coup d'freins...

. Pindint la guerre, i a des finmes des corons qui z' allotent vinte au marqué noir du fromache à Paris.(vrai) Alles prénotent l' train à Billy. Quand q'ch' étot du viux Lille, alles avotent de l' plache dins leu compartimint.
Ach! la querre grosse malheur ! ! !


PépéPéBé

(\__/)
(='.'=)
(")_(")

Te diras, du marché noir pour des gins des mines de carbon...

Té sais , mi quand qu' ej les veyos partir aveuc leus puants , j' les veyos pas blanc nan pus.

Ah! la querre, grosse malheur ! ! !