L' semaine passée, j' arviens par nuit, i faijot pas clair du tout. J' étos in code, pas question d' éberlouir ceux qui vénotent in face, donc cha éclairot fort bas et fort mal.

. Pour rintrer dins min coin, j' quitte l' autoroute à un rond point et j' m' ingache d' sur eune tiote route parallèle à l' autoroute, pindint au moins 1500 mètes. I n'a jamais personne la d'sure mais c' nuit la i avot grandmint d' autos derrière mi et d' vant. J' n'y veyos que dalle.

. Au bout d' cheule tiote route, i faut tourner à gauche pour in emprinter eune aute, d' tiote route.....J' ny veyos que dalle....au lieu d'printe cheule deuxième tiote route, j' tourne 15 mètes avant et............ l' avant de m'carrette alle cait dins....l' fossé ! ! ! Pus moyen de m' détiquer d'la .....cha patinot...marche avant marche arrière rin à faire.....j' me sus dis" j' ai pus qu' à daller arcaire l' deuxième carrette à l' maijon pour arsaquer l' auto"

Mais.......Vous dallez vire comme les boulonnais sont gintils. Un automobiliss s' arrête à min niveau" J' ai un câble dans mon coffre, si vous le voulez je vais vous sortir de la".....té parles si jé l' voulos. I oufe sin coffe installe l' câpe....Un aute automobilisse s' arrête li aussi et veyant l' dallache mets "sin maillot jaune" et règle l' circulation comme l' arot fait un flic. In deux temps trois mouv'mint m' auto a été armisse d'sur s' orbite.

. Mi , j' ai pas d' quoi m' vanter, faut ète c** pour s'ingager à côté de l'route...j' dos dire pour eune défince qu'i n' a pas d' tiots machins réflectorisant pour matérialiser l' route que j' devos printe.

. Vous avez vu cha comme is sont serviapes "mes Boulonnais..." Ch' arot été des boyaux rouches is arotent fait l' même cosse..des 59 j' sus pas sur....is arotent rigolé in dijant "Ravisse l' boyau rouche dins l' fossé!"i . Que ju ! ! ! J' ai eu du pot dins min "malheur"

Faut nin deminder si que cha lu arrife souvint à ches boyaux rouches, qu'is in vientent à rouler avec un câble dins lu coffre...

Ch'est pour de rire hein... Mi aussi j'ai déjà été au fossé au mitan des camps in Gelbique. Mes afants is in rittent incore.

Je me deminde si que ch'est nin des boyaux rouches quelque part... In fait ch'est des mitans de 80, cha explique peut-être qu'is ostent se moquer d'un 59. Je diros bin un brave 59 mais cha ferot un pléonasse.