J'ai querre ch'proverbe que t'as mis aujourd'hui.
Ya quelques jours j'y avos mis eun' vidéo sur ch'proverbe la....
vlà chi le lien:http://www.acoute-ichi.com/t1399-3eme-extrait-hommage-a-edmond-taniere-patrick-collon

Ouais Roger, j'l'ai fait esprès... mi aussi j'l'ai querre c'proverpe !
j'avos comminché à préparer l'carte mais j'trouvos pas d'pouchiau "rigolo", qui faisot à s'mote... je n'd'ai des cliparts mais j'ai du cacher..

y a aussi, in incrasse pas ed pourhiaux à l'ieau claire..

Le proverpe i est bieau, mais l'illustration elle est superpe!

Ch'est eune artisse l'cheftaine énon?

batisse a écrit:

Le proverpe i est bieau

J'cros qui fait partie d'tes proverpes préférés hein ouais !

Ouais, je l'aime bin.

Ch'est nin un proverpe, mais je dis aussi souvint qu'à part mes colliques j'ai nin de mau à min vinte.

Et un pourchieau qui a fait deux fos à s'mote, i'a pus faim alors ?

I faudrot essayer... t'es volontaire?

Attintion, parce que tros fos à t'mote et te dégobilles!

batisse a écrit:

Le proverpe i est bieau, mais l'illustration elle est superpe!

Ch'est eune artisse l'cheftaine énon?

vos pouvez pas l'vir, mais j'sus toute émue et toute rouche
j'comminche a avoir eune bielle brochette de tiotes cartes d'proverpes, i n'd'a cor in réserfe que vos avez pas cor vues.....

Ouai ch'est eune artisse ,merci tiote bellotte j'aime bin ches proverpes in pus cha permet que j'lai fasse apprindre à mes tiots

Ch'cat y est dins l'horloge ch'connos y a été quequefos dins m'n'horloge
mais pour eune femme qui attend un bébé j'savos pas.
du cop j'ai caché un tiot peu et j'ai vu qu'un cat pouvot ête langreux, ch'est à dire malingre.

Bin, té vos la clo, mi ch'est l'contraire, chez nosautes in disot ch'proverpe que quind eune femme étot enceinte, ch'étot pou éviter de dire devint des enfants "l'état" de l'future maman, à croire que ch'étot honteux d'in parler à eune certaine époque... et j'ai découvert l'seconde signification quind j'ai comminché à v'nir su des sites chti, j'in avos d'ailleurs débattu, alors j'me demindos si in faisot pas eune erreur chez mi, jusqu'à que j'découfe dins l'life de Bernard Baralle les deux significations.

bin ché drôle :" pour mi ch'cat y est dins ch'l'horloge" chétot putôt quind in faisot l'auberge du cul tourné et pour eune femme inceinte, in disot: "avoir un polichinelle dins ch'tiroir"

Poureune file enceinte in dijot aussi: "Alle a l' ballon" sans omettre l' polichinelle dins l' tiroir...

Mi cha m'plait bin cheule espression pou arprésinter eune femme enceinte :
- les cats ont querre ête au caud, et l'bébé est bin au caud dins l'vinte de s'maman,
- et l'tic tac d'l'horloche, pou mi ch'est les battemints du coeur de l'maman

valà ch'étot l'minute poétique d'tiote bellotte....

Mi j'dis comme Camanette,
ch'cat dins ch'l'horloch ch'est comme l'iau dins l'gaz et pour eun' femme enceinte ch'est qu'i y a un petit dins ch'tiroir

Ya cha aussi!!
All' a fait un pet qui n'a pas voulu passer.
(se dit pour une fille ou une femme enceinte)

Ilou alle a fait un pet d' travers ! !

...... J' adore chelle chi:

"Cha gliche comme un pet d' sur eune toile chirée"

Elle c'minche à pu vir l'bout d'ses pieds..

Ch' est vrai Flersois, j' avos un camarate, concierche à l' fosse 6, i avot au moins 10 ans qu'i n' avot pas vu s' n'ozieau. I soul'viot sin vinte, i montot d' sur l' moto, eune 125, et i posot sin vinte d' sur l' réservoir... Paufe moto ! ! !

Ses pieds, i avot pus d' 20 ans qu'is les avot pas vus nan pus...(authintique)

. Sin frère étot l' chef d' carreau, un tiot Kapo, i avot un eule d' verre.Quand qu'i étot in rache, s' neule alle quéot d' sur sin bureau, i l' ramassot, crachot d' sur avant de l' arplacher dins s' orbite dins l' hilarité générle...... derrière sin dos.

Pour mi comme pour plusieurs, le cat dins l'horloche cha veut dire qu'i a de l'éleuctrique dins l'air, eune séquo qui ne va nin intre au moins deux personnes.

Dire cha pour eune femme inceinte, jamais intindu. A m'mote que ch'est nin parce que ch'est écrit dins un livre que ch'est vrai...

I a des expressions mettint in scène un cat et nin forchémint eune horloche AVINT que l'femme elle soche inceinte, mais ch'est eune autre affaire.

In tous les cas, in japonais, eune femme inceinte ch'est eune imatoumi.

Ch'est pet ête pas pace que ch'est écrit dins un life que ch'est vrai, bin que c'life là i a été fait après un gros traval d'archerches in collaboration avec plein de patoisans, mais ch'est pas nin pus pace que l'pupart n'connaich'tent cheule expression que pou l'dispute, que l'version de l'femme enceinte n'est pas bonne nin pus. Comme j'l'ai déjà dit, chez mi, in disot cha que pou eune femme enceinte et ch'est vosautes qui m'avez appris qu'in l'disot aussi pou l'dispute....

Pour nous,"L'cat dins l' horloche" ch' est pour eune dispute dins 'ménache.


Comme à :"L'hôtel du cul tourné"

ech cat y est d'in l'orloge, cha s'arfait dins ch' lit..