Aujourd'hui cérémonie au monument aux morts comme dins tous ches villaches et villes.
In dit qu'ches gins s'déplacent pus, qui a d'moins in moins d'monte.
Curieusemint dins nou villache avec ches nouvieaux instituteurs et trices ches infants viennent plus nombreux, avec leurs parints ; i participent à l'lecture des communiqués i déposent des fleurs avec ches autorités.
Ches tout tiots au début i savetent pas quoi faire mais i z'ont vite fait d'copier sur ches plus grands.
L'devoir d'mémoire ch'est important.

faut pinser à ceux qui se sont battus pour nous,el mémoire al dot durer..

Ichi, ch'matin d'vant l'monument aux morts, is ont lu le texte du Président d'la République qui étindot l'cérémonie du souvenir du 11 novempe, à tous chés morts pour la France pendant chés guerres après 14-18, et toutes ches opérations extérieures qui y a in ch'momint, et mi j'trouff' que ch'est normal, à ch't'heure qui y a pus d' vétéran, i faut pinser à eux aussi, eux qui sont morts, sous les couleurs du Drapeau Français, de not' république.

J'm'étos pas trompée, un monte ch'matin comme incore in avot jamais vu ! Pis l'solel étot là. Y a un directeur d'école formidape in douceur i fait s'qui veut d'ches gosses. Eune vraie minute ed silince chaque tiot est allé déposer eune rose au monument avec ch'Maire. Parel j'trouffe qu'ch'est bien d'pinser non seulemint à tous ceux dont ch'nom est marqué sul monumint mais d'pinser aux jones soldats qui sont tombés dins des opérations d'aujourd'hui. Ichi in y pinse pace qu'in a l'126 qui a donné s'part in Afghanistan. Y avot des tiots dont ches pères militaires étotent là. Y avot un sérieux dins l'cérémonie comme j'ai raremint vu.

à ches informations ,y à in résistant ed la guerre 45 ,y étot pas d'accord pour qu'in met el nom d'in jeune tué in afganistan, ch'est pas normal!!

Même ginre de cérémonie dins nou villache.
Chés tiots des écoles ont égalemint déposés un bouquet chacun leu tour à l’énoncé des noms des soldats morts.
Gramint d'monte aussi.
Quind à nou formation musicale in a jué "la marche de Lorraine" quind chés officiles et chés gins sont arrivés au monumint aux morts. Après bin sur chés sonneries à l'trompette et percussion. Pis la "Marseillaise". Remise des médalles, y avot tros récipiendaires et à la fin in a jué "la marche de Robert Bruce" que c'est l'pus vielle marche connue, cha a été écrit au moyen ache, ch'est eune marche très calme et très jolie à acouter, alle est très émouvante et ch'est l'première fos qu'in l'juot et cha a gramint plu. L'général qui "présidot" l'cérémonie (y habite nou villache) étot satisfait du choix musical.

https://youtu.be/9AniQyMo4x8

Nous aussi i y a des tiots qui ont mis des roses au pied du monument, et ch'maire i a cité tous chés noms qui sont su ch'monument et la plupart des anciens is répondotent "Mort pour la France" à chaque nom.
Chti qui s'occupe de l'musique (un a pas d'fanfare, ni d'orchestre) i a failli mète la Marseillaise avant l'sonnerie aux morts, à la fin i nous a mis le "chant des partisans".

I'avot beaucoup d'monde et beaucoup d'émotion ce soir à Ypres pour l'hommage quotidien Porte de Menin.

Ypres de sinistre mémoire, ch' est pas à Ypres qu' les allemands is zont invoyé l' fameux "gaz moutarte". app'lé par la suite Ypérite ? Qui ch' est qui n' da core pris plein s'pipe aveuc cha ? ?

Ach! la Querre grosse Malheur ! ! !

In apprind des trucs ichi, : l'marche des soldats - ch'est l'première fos que j'l'intinds ch'est très bieau.
L'mémorial d'Ypres cha dot ête émouvant chaque jour l'sonnerie aux morts.

J'avos déjà intindu l'marche là quand j'étos à Berlin.
Ch'est biau à écouter.
J'viens d'raviser sus Goo ..., ch'est eun' marche née in Ecosse :

" La tradition rapporte que cet air fut exécuté à la
tête des troupes de Robert Bruce, lorsque le monarque écossais les conduisit à la bataille de Bannockburn (1314). Introduite en France, cette marche était exécuté et chanté à la guerre par les soldats de Philippe le Long, Charles Le Bel, Philippe VI, Charles VI, Charles VII et jusque et encore sous Louis XIII. C'est au son de cette marche que Jeanne d'Arc fit son entrée à Orléans (1429) et que le Grand Condé battit les Espagnols à Rocroi.

Cette marche a été arrangée par L. Chomel "

Ouais Loumarcel, ch'est tout à fait cha...
Quind in a déchiffré l'partition pou l'première fos, i avot nou percussionniste adulte qui étot tout fou (faut dire qu'i est toudis tout fou, in n's'ennuie pas avec chtilal !), donc i étot tout in foufelle pace que ch'étot l'musique d'sin régimint quind i avot fait l'armée in 1998.. bon i m'a d'jà dit deux fos l'nom d'sin régiment mais j'ai cor oblié !