J'te souhait un Joyeux Anniversaire Ma tante, et d'passer eun' superbe journée
profites zin bin!!!

Bon Anniversaire Ma tante.
j'te souhaite eune belle journée pleine ed surprises

bon anniversaire ma tante, passe eine agréape journée!!

J'te souhaite d'passer eune bonne journée, cheule année pas cor d'grasse matinée mais l'an prochain té pourras rester à l'coyette au coin de ch'radiateur, j'sais que t'attinds cha avec impatience alors j'sus sure qu'aujourd'hui t'es heureuse d'avoir 60 ans pace qu' i comminche à y avoir un tiot air de liberté qui flotte...
Toni et mi in t'imbrasse bin fort.

Un tiot coucou rapide car, comme dit la tiote j'va cor à l'ouvrache et.....y a un "gai à pent" c'soir avec les collègues qui m'ont avertis que s'soir après l'réunion j'rintros pas tout sute à m'majon !
Quant aux surprisses promises par la clo, cha a commincé c't'au matin (merci Batisse !" I faisot cauffer l'moteur d'sin caméon et i a trouvé n'in plus intéressant d' m'souhaiter min lanniversaire in faisant chanter l'téléphone comme un rével matin à même pas 6h !
Encore merci à les ceusses qui sont d'jà d'bout et à les autes. Bonne jornée à vous aussi et un' baisse à tertous. :aut4:

BON ANNIVERSAIRE :aut3:

Bon anniversaire Matante, alors comme cha l'compteur y passe chu un compte rond... j'sais que t'aime bin raviser tin compteur ed carette tchin qui passe su un compte d'ù qui a plein d'zéro...cha t'rind tut in foufelle :hé bin j'te souhaite ed viff jusqu'à 100 ans.

Pour l'instant profite, te vlà sexàgégène, que mi j'sus foque quadra, y'a un fossé qui devrot nous séparer mais mi j'te trouffe bin jonne dins t'tiête ... et aussi dins tes gampes que te va pouvoir user tes botinnes sins bertonner à la mer !

Grosses baisses et bon guet à paon à c'soir.

Joyeux Anniversaire ma tante.J'té souhaite eune bonne journée,et surtout bintôt la quille pou eune deuxiéme jeunesse. Bises.

J'viens aussi t'souhaiter un
" Bon et Joyeux Anniversaire "
"Joyeux" passe que si tes copines t'inmènent à l'sortie du boulot té va passer eun' bonne soirée j'pinse.

joyeux anniversaire matante passe eune bonne soirée

Bin merci à tertous. Eh oui, j'intame un' année à compte rond ! L'soirée elle a été bonne, in a bin ri mais i fallot rintrer car in'da qui ont des jeunes afants et d'main in oeuffe ! J'va lire astheure min courrier et écouter mes messaches.... Au plaiji

Bon an artard Matante ,mais ,j'sus escusape avec l'mauvais timps qu'in a ichi j'espère que té m'pardon'ra !

Bin sure Anne-Sophie que t'es pardonnée. J'espère que te n'dos pas trop saquer d'eau déhors !

Eh ouais Matante à ène paire d'jours prêt, in a tous les deux not compteur qui a avinché d'deux chiffres à'l fos, t'as arrosé cha aussi bin qu'mi j'espère..

Ouais, j'ai commincé fin aôut avec in tir groupé, pi j'ai armis cha fin octobe avec Mérilou et Batisse, l'viquende derni, pi hier soir, et j'continue l'viquende qui vint après ch'est tout tout d'même !
Par cont'e, hier, comme ch'étot l'dernir fos que j'fêtos mes ins à l'ouvrache, j'avos apporté des carambarts pour les jeunes et...j'ai joué aux jeunes, je n'd'ai mangés. J'aime bin les vrais, au caramel. J'arros mieux fait d'nin l'faire car j'ai im'né m'dint sur pivot avec !!!!! Bon ch'est un' molaire mais j'viens d'appeler l'dintiste, i peut nin printe avint l'26 novimpe !!! Cha nous a permis d'bin rire aussi : les jeunes collègues is ont dit que cha s'veillot qu'j'étot astheure sexagénère : j'perdos mes dints !

Tchand que j'ai vu le mot carambar j'ai tout de suite pinsé à tes dints....

Mi j'ai eu drot à m'première couronne à cause d'un caramel aussi, qui avot importé un mahousse plombache. Ch'étot i a puq d'30 ins. Depuis je me déméfie de ches machins qui guiltent un max.

Par contre, l'crême de caramel au burre salé, cha ch'est sins dinger pour les plombs, les couronnes et pis tout cha. Ch'est foque dingereux pour les hanches...

Bon, allez, comme in a dit hein!