D'pis queque temps j'disos que j'devos pédaler sous l'bureau pour faire d'aller min ordi, in l'a sauvé deux cops de s'bielle mort mais là cha y est y a rindu l'âme. Qui arpose in paix
Mi je n'l'étos pas in paix pace que j'me veyos mal à racater l'matériel et l'installer surtout tout seu.
J'vous assure qu'j'ai bien mal dormi pendint deux nuits.
J'ai demindé des consels aux uns à l'z'autes et tous les rinseignements notés sur m'n'anti-sèche, ben j'me sus raccaté du bieau matériel et pis comme m'a dit min n'veu "tata n'oublie pas : le bleu avec le bleu et le rouge avec le rouge" j'ai pris min temps pour mette ch'bleu avec l'bleu et bien ringer ches fils. Man mère tous ches fils !
Ben les deux dogts dins l'nez j'ai tout installé et cha marche.
Cha s'arrose cha j'cros !

Bravo LaClo,
et à ch't'heure, si cha marche bien, t'y touches pus, pas d'zèle avec chés apparèles là, fais pas comme certains.

Bon mi, j'treuve cha super! bravo la clo.
A ch't'heure chi, ch'est un peu tard pour intamer eun'
mais d'main in fait péter l'bouchon...

Ouais faut toudis mette l'fil rouche su l'bouton rouche et l'fil vert su l'bouton vert....
In tous les cas bravo

Bravo tiote, te peux être fierte de ti! Fierte comme eune crotte qu'in dit...

L'plus bonne nouvielle de tout ch'est qu'in puq d'avoir réussi à mettre le fil rouche chu le bouton vert et le fil bleu chu le bouton djaune, ch'est que t'as réussi à armettre tin internénette in route et que, du coup, in t'artrouve ichi dessur.

Cha ch'est super.... je te fais eune grosse baisse

et bin re-bienvenue Laclo!!

Loumarcel a écrit:

Bravo LaClo,
et à ch't'heure, si cha marche bien, t'y touches pus, pas d'zèle avec chés apparèles là, fais pas comme certains.

Cheule-là, i ne faut nin la mettre dins sin calindrier, i faut l'incadrer tchand que ch'est marcel qui le dit....

Au fait marcel, d'après cha qu'is distent dins le poste, i pleut à drache dins tin coin. T'es nin inondé? I reste incore un tiot peu de tierre alintour des caillooux de tin gardin? Te ne te déplaches incore nin in canot pleumatique pour aller vir t'boulingère et surveiller si qu'un peu à l'fos elle devient comme l'autre que te faijos tint bonne chère à raviser?

ej va dévier un peu su sujet,mais d' taleur in allant sortir min maboule, dins l' baraque aux incombrants,i avo eune tour,un écran plat et un clavier.j'em dit in mi meme ej va l'armonter ,min garchon i ravisera à tout hasard si ale fonctionne.ché sin métier
BINGO. après l'avoir bidoullé,branché l'écran et l' clavier ltout fonctionne à merveille l' tour est récente ale date d'2008.
ché noël avant l'heure.
quand j' pinse qui a des gins qui s' plaignent qui n'ont pas d' sous et que du matériel à peine déclassé i mettent cha ale poubelle,cha m' révolte.

Nounours té f'ras gaffe que cha n'explosse pas après quiques heures ed fonctionnemint.

In s'qui concerne l'pleuff bin in et servi, i pleut à daques et i y a du vint d'sot, chés apes is s'plitent in deux, l'iau alle ceurre sus ch'terrain, cha ravine, in vot chés caillox.
I va cor y avoir des inondations, heureus'mint in est in hauteur vis à vis de ch'rucheau qui coule in bas et dû qu'i y a jamais d'iau, mais in ch'momint in a pas intérêt d' passer sus ch'pont submersipe, in a un aut' pont ch'est cor eun' chance sans quoi in n'pourrot pus sortir de l'colline dû qu'in a not' lotissement.
Ch'est l'déluch' quoi.

V'là s'qui arriffe in ch'momint, chés nuach qui arrif'tent ed la mer is sont bloqués sus les Cévennes, ch'est s'in appelle l'effet Cévénole.

Marcel.Min tiot Gourou i s'prom'not dins Paris aveuc sin père.D' sur un trottoir i avot un télé grand écran plasma plat Panasonic.

. I a voulu à toute fin l' ramasser et l' ram'ner à s'maison. Té vos l' dallache aveuc cha dins l' train. In arrivant i a fallu qu'i arguette l' télé bin sur. L' fil d' alimintation étot copé. I bricole eune rallonche et i l' met in route.

Miracolo, l' télé alle foncionnot ! ! !

Té parles si qu'i rigolot ! ! !

faut pas el tele coùmmande pour el mette in route pis canger ches chaines

Pas forchémint sur les miens, j' in ai...quate d' télé à christaux liquites, deux Philips, un Sony et un Médion (Aldi) (in est riches) in peut s'passer d' télécommande, i a des boutons d' sur l' côté ou au dzeur qu'is l' permettent.

T'in n' a pas, d' boutons) d' sur l' tien Chduc ? ? Faut réclamer...

Tu peux acheter une télécommande universelle

em tele el est raccordée à canal satellite, donc telé commande