Ouais mes ginses, in est espionnés.

Déjà je trouvos drôle que Minloute i quette chu eune guernoule à géométrie variape qui li fait de l'oeul avec un téléphone à rayonsX - J'imagine bin le boyau rouche in train de viser eune guernoule avec sin téléphone et li dire "on ne bouge nin, in ne respire nin... valà, ch'est déjà fini" comme à l'école tchand qu'is arwetottent à nous poumons pour vir si qu'in ne funquot nin de trop in muchette.

Après cha i a PPPB qui nous a causé que dins sin cas à li, qu'in li proposot des séquos qu'i avot cachi après. I a même rajouté que ch'étot véridique mais cha in s'in doutot, vu qu'i a ch'mot là comme signature totomatique (ch'est pour de rire hein PPPB, mais te peux vérifier...). Li, chu internénette - rin à vir avec celles de Minloute - i avot cachi après des cadeaux de Noël pour toute s'famile et vlà t'i pas que tchand qu'i buque chu sin lavatar in li proposse les mêmes après la Noël. Et même nin in soldes. In puq d'être étonnint, ch'est un tiot peu bébête et nin très honnête. Infin, je trouve.

Alors j'ai buqué chu mi - infin chu min lavatar à mi - et in m'proposse des caisses in bos, rapport qu'i a eune quinzaine de cha j'avos cachi de quo imballer eune selle de mobylette que je dos invoyer dins le poitou.

Du coup j'ai été buquer chu tertous... et ch'est rudemint instructif! Nan, rassurez vous, je déconne, i a des fos ch'est protégé par un mot de passe!
Des fos seulemint. Hein ouais Marcel... Marie-Claire te m'étonnes aussi... et i n'd'a des que j'ose même nin mintionner.

Alors j'étos là à rigoler tout seu in prenint des notes qui pourrottent un jour servir, qu'in a sonné à l'porte. J'ai été et ch'étot un tiot bonhomme qui venot me présinter ses voeux (i est lourd parce qu'i l'avot déjà fait...) et qui m'a demindé quo que j'faijos. In fait i le savot cha que je faijos. Et i savot eune masse d'autres séquos. Eune espèce d'estra lucite. Tout petit mais puissint, un tiot peu comme sin téléphone à Minloute (mais Minloute i m'a dit que l'bérouette qu'i faut pour porter les batteries, ch'est nin toudis idéal)

Pour in arvénir à l'estra lucite, i m'a demindé si que ch'étot vrai qu'i a eune masse de ginses qui me font des misères chu sin site à Roger. Alors pinsez, j'ai été obligi de dire l'vérité, vu qu'i l'arot vu si que j'avos raconté des mintiries. J'ai répondu que ouais, tertous is m'in veultent, surtout des avec un numéro de départemint qui comminche par 6 et qui finit par 2.

Alors i m'a promis que pour lu apprinte les bonnes manières i lu inverrot l'inspection des impôts et qu'in attindint i lu montrerot qu'i sait grammint de séquos chu eux et qu'i va punir tous les gins qui sont maches avec mi (i a d'l'ouvrache...).

Alors i m'a demindé un nom au hasard. Je li in ai donné un. Et vlà cha que cha a fait:


A ch't'heure je proposse un jeu: à vous avis, de qui qu'i s'agissot?

bin figurez vos que j'venos d'ouvrir l'forum pou vos raconter quoque qu'j'avos eu comme surprisse au matin, quind avint d'buquer j'ai lu l'sujet d'batisse

bin cha dot ête vrai qu'in est espioné car au matin j'oufe m'boite à z'émiles et là j'vos qu'j'avos in messache de marie claire, avec comme objet : félicitations
tout d'abord j'sus surprisse qu'elle m'félicite mais comme in sait qu'les guernoulles sont formidapes et que nosautes in a pas peur de s'faire des complimints, j'ravisse de quo et qu'est ce cha pourrot bin ête...
bin mes gins ch'étot pas nou marie claire mais l'marie claire du magazine qui m'félicitot car j'avos gagné des cadeaux, tout cha vérifié par in huissier...
alors j'me pose des questions car j'ai jamais acaté marie claire (non nou marie claire, pas ti, ti t'es inestimape) et j'sus abonnée à aucun aute magazine
l'seu indrot d'ù que j'lis c'ginre de "littérature" chez à mon kiné ou dentiste
alors ouais mes gins in peut s'deminder si qu'in est pas espionné et qui aurot pas des tiotes caméras muchées dins chés paches de chés magazines, ou bin in produit espécial su chés paches qui prind tes impreintes et qui les rinvos directemint su l'ordinateur de monsieur marie claire (nin ! nou marie claire, pas tin homme) avec in décodache qui leu permet de t'invoïer des z'émiles ou putôt des éspams comme dirot gérard....
heureusemint qu'ch'étot pas in émile qui venot "des dieux du stade" j'auros minquer querre de m'cayelle...

j'arviens du kiné et là j'ai fait esprès d'lire "femme actuelle", paches d'arcettes d'cujine, comme cha si j'ai été espionnée j'vas pet ête arcevoir in émile qui va m'dire que j'ai gagné in apparel à bain marie par eximpe......

Ch'est le ginre d'objet inutile pour ti cha.

Vu que te n'd'as déjà au moins eune demi douzaine

Bin mi, hier, par 2 fos, in ravissant vos cacoules et in cliquant après su' "forum" j'chus tombée chur un' pache ed présintation d'champe d'hotel ! J'avais été vire avint des gites pour archevoir des amis ou les afants quind qu'is viendont au printemps !

J'comprinds pourquo j'ai été mis in attinte ! Batisse i buquot in même timps qu'mi

Ouais ben je ne pouvos nin savoir!

J'ai buqué chu tin nom pour vir les campes d'hôtel que te vises... in me propose des caisses in bos.

Je vas aller cachi eune séquo d'autre, parce que je n'd'ai marre des caisses in bos, surtout que je cachos un carton in carton.

el photo du type que t'as mis Batisse ,cha ' ros pas chti la (ché pas un ch'ti) qui un biau jour in s' lévant au matin à décider ed' doubler sin salaire ou qui s'offre eune Rolex à 3000 euros? cha dos ete Nicolaï cha Suffit ou tit' cosse dins l' genre la

[quote]Des fos seulemint. Hein ouais Marcel... Marie-Claire te m'étonnes aussi... et i n'd'a des que j'ose même nin mintionner.

Là j'comprint pon, té pourros m'esspliquer, j'auros mi un mot d'passe quique part?

Marcel, comme te sais i a des sites qu'i faut un mot de passe pour vir cha qu'i a dedins.

Ch'est tout. Même que souvint le mot de passe ch'est le numéro de t'carte bleue.

J'ai jamais dit que t'avos mis un mot de passe. Et ch'est eune blague hein...

M'in fous mi que te t'intéresses aux dessous de l'boulingerie, commint qu'is font pour estimer le poids de l'farine, commint qu'is font des batards, commint qu'is bourtent les religieusses et tout cha. A chacun ses hobbies.

Du momint que les miches à la boulingère elles permettent d'attinte sin tour sins ronchonner, mi je chus contint...

eh bin ya un momint qu'j'étos pas venue , in s'innuie pas ichi !
marie-claire alle avot raison !
y a du monte in pleine forme , vive les chtis

t'as raison, pour un cop j'sus bien d'accord avec ti !

Bien nanadette !

Très bien...

Très très bien !

bin puisque ch'est comme cha, j'arviendrais !

bin in y compte bin.........

t'as ma l'air d'avoir fait de sacrés progrés Nanadette??

que mielleux Roger, ah y a toudis un mot pour ché garnoules , meme quand qu ale font rin d extraordinaire

ROger i s extasie quand ché eune garnoule , près à donner un coup d' main, et cor j' vous dirais pas où

mi quand que j éto dins l' brin avec ché sujets, que j essayo d' bin réponte aux questions des zenigmes , bin mi j a eu dro qu à des coups d' pied, et cor j' vous dirais pas où[/url]

dis donc , minloute , té s'ros pas un peu jaloux, ti ?
pour un cop qu'j'étos continte d'ête bien accueillie quique part !
( in ch'momint par ichi , y a pus personne qui eufe s'porte,
y fait trop frod )
in quoi qu'cha t'dérinche qu'in m'fait des complimints , hein ?
tout d'suite du mauvais esprit !
quemint qu't'oses insinuer qu'min camarate roger y aurot
des intentions qui n'seraient' nin pures !!

un peu d'respect pour ch' chef !

sinon j'cros qu'té vas core ravoir des cops d'pied quique part pour t'récauffer !!!!!!

cha yest l' masque i tompe ...y a fallu , attindez j' compte eune ,deux , tro , quat', chinq, sisse, sept, huit , neuf
ché cha neuf lines pour qu eune garnoule ale finisse par vouloir m' mette un coup d' pied au derrierre ...

et vous ché garchons croyez pas que ché pasque ché mi, eune fo que j' s'rai mis su la touche cha va et' vot' tour ...

dis ti , ch'est pour miux pêter qu'té mets autant d'R à tin derrière ?[/img]

Oh, Minloute, à m'mote que t'as tché chu eune coriace...

Elle a t'n'âche et à m'mote qu'elle s'arvinge d'eune séquo qui s'a passé dins le timps intre vousautes.

D'ailleurs, commint qu'elle sait que t'as un tchul qui pète?

bin ti té do tout dire à ché garnoules , pu rin im' étonne achteure

d' ailleurs achteure dés qui a eune carette qui rinte din' l' rue et qu' j'le conno pas et qu in plus ché eune garnoule au volant, j' lache ech' tchien

T'as un quien?

Ch'est quo comme marque?