Ch'est incroyabe cha c'que certaines gens is aime'tent à râler ! Déja hier, j'chus allée au cinéma et, in attindint l'film, i a un' dame qui faisot que râler au point que s'n'homme i a fini par li dire de parler moins fort ! Elle avot des problèmes avec ches choumettes qu'elle devot ou qu'elle avot cuits...insuite ch'étot qu'i fallot pas s'décider tout d'suite, qu'i fallot pouvoir choisir et donc pas attindre ! (véridique !) etc... même pindint l'film i a un momint elle a marmoné ! Que ch'est imbétant j'ginre ed personnache.

Là, j'arriviens d'faire un tour et j'm'a fait attraper par un monsieur c'te fos chi qui étot in voture ! (comme quo i a pas que les gernoules qui râlent pour les ceusses qui l'pinse !)L'feu i étot rouche pour les votures et vert pour mi. Li i v'not d'el rue perpindiculaire, donc l'feu i étot vert pour li. Mais v'la que, pindint que j'traverse, l'bonhomme i d'vient rouche au momint où li i tourne. I m'a klaxonné et moutré l'bonhomme rouche et dit "eh, l'bonhomme i est rouche, vous veyez pas !" J'allos tout m'me pon rester au milieu d'el voie....i sait nin que quind l'bonhomme i d'vient rouche, in a l'timps d'finir ed traverser mais nin d'commincher l'traversache. I est peut-ete jamais piéton li. Non, j'pinse qu'i s'a faché pac'qu'i a dû ralintir pour m'laisser passer!!!! Pourtint in sourire cha coute rin et cha fait plaiji à tertous !
Alors pourquo is rouspètent les genssss?

Cha leur donne l'impression d'être forts... ch'est comme les tiots quiens!

Ch'est vrai qu'i n'a nin d'oranche au tiot bonhomme... je me deminde quo qu'i ferot si que sin fu i passot direct du vert au rouche.

Dis donc, te vas souvint au cinéma tisaute!

Allez, eune bonne fin de ouaiquenne à tertous. In s'a levés eune heure plus tard mais i fait brenne eune heure plus tôt...

Pis in a l'impression que pus chés gins vieillissent, pus y râlent...

J'vos invoie un tiot coucou de la Bourgogne d'ù qu'in passe l'ouiquende et ichi aussi cha râle...
Cheul après midi in visitot un site d'ù qu'i avot avint des forges et que des gins restaurent d'pis 30 ans, l'dame à l'acceul précise que dins eune salle i a un tiot film qui tourne in boucle.
Nousautes in arrife presque au début de l'projection, des "mémères" arriftent 10 mn après, s'instal'tent à grind bruit d'cayelles arpoussées et quind l'film s'termine i n' d'a eune qui dit "ben, je croyais que ça durait 15 mn, on nous a dit ni'importe quoi"... Heureusemint dins l'groupe i n'd'avot eune un tiot peu pus maline et alle y a espliqué qui fallot attinde, que l'film allot arcommincher.
In a artreuver l'râleuse dins eune aute salle, i avot cor un truc qui n'allot pas, du cop in a attindu calmemint qu'alle sorte pou visiter à note tour bin trinquillemint !

In tous cas mi j'râle pas, l'région est bielle, i a plein d'bielles cosses à vir et j'vos dit à bintôt, demain ch'est l'artour...

I n' da, râler ch' est la mitant d' leu nourriture.....