certains inciens connaichent' min "sauté d'viau au marc d'café"...bin d'pis y s'a rien passé d'esstraordinaire dins mes essperiences culinaires fauque hier.
j'vas armete dins l'contesque: min réfrigerateur y étot kapout... y congélot aussi bien l'partie congélo que l'partie frigo o bin y décongélot de l'même façon l'insemble d'ché deux parties...( 10 ans d'age)
pou n'pon perte tout cha qu'y avot dins l'partie congélo, in a fait au soir un repas qu'j'appelle de "l'rassaqure"....vu que j'ai rassaqué tout cha que j'ai pu d'mingeape... ché mélinges y z'étotent pon trop dignes d'figurer dins l'guide à machin...mais bon...
m'v'là aveuc à droite un couet dù que j'ai mis des morciaux d'courgettes, du bleu d'auvergne,un bouillon cube, un tiot peu d'iau... et hop su ch'fu
pindint ch'timps là , j'prépare ch' dessert : du fromage blanc aveuc des framboises congelées décongelées.... j'tartouille dins min saladier
demi tour à droite pour attraper min paquet d'chuc dins ch'placard : et hop eune bonne rasade dins.....mes courgettes.
merrrttte.... quo que je fais ? j'mets tout à l'poubelle? j'n'ai rin dis, cha a mijoté comme cha .j'ai servi cha comme cha....m'n'homme y a tout mingé...il n'a ardemindé eune deuxième assiette....mi, j'pourros pon vous dire si que chétot bon...je n'ai pon pris
il a pon été malate...il a bien dormi et est parti à l'usine ch'matin
donc si cha vous tente: prnez note de l'recette!!!