Salut mes gins!

Cha n'a rin à vir avec l'région nord mais ch'est tellemint bien qu'i faut que je vous in fasse profiter.

Mi, i faut toudis que j'aie de l'musique dins mes orelles. De l'musique que j'aime bin. Ch'est là qu'i est le problème vu que je chus plutôt difficile pour cha. In puq, à de rares exceptions près, je chus devenu très frincophone in musique.

J'ai bin des disques, mais à forche de les acouter, je les connos par tchoeur et le charme de l'découverte i n'agit pus....

J'avos bin trouvé des radios par internet, ginre Nostalgie ou Chérie FM avec des programmes in français sins babellaches, mais ch'est un peu toudis les mêmes séquos qui pastent et cha fait comme pour mes disques: déjà intindu plein de fos...

Un jour, i a nin longtimps, j'ai tché chu un poste internénette, qui permet de recevoir eune masse de radios du monde inti et qui, surtout, les a classées par ginre, pays, lingue etc. Cheule radio elle s'appelle tout bêtemint internet digital radio tuner, et i a l'air que ch'est français d'après le nom du possesseur du lien (robin bailleux).

Bref, j'ai installé ch'bazar-là et j'ai comminchi par nostalgie, rfm etc. Bref, des radios connues.

Et un jour que je n'd'ai eu m'claque de toudis intinte les même séquos, j'ai cachi dins l'liste des radios et j'ai trouvé eune perle: ch'est eune radio qu'elle s'appelle Aleo. Cheule-là, elle me plait super bin.

Ch'est eune toute tiote radio locale de Macon, mais tcheue programmation! Grammint de canchons fin bielles qu'in n'intind jamais ailleurs, parmi bin sur des canchons plus connutes. 99% in français.

Infin valà, vous in faites cha que vous voulez, mi je dis cha ch'est foque pour rinte service. A m'majon ch'poste là i se met in route tchand que je mets l'ordi in route au matin et i s'arrête tchand que je l'éteins au soir. M'chaine fifi elle est brinchée chu l'ordi, comme cha j'ai un son qui arsonne à eune séquo.

Allez, eune bonne journée in musique mes gins! Demain i fait bieau...

In lisant l'titre d'tin sujet, j'ai cru que t'avos mingé des huitres et que t'avos treuvé eune perle dedins...

Ch'est bin si t'as pus dégoter eune radio que t'avos querre... Mi j'sus putôt cd, faut dire que i a d'quo faire à l'majon, pis in a eune médiathèque bin fournie dins l'villache.
In pus avec tous chés musiciens qu'in connot, aussi bin dins l'famile que ceusses d'nou orchestre i a toudis quequ'un qui m'fait découvrir un canteux/canteusse ou bin un groupe que j'connaissos nin avint...
Dernièremint j'ai découvert Raphaël Saadiq que ch'est eune amie qui m'a offert l'cd et ch'est rudemint bin (bon ch'est nin français)...
Pis j'ai les oeufes complètes de Mozart (que ch'est un d'mes garchons qui me les a offertes) et j'sus cor loin de tout avoir acouté...

Pou rester dins l'musique, au matin in a arpris nou répétition avec les clarinettes, de quintette in est passé quatuor, l'tiote jonne professeur qui juot avec nosautes a été mutée trop loin pou pouvoir continuer à venir régulièremint...
Bin quoque cha fait du bin d'artoucher l'claribole, chétot un bon "décrassage" vu que tertous in avot pas trop jué pindant chez deux derni mos !
Pis au soir ch'est barbecue avec certains mempes de l'orchestre... mais ch'est pas dins mon DO MI SI LA DO RE, ch'est chez un saxophoniste...
ALLE EST PAS BIELLE LA VIE !!!!!!!!!!!!! j'ai querre l'rintrée musicaaaaaaaaaaaaaale...

J'vins de l'teuver lradio Aleo in ch'momint ché Jacques Brel, ène bien belle chanson.

Ouais, ch'est presque tout du bon.

Enfin, du que j'aime... I n'a nin de rap et de textes bancaux là-dessur!

Je viens de vérifier... in dit bancals!

I a vraimint des belles chansons que j'n'ai pas intindu depuis longtemps ...

Ah ben au moins cha ara servi à quelqu'un.

Du coup je chus contint!

Et in dirait que quand on utilise l'dresse de flux, le son semble meilleur,

Ch'est quo eune dresse de flux?

T'as inlevé tes leunettes ou ch'est vraimint cha que t'as voulu écrire?

batisse a écrit:

Ch'est quo eune dresse de flux?

T'as inlevé tes leunettes ou ch'est vraimint cha que t'as voulu écrire?

Ché l'Adresse que voulot mette

Ah bon.... et ch'est quo eune adresse de flux?

Bon, te peux printe tin timps pour réponte vu que cha fait déjà deux fos que je me rassieds pour écrire et qu'à ch't'heure ch'est décidé: je vas à min lit.

Autremint je te vos venir gros comme un camion, in va y passer la nuit min gaillard...

Et bin va dormir pépère j'raconterai cha ène aut fos...

Wette ichi. J'i ai laichi toute l'nuit et au bout du compte i a rin.

Te me l'copieras cheule-là!

J'avos dit : ène aut fos ...

Citation :

Wette ichi. J'i ai laichi toute l'nuit et au bout du compte i a rin.

T'sais ni quo que j'fais toute l'nuit ? ..................J'dors....

.......Yooouuuuupppppiiiiii, j' ai installé l' fameux programme à Batisse
........Miracolo ! ! ! cha marche au poil ! ! ! !
........J' acoute aléo ! ! ! !
........Super ! ! ! ! ! !
.......In ch' momint...."Arménie" ! ! ! ! !

Vraimint cha vaut l' cop d' installer cha, in argrette pas ses sous ! ! !
In peut acouter 1217 radios du monte intier........(j' vous consèle quand même d' pas les acouter tertoutes in même timps.)........
. J'ai pas branché l' son d' sur l' chaîne fifi mais d' sur eune paire d' hauts parleurs branchés d' sur l' sortie son d' pus un bon momint, cha marche bin. cha marche mieux qu' un posse d' radio à transistors
.....Merci camarate Batisse....

et tertous fait la OLA pou ALEO

Très bonne station mais j'ai eun' question à poser :
quemint qu'in peut savoir l'nom de chti qui cante, passe que j'connos pas l'voix d'tous ches canteux.

Et d'main pour beaucoup ché ALEOBOULOT

Loumarcel a écrit:

Très bonne station mais j'ai eun' question à poser :
quemint qu'in peut savoir l'nom de chti qui cante, passe que j'connos pas l'voix d'tous ches canteux.

Pas possible cherche pas...
Ché marqué :Information Not Entered by Broadcaster

flersois a écrit:

Loumarcel a écrit:

Très bonne station mais j'ai eun' question à poser :
quemint qu'in peut savoir l'nom de chti qui cante, passe que j'connos pas l'voix d'tous ches canteux.

Pas possible cherche pas...
Ché marqué :Information Not Entered by Broadcaster

I a incore été mettre sin nez d'ùche qu'un cat i ne mettrot nin s'tcheue ch'Flersois-là!

Ouais Marcel, j'ai le même problème que ti. I a des rudemint bielles canchons que je voudros savoir qui qu'ch'est qui les cante...

Flersois, le mc gyver de l'infeurmatique, i va nous sortir eune solution énon?

Marcel, t'es dispinsé....

V’la l’ dallache les gars.



Cha coûte pas cher mais cha va pas trop mal.
Mi j' sus l' "Neuneu" l' informatic.

commint in fait pour brancher el chaine fifi sur l'ordi??

ch'duc a écrit:

commint in fait pour brancher el chaine fifi sur l'ordi??

Ché un portable ou ène tour avec l'écran à part ?

Si c'est un portable tu dois utiliser la sortie casque.

Si c'est une tour tu peux utiliser la sortie "Line out" à l'arrière de ta tour, c'est mieux...

Mi je le fais à la barbare: sortie écouteurs de l'ordi brinchée chu intrée micro ou auxiliaire de l'chaine. I suffit de trouver les fils ou les adaptateurs qu'i faut.... ou les fabriquer so même!

Ch'est miux d'y aller mou avec le volume des écouteurs au début, sinon le signal i est trop fort pour l'ampli...

Sur min Home-cinema, j'ai ène entrée pour baladeur...

ch'est in ordi avec eine tour ;ej dos brancher que les enceintes, y à à pas ed danger pour el tour....