Nan ches indiennes is mettent un point rouch' sus leu front ch'est tout.

Ah ouais mais non. I a indiennes et indiennes.

Pis d'abord, commint que te sais que les indiennes d'Inde elles ne mont nin de maquillache? Elles peutent mettre du mauve à lus ys ou du rouche à lus loupes énon?

Te me diras, in général elles ont des ys tellemint bieaux naturellemint que cha serot un péché d'in rajouter....

Pis elles ont des dints tellemint blanques que cha serot dommache de risquer qu'i a du rouche qui déteint dessur...

Par contre les indiennes à pleumes, elles ont tout un code de couleurs. Selon l'position des traits, lus hommes is savtent si qu'is vont bin minger pis tout cha ou si qu'is ont intérêt à passer l'aspirateur et nin s'avinturer à deminder eune tiote bière.

Bon nous cha y est in a fini d'monter not chalet et in a pas peinture à mète donc pas d'peinture de guerre.



Bon ch'est pas tout à fait fini, faut fignoler les côtés de ch'plancher, camoufler ches misères comme in dit. L'pus gros i est fait.

Si j'ai parlé des indiennes ch'est passe qu'in a connu gramint d'indiens et d'indiennes des Indes.
Un jour qu'in allot à un bal dû qu'i fallot s' déguisé, bin i a l'femme d'un ami indien qui m'a prété in de ses saris, j'sus minme allé à leu maison pour qu'alle me l'mète comme eun' vrai indienne et alle m'a légèremint maquillé sans oublié ch'point rouch' au mitan du front, j'avos mis eun' péruque aussi, bin i in a qui ont eu du mau à m'ar'connait'.

Eune indienne inceinte alors....

Alle devot minme accoucher d'un éléphant.

Te ne seros nin un tiot peu prétintieux tisaute?

Cha y est aussi, j'ai fini m'peinture, ouf pace qu' i comminchot à faire bin caud, paraitrot qu'in va êt in canicule dins l'Rhône... cha cange d'i a 15 jours !
Alors valà l'résultat, cha va pet ête faire prétentieux mais j'sus continte d'mi


Quind j'ai eu fini, j'étos tellimint continte que j'ai poussé un
YOUPPIE YAHOUUUUUUUUUUUUUU !
bin fort ! et in esquissant eune espèce d'danse grinre YMCA si vos veyez c'que j'veux dire....
Min vojin que j'avos pas vu et qui étot à croupette in train d'ramasser chés légueumes dins sin gardin s'est mis à éternuer bin fort...
J'pinse qu'i voulot m'faire savoir que j'étos pas toute seule... (j'vas cor passer pou eune originale, si ch'est pas déjà fait !), du cop in a discuté au d'sus de l'hayure et si j'veux, j'peux m'artreuver avec un aute chantier, c'vojin ayant de l'peinture à faire, cor un homme qu'i n'a pas querre chés pinceaux.....

Ouah!!
bin t'as fait chi du biau traval!!
té peux in printe chinq,té l'as bin mérité...

te vas méte des tiots rideaux in vichy pis des nains d'gardin d'vant l' porte?

des nains d'gardins ? non pet ête des tiotes guernoulles in céramique, eune pou chaque guernoulle de ch'forum
pou chés rideaux j'hésite intre l'vichy et eune tiote cotonnade fleurie

Mais ch'est pas un abri d'gardin cha, ch'est eun' résidence secondaire. T'as d'jà installé des lits?
Si j'vais t'vire j'ar'tiens eun' plache dins tin palais.
Sus l'photo j'ai vu qu't'avos oublié un coin, mais ch'est pas graff', s'que j'ai ar'marqué ch'est qu't' avos quaire ed ténir un pinceau intre tes mains, si té donnes suite à ses propositions ch'est tin voisin qu'i va ête contint.

Ah Loumarcel, J'l'imagine bin ! Ch'est pas l'gars qui dira:"Ch'est biau, t'as bin travaillé, té t'as donné du mal et félicitations! A côté d'cha, i sait dire: "Sus l'photo, j'ai vu qu't'avos oblié un coin!" Quand on sait tout l'mal qu'on s'donne, vaut mieux qu'i soit loin, cha li évite de recevoir unne involée d'pinceaux bien imbibés!
BRAVO TIOTE BELLOTTE! Nos voisins ont à peu près le même, Il y a même la clim. quand ils ont trop de monde. Mais il faut qu'ils sortent leurs bazars!

MERCI min nain, j'te jure chés hommes !
Et pis à d'ù qu't'as vu que j'avos oblié un coin Marcel ? ch'est l'arflet du solel qui fait cha, cros me j'ai vérifié pusieurs fos si j'avos rin oblié, dedins comme dehiors pace que c'que j'ai horreur dins l'"pinturache" ch'est d'nettier chés pinceaux et j'voulos pas risquer d'devoir in arsalir un demain in veyant qu'i avot un "tro".
Bon asteur in va installer des gouttières et des récupérateurs d'ieau.... comme cha chti qui dormira dedins i pourra toudis s'servir à boire, ou bin si i n'd'a qui campent dins l'pelousse is auront d'quo s'abriter in cas d'pleufe, j'y pinse faudrot pet ête installer des cabinets.....

ché l' cabane au fond du gardin?
i a des ouatères au moins?

Des w.c. chimiques , cha peut toudis ête utiles, surtout por les urgences quand qu' y a du monte. In n'sait jamais ,la nuit!
Sans blague, nos amis bretons avotent fait cha, et j'avoue qu'in étot heureux d'in profiter,la nuit sins déringer personne, In campot dins leur gardin!

Ah ouais?

Bon, cha qu'i a d'importint ch'est les sous-intindus comme quo les hommes is trouvtent toudis eune séquo à dire.

Admettons....

Et qui qu'ch'est qui nous a appris cha? Hein? Ch'est nous momère, nous femme après mariache et pis ch'est toute. Bref, des guernoules "chèfes". Parce que je chus sur et certain que n'importe quel homme ichi, qu'i a voulu donner un cop de main au ménache - ou qui a été obligi de l'faire - a eu drot à des remarques dins le ginre "t'aros pouvu faire les coins..." ou "i reste de l'poufringue in-dessous du meuble là-bas" ou "t'es sur que t'as rincé?" ou des séquos ainsi.

Qui qu'ch'est qui oserot dire que ch'est nin vrai?

A m'mote qu'in peut se préparer à un numéro de mauvaise fo guernoulesque....

batisse a écrit:

Ah ouais?

Parce que je chus sur et certain que n'importe quel homme ichi, qu'i a voulu donner un cop de main au ménache - ou qui a été obligi de l'faire - a eu drot à des remarques dins le ginre "t'aros pouvu faire les coins..." ou "i reste de l'poufringue in-dessous du meuble là-bas" ou "t'es sur que t'as rincé?" ou des séquos ainsi.

Et qui ché qui nous a appris à réponte intre nos dints..

Si t'es nin contint t'as qu'à l'faire ti même



Quo qu'te dis chéri ?
J'dis que j't'aime..

flersois a écrit:

j't'aime..[/size]

Min père i dijot cha comme personne tchand que quelqu'un l'énervot. Formidable cheule capacité à exprimer exactemint l'inverse de l'signification des mots qu'in prononce.

Après réaction du destinataire de ces mots doux - généralemint nou mère - in avot souvint drot à un "attintion, la mère est houleusse...."

In rigolot. Mais in muchette...

Vos savez pas min gins ? j'artourne à mes pinceaux !
M'n'homme arfait un abri pou l'bos qui dot arriver l'semaine prochaine, et hier au soir "si t'as l'timps demain, té voudros pas peinde chés poteaux in bos ? cha m'fra gagner du timps pou l'montache c'qouiquende "
Quoque vos croyez que j'y ai répondu ? (in pus mi j'sus toudis in vagances)

Bon j'y vas avint qu'i pleufe, car après l'canicule asteur in a des oraches, tros hier... mes pinceaux vont pet ête s'involer pace que ça choufelle sec !

Attintion de nin t'involer hein... Accroche te bin à tes pinceaux!

et n'oublie pas ed ramonner el queminée avint l'hiver!!!

Min père, a l' fosse (au jour) métot eune sait quo in couleur aveuc un très gros pinceau. Pour faire rigoler ses camarates, i linchot l' pinceau in l' air , li faijot faire un seau périlleux, à ch' pinceau ,et l' rattrappot dins s' main. ...............V'la ti pas qu' i s' fout d' dins et i rattrape l' pinceau plein d' couleur.....par...les poils ! ! ! l' couleur alle dégoulinot d' ses dogts.

Gros succés ! ! ! (Cha devot arriver)

I aurot pas pus ête dins les majorettes !....

cha y est j'ai fini juste avint l'pleufe ! du cop l'vint i s'a arrêté, dommache pou ti Batisse, si j'm'étos involée comme Mary Poppins j'auros pu aller jusqu'à chez ti, j'sus sure que té m'auros treuvé un cassis à peinde !

tiote bellotte a écrit:

j'sus sure que té m'auros treuvé un cassis à peinde !

Eune masse!