Roger
Sexe : 
Date d'inscription : 17/12/2009
Messages : 1281
 Henin Beaumont
 |  Sujet: Chés cartes postales  Mar 2 Aoû 2011 - 21:36 | |
|
Chés cartes postales Ej voudros armercier ichi tout ein tas d'gins,
Des jon's et pi des viux, des nouviaux pi d'z anciens,
Oui'z étotent partis, biau zé lon in vagances
Et qui'z ont fait pour mi ein' tiot' correspondance.
Tout c'minch' dins l'boîte à lett's, quind qu'i-a passé l'facteur,
y-avot là plein d'courrier aveuc gramint d'couleurs;
Jinmais qu' j'auros pinsé qu' j'étos si populaire,
Sûr'mint qui n'n'a gramint qu'i-ont querr' min savoir-faire.
R'chuvoir des cart's postal's, ah qu'cha fait-ti du bin,
Aussitôt in veut vir ed queul indrot qu'cha vient!
J'raviss' donc rapid'mint l'aspect d'ches paysaches,
Et m'v'là d'jà à ch'verso pou déchiffrer ch' lisache.
Bin souvint ch'est marqué qu'in a aucun soucis,
Ou'i fait biau, qu'in s'promon', qu'in s'arposse et qu'in rit!
Pi arriv't les gross's baiss's pa d'vint ches signatures,
Ou'in met chacun sin tour, ch'est normal, pou conclure.
... Et pi là, tout bénach', j'étos cotint bin sûr,
J'ai muni d'ein' punaiss' l'imach' qui garnit ch' mur.
J'sus pas prêt d'les inl'ver mes biell's tiot's cart's postales
Aveuc leu's mots gentils ... mi ch'est cha qui m'régale.Daniel Carlier |
|
