Pour eune fos j'ai arwetchi l'télé ch't'au soir. Je veux dire arwetchi un programme jusqu'au bout....

Chu la 3 i avot eune émission chu salut les copains, années 1960 à 65.

Cha fait in gros 50 ins. Cha m'a fait tout drôle d'arvivre ch't'époque sins soucis, avec eune activité économique qui allot à fond et eune jonesse gaie.

J'ai été saisi par l'maigreur de grammint de canteux, par des qui étottent bâtis comme cha ne se vot pus (in particulier les Surfs, j'avos pourtint nin l'impression que ch'étot des handicapés...) et du coup j'ai arwetchi cha qui étot au second plan: public, service d'ordre etc.

Eh ben i n'avot nin de gros! Même que des canteusses qui étottent considérées rondouillettes (les Gam's, qui étottent un peu plus vielles que les yéyés pur jus) étottent sacrémint fines.

Tchand qu'in vot les jones à ch't'heure, in se dit qu'in 50 ins la malbouffe ou le malexercice, ou les deux in même timps ont fait des ravages.

In est eune paire ichi à avoir traversé cheule époque-là. Ch'étot eune séquo. In a eu de l'veine énon? In ne se rindot nin compte à quel point in avot de l'veine.

Bon, depuis ch'timps-là i a eu des rutes progrès, in particulier in médecine, mais i a eu aussi des rutes dégâts.

Quo que vous in pinsez?

M####, j'ai oublié d'arvettir, mais à ch'momint là, y'avot aussi les Peters Sisters...

Citation :

Cha fait in gros 50 ins. Cha m'a fait tout drôle d'arvivre ch't'époque sins soucis, avec eune activité économique qui allot à fond et eune jonesse gaie.

Je n'ai pas de si bons souvenirs de s't'èpoque...Mais j'écoutos toudis l'émission SLC...J'étos fan de Gilbert Bécaud et de Pétula Clark...avant l'arrivée des yé-yés...

chétot quand meme eine sacrée belle époque
des emissions pareil in in verra pus ..!

Mi ch'qui m'a fait drôle in arwetchant ch'est qu'in donn'rot pas leu âge à ches personnes, elles faisottent plus vielles in particulier un' copine ed classe à Sylvie Vartan, et ces caveux qui bougeottent nin su les tiètes, et ch'groupe de rock qui cantot d'vint les vaques et les afants qui les r'gardottent : que décalache intre les habillures et les coiffures !

Ah... t'as aussi arwetchi alors...

Eune séquo qui m'a intriguée ch'est eune canchon que Claude François i cantot dins un décor de neige.

Pour mi ch'est sur, ch'étot de l'vraie neige et les gins is marchottent dedins. Parmi "les gins" i avot des dinseusses qui étottent dins des robes qui ne devottent vraimint nin être caudes et qui pidoulottent dins l'neige avec des tiots sorlets à talons. Ch'étot incore nin l'époque des trucages.

A part cha, ch'est rigolo de vir commint que les ginses is ont vieusi. Vindiousses, Christophe je ne l'aros nin arconnu. La Sylvie Vartan des tout débuts non pus...

Et les play backs de brun de l'époque. In trouvot pourtint cha bin.

C'qui est drôle par rapport au tour de talle de chés canteux ch'est que quind in ravisse les défilés de modes de chés années là les mannequins ch'est pas des cliques à z'oches comme asteur, alles ont des formes..
Mi j'pinse que chés canteux-canteusses is sont épais comme des feulles à cigarettes pace qu'is étottent bin jonnes, si in ravisse Marylin Monroe ou bin Gina Lollobrigida qu'elles vivottent à cheule époque (infin marylinn pus pou longtimps) alles sont pulpueuses comme gramint de vedettes de cheule époque.... et l'talle de vêtements courant pou chés années là ch'étot 42, asteur dès que t'arrife au 44 in comminche à dire qui faut aller dins certains rayons spécialisés...

Armarque quind in vot commint is sont devenus Richard Anthony pis Demis Roussos, heureusemint qu'is étottent minces in 1960...

Avec les talles qu'i faut aller vir les rayons espécialisés à partir de 44, te causes de bottines énon?

Parce que pour les habits, je ne sais nin vousautes, mais pour mi, tchand que par hasard j'acate un boudjin, je chus toudis effaré de vir que cha va jusque 58 ou 60. Du coup je me sins maigue...

Aujourd'hui, exceptionnellement des fleurs pour mes copains...

Quelle taille elle avot chelle-là ?

Bonjour tertous, j'ai pas ravisé l'émission mais je m'doute des canteux qui pouvot y avoir !
J'sus bien d'l'avis qu'in a eu inne belle jonesse ch'étot un bon cru ches z'années là y a qu'à vire les canteux qui sont core dins l'métier qui sont pas disparus après un seul tube comme ed'nos jours.
Pour les tales mannequins ale z'avotent des rondeurs comme i fallot du qui fallot
In avot pas tout cha qui a dins les rayons des magasins aujourd'hui in mingeot moins d'cochonneries in marchot beaucoup plus pour faire nos commissions pour aller s'promener pour aller danser et l'boulot n'in parlons pas ch'étot beaucoup plus physique.
ch'est comme cha je vous parle d'un temps que les moins de 20 ans .. etc etc.

Ch'est vrai qu'in bougeot grammint puq.

Je me souviens d'eune cousine à mi que, in a dit que ch'étot pour nin fatiguer sin tchoeur, elle avot eu eune mobylette pour aller à l'école. Ch'étot exceptionnel. Tous les autres, ch'étot à vélo, ou à pids. Je me deminde d'ailleurs si qu'i avot des bus scolaires in ville

Et ceux qui avottent eune mobylette, rin qu'à les vir pédaler ou pousser comme des malates pour les mettre in route tchand qu'elles ne voulottent nin, ch'étot du sport!

flersois a écrit:

Quelle taille elle avot chelle-là ?

L'talle je ne sais nin, mais pour l'profondeur, je diros D. Quo qu'is in pinstent les espécialisses?

Ch'est incroyape cha. In comminche un sujet sérieux chu les canteux de nous jonesse et in moins de deux in s'artrouve dins sin soutif à BB.

Incore un cop à Flersois!

batisse a écrit:

Ch'est incroyape cha. In comminche un sujet sérieux chu les canteux de nous jonesse et in moins de deux in s'artrouve dins sin soutif à BB.

Incore un cop à Flersois!

Et alors, chéto ène chanteuse des années 60 non....

Ouais bin asteur, messieurs, i n'd'a pu gramint d'intre vosautes qui aurottent querre s'artreuver dins sin soutif à la BB, z'avez vu à quo alle arsonne ?...
Jeanne Moreau aussi à bin vieusit, mais alle fait gramint pus naturelle, mi j'préfère, mais bon j'sus eune guernoulle et mes yux n'ravissent pas aux mêmes indrots que chés cos

mi ej préféro ceux d' la tchitcholina. in pourra pus mette sins nez d' dins .i n' dot pus in rester grand cosse. à m' mote qui n' dot pus rester granmind d' viers i z'ont du ete impoisonnés.

Batisse a écrit

Citation :

Et ceux qui avottent eune mobylette, rin qu'à les vir pédaler ou pousser comme des malates pour les mettre in route tchand qu'elles ne voulottent nin, ch'étot du sport!

T'as souvint du m'vir passer dins tin quartier...

Ch'cardiologue y d'minte :Vous avez un coeur fatigué, vous avez fait du sport de haut niveau ?

Ouais docteur, j'ai beaucoup pédalé....

té fait parti d' la pédale Flersois?

nounours-94 a écrit:

té fait parti d' la pédale Flersois?

La pédale wah-wah, t'utilises ?
In est incore ène fos sorti du sujet du jour les années 60

dins l'emps j'in avo eune asteur j'ai un ampli qui fait tout tout seu.

tiote bellote écrit:
Jeanne Moreau aussi à bin vieusit, mais alle fait gramint pus naturelle,


Et Sophia Loren et Claudia Cardinale, je les trouve toujours aussi belles nan

Et vouzottes, vous trouvez Alain Delon et Belmondo comment ?

Ch'est eune question aux guernoules ou à tertous?

flersois a écrit:

Et vouzottes, vous trouvez Alain Delon et Belmondo comment ?

Alors pou ma part, Belmondo j'treufe qui a gramint de charme, même asteur, malgré s'sinté, Delon j'ai jamais eu querre, bin trop pédant à min goût, du cop cha n'est pas attirant (pou mi)...
Mi chti qu'j'avos querre ch'étot Jean Claude Drouot, incore asteur ch'est un biel homme, pis Samy Frey et pis aussi et surtout Pierre Arditi, ah ! in vl'a in qui bonifie in veillissant, J'SUS FAN, in puq i a eune bielle vox et eune diction impeccape, et que charme !
J'me rinds compte que ch'est tertous des bruns... comme min homme

bien qu'ale vieillit m' n'idole ché tiote belotte

Tais te Nounours, té vas faire des jalousses !!!

Sinon dins les canteux des années 60 -j'vos fait armarquer que j'arviens au sujet- ch'ti que j'trouvos bieau ch'étot Monty, Franck Alamo, Paul mac Cartney, pis i a eu Mike Brand (mais ch'est putôt les ans 70).... ah pis aussi Eddy Mitchell qui est incore bin conservé (j'sus fan aussi) et pis incore et surtout Julien Clerc (j'sus super fan) que j'devos aller vir à Lyon i a deux ans mais que j'ai du arnoncer suite à min écrasache d'gampe deux jours avint l'spectaque
Un qui m'a jamais fait rêver ch'est Johnny...

Dins le fond, pour te plaire, i suffit presque d'avoir un nez qui va de travers!

Daniel Auteuil i dot aussi avoir ses chinces avec ti