Salut les gins!

J'arviens d'avoir été faire mes commissions à min supermarché de d'habitude. Les supermarchés ch'est comme les marchés nin super, vu qu'in y vot eune masse de séquos différintes et eune masse de gins.

Et là, j'ai des problèmes de mode... Cha fait belle lurette que je ne m'y intéresse pus de près, mais là je cros bin que je chus complètemint largué par des nouvieautés.

Déjà hier i m'in avot arrivé eune drôle. Cha devot être les départs ou les retours de congés pour les bénéluxeux, vu qu'i n'd'avot tout partout. Bref, je m'arrête dins eune station d'autoroute pour acater un sandwich et in marchint vers l'station je vos, à côté d'eune auto luximbourgeoisse, eune guernoule à croupette, avec sin tchul chu ses talons, in train de juer ou de causer avec sin tiot. Et là je me dis qu'i a un truc.... in pouvot se mirer rudemint profond dins l'raie de sin tchul! Dins un premi timps j'ai pinsé qu'elle ne s'in rindot nin compte mais après j'ai vu que s'n'homme i s'approchot d'elle, qu'i li causot à même nin deux mètres derrière elle et qu'i me simble impossible qu'i n'aiche nin vu le pestaque.... In tous les cas, i ne li a rin dit à ch'sujet-là. Mi j'ai rin dit non pus, et tchand que je chus arpassé avec min sandwich, ch'étot toudis parel.

Je m'ai dit "incore eune drôle de mode et incore eune fos ch'est nin la plus bielle qui s'y colle".

Et d't'à l'heure, à min supermarché, min argard i se trouve attiré par eune croupe de jumint de brasseur. De la bonne jumint pleine de sinté, qu'in devine qu'i a grammint de vrai muscle après les oches. Un plaiji pour les yx. In ravisint plus précisémint, je m'ai rindu compte qu'in veyot s'tiote culotte, qu'elle n'étot nin si tiote que cha vu qu'elle dépassot d'un bon 5 cm au-dessur de l'cheinture du boudjine.

Elle aussi elle étot avec s'n'homme. Et pour li aussi ch'est impossipe qu'i ne se soche nin rindu compte qu'eune séquo n'allot nin au nivieau de l'cheinture de l'maronne de s'copine ou femme.

Un tiot peu surpris, j'ai fini par me dire que ch'étot suremint eune nouvielle mode parce qu'à un momint l'guernoule elle a fait comme si qu'elle allot armonter s'maronne alors qu'in fait elle a armonté s'tiote culotte du plus haut qu'elle pouvot. Même que j'ai vu qu'au nivieau de normalemint les hanches i avot de l'dintelle. J'ai arcrojés ches gins eune paire de fos dins l'magasin, et elle saquot toudis chu s'culotte pour bin l'armonter et la montrer à tertous.

Incroyape! Question aux espécialisses de l'mote: ch'est eune mote ainsi, qu'i faut moutrer sin tchul ou sin imballache ou je chus tché chu deux phénomènes in deux jours?

D'autint qu'à saquer dessur comme elle saquot, le bas de l'culotte i devot être incriqué bin profond dins s'foufounette... Infin bon, cha ch'est eune autre histoire!

In vit eune drôle d'époque énon?

AH BIN BATISSE, té t'as pourléquer in dirot !

comme té dis, ché eune nouvelle mode, pour ché jones d'achteur! pis , moins y'a d'tissus, plus cha coute querre !

Mais té sais, y'a pas que ché jones garnoulles qui montent leur cul, ou qui saquent leur tiote maronne a dentelles , ravisse ché jones gars, parel aussi, z'ont leur snipe qui dépassent de leur jean, des fos in dirot qui ont tchier din leur maronnes ! personnelemint, cha m'derinche pon, mais j'trouve pas tout cha élégant leur nouvelle mode !

t'in a profité que bobone ale n'éto pas la pour t'in mette plein les mirettes.

j'sus d'accord aveuc Babette, Batisse ,té ravisses pas toudis aveuc tes yux fermés, d'après c'que té nous racontes, Mais té dos passer trop vite à moto!
J'ai min pétit tiot ed 13 ans, grand comme sin père qui s'habille comme cha. Cha reste très raisonnable car es mère elle veille au grain. Mais i passe sin temps à faire dépasser sin slip, à baisser sin pantalon pour qu'i arrive à ses hanches et porter in sweet court ( car autremint, in n'verrot pas l'large élastique d'sin slip) avec unne capuche.
Les guernoules, ch'est parel, ou elles sont tout in ochs, ou elles sont bien grasses, et cha dépasse ed partout!
I fot s'y faire, CH'EST LA MOTE!! CH'EST LA TRES GRANDE MOTE!!
Du momint qui sont propes.......
Rappelez vous la mote des mini- jupes. L'nounou de m' fille, i fallot surtout pas qu'elle monte des escaliers ou qu'elle essaie ed s'asseoir, ou qu'elle se penche, le spectacle était gratis.

ni p.... ,ni soumises i a quoi de s' poser des questions.
ché peut ete nous qui dev'nons viux jux.
mi personellemint cha m' dérinche pas,comme dit l'proverbe:
un cul vu, n'est pas perdu.

vingt des diousses té dot in connaîte un bout sur la question Kasimierz

............Vous dallez faire de l' tinsion vous autes ! ! !

l' mienne ale est bonne ej sus allé ach' méd'cin ch' matin pépéBé pour arnouvler min traitemint à cosse d' cha.
i m'a dit tout va bien.

Vous in faites eune histoire aveuc cha. Pour vire leus culottes i suffit d' écarter les fesses ! ! !

cochon.té va t' faire "tuer" par ché foromeuses

Ah bon, j'ai bon alors? Ch'est eune nouvielle mode?

In ne sait vraimint pus quo invinter pour que les viux is se sintent viux ju!

Batman qui mettot sin snip par au-dessur de s'maronne, in y arrife tout duchemint alors?

Bon, le soutif par au-dessur du pull over, cha pourrot être comique.

Cha dot gratter enon?

Pis les cauchettes par au-dessur des bottines, tchand qu'in y est.

Vous me direz, in fait des pull over qu'in dirot qu'is sont à l'invers alors qu'is sont à l'indrot. Heureusemint qu'i a eune étiquette. Et incore...

Vivemint qu'in met les bottines du pid gauche au pid drot et lycée de Versailles...

Histoire vraie. J' étos tout tiot.

"Mononcle j' sais pas c' que j' ai, j' ai mal aux pieds.
. - Tu ne vos pas que tu as mis tes chausures "à l' envers" !
. Bin sur qu' cha a core fait bin rigolé tout l' famile.

. Un consèle...gratuit...si qu' vous voulez vire des culottes, ravisez dins l' cataloque d' la Redoute ! ! !

Les cochettes au-dzeur des godasses, ch'est déjà, unne ancienne mote! Rappelez- vous quand i gélot , Ches gins, is mettotent leurs cochettes ed laine sur leurs chaussures por pos glicher!

J' allos dire l' même cosse ! ! ! Antidérapache certifié SGDG.