Canchons: miroir d'la vie

Sexe : Date d'inscription : 17/12/2009 Messages : 1281 Henin Beaumont

Canchons: miroir d'la vie

J'pinse que ches canchons sont l'reflet d'eu n' époque, de l'façon d'vive d'ches gins et d'l'ambiance du momint : J'vas essayer d'vous prouver cha, surtout à vous ches pu viux d'nous autes, in prenant l'période 1938-1945.
Pasque , achteur, des canchons i n'in sorte à l'pelle et in décoeufe des nouviaux canteux tous les s'maines ! Ainsin in 1939, si Tino Rossi charmot ches fimmes aveuc Marinella, Rina Ketty faisot ein toubac aveuc «j'attendrai», «sérénade sans espoir », «mon village au clair de lune». ln parlot pourtant d'guerre, mais comme in s'croïot ches pu forts, in cantot : «nous irons pendre notre linge sur la ligne Siegfried ».
Et pi, ch'est ches boches qui sont evnus faire leu lessive dins nou pays. André Dassary, qui croïot à cheul propagande all'mande, n'hésitot pos à dire: «Maréchal, nous voilà», tandis qu'Maurice Chevalier essayot quand même d'faire rire ches gins aveuc «l'symphonie des semelles en bois». Mais l'moral n'étot pu là. Surtout qu'ches fimmes ed prijonniers d'guerre intindotent, tous les jours, dins ch'poste : «je suis seule ce soir», «attends-moi mon amour» par Léo Marjanne. Mais aussi par Lucienne Delyle : «paradis perdu », «mon amant de St jean», adon qu'Charles Trênet s'interrogeot : «que reste t-il de nos amours» ? Pourtant, dins cheul grisalle sont arrivés Andrex : «y a des zazous dans mon quartier » et Josette Daydé qui étot «mademoiselle swing». Mais Edith Piaf restot fidèle à l'canchon réalisse aveuc «l'accordéoniste» et «d'l'autre côté d'la rue». Pindant ch'temps-Ià, grâce à l'BBC, in espérot in acoutant «le chant des partisans».
- Bin sûr, chl'occupation all'mande al a pris fin et cha été du délire. Cha a comminché par «fleur de Paris» aveuc l'orcheste à Jacques Hélian, pi pa l'canchon d'Johnny Héss : «Ho! Là ! Là ,Good morning mad'moiselle» et par ein nouviau v'nu qui s'app'iot Georges Ulmer :«quand allons-nous nous marier ?». Pierre Oudan invitot ches gins à «prendre le café au lait au lit» et tout l'monde connaichot par coeur « Ha ! le petit vin blanc !». Cha été l'époque d'ches Soeurs Etienne, Marie José, Yvette Giraud, Colette Mars, Any Gould (qu'in a arvues à «l'chance aux chansons » d'Pascal Sevran).
Mais aussi d'l'apparition d'Yves Montand «dans les plaines du far-west», d'Bourvil «elle vendait des cartes postales», d'Luis Mariano et l'operette ed Coquatrix «la belle de cadix», d'Georges Guétary : « chiquito», d'Suzy Delair
«avec son tra.la.la». Sans oublier ches grands orchestes d'Ray Ventura, Jo Bouillon, Jacques Hélian,Camilie Sauvage et ches débuts des Frères Jacques: «Le p'tif bout de la queue du chat», des compagnons de la chanson : «étoile des neiges», «les trois cloches». ln étot sorti d'l'occupation, in étot heureux, pleins d'optimisse et ches masons d'disques tournotent à plein «tubes». Alors, aveuc Edith Piaf in véyot «la vie en rose» et aveuc Charles Trenet, in comminchot à espérer vir « la mer » d'ein peu
pu près. Diu, qu'cha paraîchot lon chl'époque d'ù qu'Léo Marjanne cantot : «je suis seule ce soir» !
Jacques Huet

Sexe : Date d'inscription : 25/12/2009 Messages : 4646 Wimille 62126

Et dire qu' j' ai connu tout cha ! ! ! I avot eune grante photo d' tino Rossi incadrée d' sur l' poss d' TSF chez min grand père, j' avos eune matante d' 16 ans fan d' li...in 39/40...alle m' aprènot ....j' cros eune canchon du qu' i étot question " ici à la belle étoile...d' un rayon d' lune vaut le plus grand trésor ? ? ? " ?
. T' as oblié Lili Marlène...." Devant la caserne un soldat allemand....version françaisse.."i
. J' ai un documint qu'i date d' 1947. A l' Alhambra. J' vais l' sacnner et l' mète d' sur l' site. (J' sus pas core habillé ) ! .
Very Happy

Sexe : Date d'inscription : 25/12/2009 Messages : 4646 Wimille 62126

Eureka j' ai treuvé: Tant qu'il y aura des étoiles .....
canchon pour optimisses.
http://www.wat.tv/audio/tino-rossi-tant-qu-il-aura-1x936_2h9vt_.html
I n' a pas été filmé in vidéo ! !
rire

Sexe : Date d'inscription : 11/04/2011 Messages : 214 la seyne sur mer

j'ai des CD de toutes ces chansons et je les écoute volontiers et je ne me sens pas ringarde d'aimer ces chansons

Sexe : Date d'inscription : 05/04/2011 Messages : 491 ~~ Boyau Rouche 62430 ~~

Dins nou coin i a cor radio GWLADYS
qui nous passe dins l'semaine
chés anciennes canchons ed 15h à 16h00 ...

chétot des canchons aveuc du texte ,

& qui racontotent quét cos....

Sexe : Date d'inscription : 27/11/2010 Messages : 1886 Belgique

Etoile des neiges...plum plum tralala..La petite diligence...Si tu veux faire mon bonheur Marguerite..En avant le régiment des mandolines...

Sexe : Date d'inscription : 17/12/2009 Messages : 1281 Henin Beaumont

Citation :: Dins nou coin i a cor radio GWLADYS

Que cha soit dins m'cuisine ou bin dins m'n'auto,ch'est radios sont réglés sur 102,6 mhz radio GWLADYS. Canchons: miroir d'la vie 106396

Sexe : Date d'inscription : 05/04/2011 Messages : 491 ~~ Boyau Rouche 62430 ~~

Roger a écrit:

Citation :: Dins nou coin i a cor radio GWLADYS

Que cha soit dins m'cuisine ou bin dins m'n'auto,ch'est radios sont réglés sur 102,6 mhz radio GWLADYS. Canchons: miroir d'la vie 106396

102.4

Sexe : Date d'inscription : 17/12/2009 Messages : 1281 Henin Beaumont

Citation :: 102.4

Ouais t'as raison Casimir!
autant pour mi...

Sexe : Date d'inscription : 25/12/2009 Messages : 4646 Wimille 62126

Ichi ch' est l' diminche matin
Eune séance accordéon" ""et insuite "Chansons d' autrefois".
Ch' est eune tiote radio locale vous l' archevrez pas vous autes dins vos coin........Ch' est "Transat FM"....98.50
Eune radio pour intéllectuels de base. Jamais d' rap! ! ! Tant pire in s' in pass'ra ! ! !
Canchons: miroir d'la vie 993998