| tiot coin d'paradis in ville | |
|
|
Auteur | Message |
---|
tiote bellotte
Sexe : Date d'inscription : 22/12/2009 Messages : 3111 Dins le beaujolais (69)
| Sujet: tiot coin d'paradis in ville Lun 11 Juil 2011 - 11:52 | |
|
Lu dins min journal : "Un petit coin de paradis en ville " Vos pinsez sins doute à un nouvieau parc avec plein d'fleurs et d'arpes ouvert au mitan de l'ville, avec des jux pou chés tiots, des tiotes fontaines et compagnie... bin pas du tout mes gins. In fait i s'agit d'un nouvieau concept qui concerne chés cabinets. Un tiot malin qui minque pas d'idées vient d'ouvir à Lyon eune première "boutique-toilettes" in plein centre de la ville dins un quartier assez touristique et cha s'invinte pas l'nom de l'rue d'ù qu'est installé l'boutique-toilette s'appelle l'rue Confort , eune coïncidence ?... Selon l'créateur "se rendre dans des sanisettes est très anxiogène" !!!!, alors i a créé chés "boutiques" comme des "lieux de bien être et de propreté" (pou 1 euro à 1 euro 50, quind même, ch'est pas gratuit et mi j'me deminde si l'différence de prix ch'est selon c'qu'in fait ??). In pourra cujir l'ambianche qu'in veut avec abattant japonais avec jet d'ieau et jet d'air caud ou bin in wc avec lunette cauffante et massante (!!!! !!!, j'imagine l'tabeau). Dins cheule boutique in pourra tout acater aussi, l'modèle WC "Rolls" (heu, cha consiste in quo ??? i a un klaxon ?) du papier tolette couleur (j'espère qu'cha détint pas) ou bin du papier arcouvert de sodoku (heu in fait les soduku avint d' s'servir du papi ? va falloir faire attintion d'pas treuer l'papi avec sin stylo) armarquez des sodoku pou mette à sin .... fallot y busier ! In pourra acater eune brouche à cabinet chromée et réalisée par un désigner (z'ont rin d'aute à faire ?) pou l'modique somme de 678 euros, cha fait quer l'frottache... Et j'vos ai gardé l'meilleu' pour la fin, in pourra acquérir eune boutelle de Bordeaux intitulée "la pissotière de l'impératrice"..... (faut l'boire in étant assis sur l'wc Rolls, un rouleau d'sodoku à la main, pindant que l'lunette alle nos masse les fesses ?)... Le concepteur espère attirer 500 personnes par jour dins sin cabinet, oh pardon, ma chère ! son coin de paradis.... (à prononcer l'bouque in cul d'glaine et l'pus discrètemint possipe) I paraitrot qu'i in existe eune à Paris depis 5 ans et qu'eune aute va ête installée à marseille avint la fin de l'année. In tous cas mi j'continuerai d'aller dins un bistrot si qu'chest trop pressé... Cha m'a cor fait passer un bon momint d'rigolade cheule lecture |
|
| |
flersois
Sexe : Date d'inscription : 27/11/2010 Messages : 1886 Belgique
| Sujet: Re: tiot coin d'paradis in ville Lun 11 Juil 2011 - 13:08 | |
|
i'avot cha qui existot déjà, j'sais nin quo que l'motard de ch'forum utilise.... |
|
| |
batisse
Sexe : Date d'inscription : 22/12/2009 Messages : 5194 St Dié dins les Vosges
| Sujet: Re: tiot coin d'paradis in ville Lun 11 Juil 2011 - 13:33 | |
|
Je ne sais nin vousautes, mais in ch'qui me concerne, cha qui m'imbête l'puq - z'avez vu, j'ai nin dit em...de - dins les indrots comme cha, ch'est le bruit.
Avint l'odeur laichie à ch'ti qui suit ou par ch'ti qui y étot avint....
Alors in peut me mettre dins un ouater grind luxe, avec du papi tout douche, un lavabo avec du savon qui sint bon et tout cha, si que l'porte ou les murs is ne sont nin isolés phoniques, et que les vijins is peuttent in profiter, je m'artiens dins mes efforts. Cha gâte le plaiji. Le mien in tous les cas!
J'ai des fos attrappé des fous rires dins les aéroports, stations d'autoroute et autres, in intindint l'musique et les efforts des vijins.
Eune fos, à l'fabrique, je m'ai fait eu. In avot un local toilettes avec 2 places assises, eune plache debout, et 2 lavabos.
Eune fos, j'arrive là-dedins avec mes boyaux qui gargouiltent et je m'installe in sachint qu'i a quelqu'un dins l'cabine à côté. Nin longtimps après l'chasse d'ieau d'à côté elle est saquée, l'occupint s'in va et je l'intinds qu'i fait couler l'ieau du lavabo. Donc j'attinds suffisammint longtimps pour qu'i aiche le timps de quitter les lieux et là, je ne vous raconte nin le concert que j'ai jué pour mi tout seu....
Sauf qu'eune fos que j'ai eu fini, que je chus sorti pour aller me laver les mains, min vijin d'avint i étot incore là, je ne sais nin pourquo. Ch'étot min directeur commercial. Oh, i s'appliquot pour essuir ses mains...
I m'a juste dit "ben alors Monsi machin, cha ne va nin?"
J'étos gêêêné! |
|
| |
tiote bellotte
Sexe : Date d'inscription : 22/12/2009 Messages : 3111 Dins le beaujolais (69)
| Sujet: Re: tiot coin d'paradis in ville Lun 11 Juil 2011 - 13:54 | |
|
- batisse a écrit:
- J'étos gêêêné!
T'es sur ?? In tous cas mi quind j'dos rincontrer des gins qui risquerottent de m'impressionner, j'les imagine d'sus l'trône, croyez me cha les rind humains... même si un jour j'devros rincontrer un pape ou bin un Président (c'qui m'étonnerot fort quind même !), j'sais que j'pinserai aux cabinets...pace que tout importants qui peuchent ête, bin eusses aussi sont des fos constipés ou bin... (bon j'sais que vos avez d'imagination pou invisager toutes les possibilités)... |
|
| |
batisse
Sexe : Date d'inscription : 22/12/2009 Messages : 5194 St Dié dins les Vosges
| Sujet: Re: tiot coin d'paradis in ville Lun 11 Juil 2011 - 14:15 | |
|
Ch'est vrai que si qu'in se met à t'imaginer constipée, oh vénérable cheftaine....
Cha te fait braire? |
|
| |
tiote bellotte
Sexe : Date d'inscription : 22/12/2009 Messages : 3111 Dins le beaujolais (69)
| Sujet: Re: tiot coin d'paradis in ville Lun 11 Juil 2011 - 14:29 | |
|
Bin mi i a pas b'soin d'm'imaginer, j'impressionne personne, mi..
Au fait l'jour de ton concert pétaradant à t'fabrique, t'avos mingé du pâté à l'cantine ?... |
|
| |
batisse
Sexe : Date d'inscription : 22/12/2009 Messages : 5194 St Dié dins les Vosges
| Sujet: Re: tiot coin d'paradis in ville Lun 11 Juil 2011 - 17:50 | |
|
J'in sais pus. Pourquo que te demindes cha?
In tous les cas, soche rassurée, je t'imagine... |
|
| |
flersois
Sexe : Date d'inscription : 27/11/2010 Messages : 1886 Belgique
| Sujet: Re: tiot coin d'paradis in ville Lun 11 Juil 2011 - 22:14 | |
|
Les vécés à la française, à la turque comme in dit in France, i ont des couvercles maintenant ? Et i faut toudis tirer sur ène chaine et s'faire mouiller ses pis... |
|
| |
batisse
Sexe : Date d'inscription : 22/12/2009 Messages : 5194 St Dié dins les Vosges
| Sujet: Re: tiot coin d'paradis in ville Lun 11 Juil 2011 - 22:33 | |
|
Ch'est pour cha qu'in pue des pids? |
|
| |
flersois
Sexe : Date d'inscription : 27/11/2010 Messages : 1886 Belgique
| Sujet: Re: tiot coin d'paradis in ville Lun 11 Juil 2011 - 22:48 | |
|
D'où que j'allos à Paris, chéto l'douche in même temps, pratique non pour s'laver les pids |
|
| |
batisse
Sexe : Date d'inscription : 22/12/2009 Messages : 5194 St Dié dins les Vosges
| Sujet: Re: tiot coin d'paradis in ville Lun 11 Juil 2011 - 22:57 | |
|
- flersois a écrit:
- Les vécés à la française, à la turque comme in dit in France, i ont des couvercles maintenant ? Et i faut toudis tirer sur ène chaine et s'faire mouiller ses pis...
Les WC turcs, au départ ch'est des WC belges. Les turcs is n'ont fait que les mettre au point: is ont fait un trou au fond.... |
|
| |
flersois
Sexe : Date d'inscription : 27/11/2010 Messages : 1886 Belgique
| Sujet: Re: tiot coin d'paradis in ville Lun 11 Juil 2011 - 23:00 | |
|
T'as aussi lu cha :WC à la Turque |
|
| |
batisse
Sexe : Date d'inscription : 22/12/2009 Messages : 5194 St Dié dins les Vosges
| Sujet: Re: tiot coin d'paradis in ville Mar 12 Juil 2011 - 7:00 | |
|
Oh... c'est rigolo ce site-là. Qui est derrière? (Hara Kiri?) |
|
| |
pistouille2
Sexe : Date d'inscription : 11/04/2011 Messages : 214 la seyne sur mer
| Sujet: Re: tiot coin d'paradis in ville Mar 12 Juil 2011 - 13:12 | |
|
Les besoins quand j'étais gamine c'était dans une toupine que mon grand père vidait tous les matins dans la fosse à purin, je ne vous parle pas des mouches, mais je crois que dans ma campagne nous étions tous dans le même cas. |
|
| |
batisse
Sexe : Date d'inscription : 22/12/2009 Messages : 5194 St Dié dins les Vosges
| Sujet: Re: tiot coin d'paradis in ville Mar 12 Juil 2011 - 13:18 | |
|
Une toupine? Jamais intindu ch'mot-là.
J'ai cachi chu gougoule, vu que le mot n'est nin dins min dico, et je vos que cha serot un mot spécifique au sud (argotique?) qui définit eune jarre in tierre cuite/grès.
Ch'étot cha? Eune jarre? Vinguette, i faut savoir viser.... |
|
| |
pistouille2
Sexe : Date d'inscription : 11/04/2011 Messages : 214 la seyne sur mer
| Sujet: Re: tiot coin d'paradis in ville Mar 12 Juil 2011 - 13:46 | |
|
ben oui c'est çà mais les bords étaient larges |
|
| |
min nain
Date d'inscription : 11/06/2011 Messages : 391 Hérault
| Sujet: Re: tiot coin d'paradis in ville Mer 13 Juil 2011 - 11:25 | |
|
Nous ch'étot unne marmite aveuc in couvercle qu'in appellot in pot d'nuit ou unne tinette. En in mot, sauf ceusses qui faisottent partie d'el bourgroisie, dins nos corons , in étot tous ringés à l' minme enseigne: Pot d'nuit, et wc aveuc unne planque dins ch'gardin ou dins l'cour, aveuc in clo por accrocher l'réserfe ed papier c.. ( des morciaux ed journaux ). Pas vrai, vous autes? Por mi, aller aux cabinets comm'in disot, Chétot toudis unne avinture car j'avos tellemint peur des araignées qu'j'imaginos cachées sous l'planque, que j'ai m' faisot in vrai feuilleton genre film d'horreur et qu'jen oublios d'faire c'que j'avos à y faire! Chaque fois ,ch'étot l'grante aventure |
|
| |
batisse
Sexe : Date d'inscription : 22/12/2009 Messages : 5194 St Dié dins les Vosges
| Sujet: Re: tiot coin d'paradis in ville Mer 13 Juil 2011 - 14:34 | |
|
Te devros in écrire un livre. I suffit de trouver un bon titre...
Le cabinet maudit!
J'ai eune araignée dins m'culotte
J'ai oblié m'grinte au cabinet
L'araignée chu le journal
Constipation mon ennemie
etc. |
|
| |
min nain
Date d'inscription : 11/06/2011 Messages : 391 Hérault
| Sujet: Re: tiot coin d'paradis in ville Mer 13 Juil 2011 - 14:38 | |
|
dernière idée, cha s' rot tout à fait approprié. Bon! J'comminche min bouquin demain! |
|
| |
batisse
Sexe : Date d'inscription : 22/12/2009 Messages : 5194 St Dié dins les Vosges
| Sujet: Re: tiot coin d'paradis in ville Mer 13 Juil 2011 - 14:48 | |
|
Dépêche alors.... ça presse! |
|
| |
tiote bellotte
Sexe : Date d'inscription : 22/12/2009 Messages : 3111 Dins le beaujolais (69)
| Sujet: Re: tiot coin d'paradis in ville Mer 13 Juil 2011 - 14:51 | |
|
et là ch'est pas la "Dépêche du Midi" |
|
| |
Kazimierz
Sexe : Date d'inscription : 05/04/2011 Messages : 491 ~~ Boyau Rouche 62430 ~~
| Sujet: Re: tiot coin d'paradis in ville Jeu 14 Juil 2011 - 23:08 | |
|
j'in est eune tiote véridique ,su ché vécé dins chés corrons ...Cha s'passot dins chés pavillons ed min coin ,in allant à l' école in passot par là , chinq mn avint in avot ben intindu in tiot boumm , vers l'mitant ed chés pavillon, un grind atroupemint , pluq in approchot plus cha sintot eul' brin , su l'bord ed sin gardin y avot un type couvert ed brin que s'fimme & des visins intrin d' laver .les pavillons ché eune longue ringé ed masons dos à dos aveuc 1 étach' , eune porte d'intré & eune grante féniète in haut comme in bas ,devant eune tiote route (limite pour eune bagnole)pis ed l'aute côté d'el route un tiot gardin et à l'intré deux tiotes constructions in briques eune pour chés outils , pis l' aute chétot les chiotes ,Comme cha s'passot in hiver ch't'homme pour qui fach' moins frod ,y a pas trouvé miux ed boucher eul queminée , pis ch'tiot losanch' qui étot sur porte aveuc du papier journal...Eune fos su l' trone y a voullu alleumer s'cigarette .... ben l'seconde d'après i étot à quate pattes su l' porte et dins sin gardin i avot nin b'soin ed faire eul vidanch' ed sin vécé.... |
|
| |
batisse
Sexe : Date d'inscription : 22/12/2009 Messages : 5194 St Dié dins les Vosges
| Sujet: Re: tiot coin d'paradis in ville Ven 15 Juil 2011 - 7:44 | |
|
Ouais, pis ch'est rudemint bin, parce que avec ti in a même les couleurs...
N'impêche, is ont du in causer et in rigoler pindint longtimps dins ch'coron-là.
Cha a fait un rute pet qui pue, vinguette. J'in rigole tout seu. |
|
| |
min nain
Date d'inscription : 11/06/2011 Messages : 391 Hérault
| Sujet: Re: tiot coin d'paradis in ville Ven 15 Juil 2011 - 9:45 | |
|
L'p'tit Jésus l'a puni: In n'dos pas fumer in cachette! Y a pas d'fumée sins fu, Boum!!! |
|
| |
flersois
Sexe : Date d'inscription : 27/11/2010 Messages : 1886 Belgique
| Sujet: Re: tiot coin d'paradis in ville Ven 15 Juil 2011 - 9:51 | |
|
Batisse a écrit - Citation :
- Ouais, pis ch'est rudemint bin, parce que avec ti in a même les couleurs...
L'prochaine fos i nous met aussi l'odeur... |
|
| |
Contenu sponsorisé
| Sujet: Re: tiot coin d'paradis in ville | |
|
|
| |
| tiot coin d'paradis in ville | |
|