Ch'est par c'titre alléchant que min oel a été attiré c'matin in ouvrint min journal...
J'me dis "ah j'm'in va lire cha tout d'suite, cha va pouvoir ête utile à chés garchons du forum, ceusses que j'connos leu crâne bin lisse, pis les autes que j'connos pas mais qui n'ont pet ête pus d'caveux".... in sait jamais is aurottent pus découvrir eune crudité aux vertus miraculeusses !
J'veyos déjà Batisse avec des rondelles d'concombre d'sus l'crane, ou bin nou grind chef à pleumes l'tiête enrobée de carottes rapées, ou bin cor André (tiens au fait coucou André, j'sais qu'té nos lis) s’appliquant des rondelles d'tomates...
Qui sont dins les nouvieaux ceusses qui n'ont pus d'caveux ?, allez n'soyez pas timides.... quoque vos pouvez n'pas l'dire, car.... in fait pas d'produit miraculeux, ch'étot juste eune pub pou eune chaîne d'produits...
Armarquez cha m'aurot étonnée que les crudités fassent arpousser les caveux, comme j'in minge grammint, j'devros avoir eune chevelure jusqu'à mes genouilles....

Eh te vas quand même nin conseiller les graines germées bio...

Ouais, pis du fumier dins ses godasses cha fait grandir.

Demande à Batisse! pet-ête qu'il a essayé.?

Min père étot in coulonneux et j'l'ai toujours connu sans caveux. Faut dire qu'i avot toudis unne casquette sus ch'tiête car autremint , ses pigeons, is n'l'arconnotettent pas, et is n'voulottent pos rintrer dins l'pigeonnier. Alors in jour ed concours, chétot imbêtant!

A part cha, j'ai toudis intindu dire qu'i fallot mette du brun ed'pigeon dins ses godasses por grandir! J'a jamais essayé, c'et pet ête por cha qu'in m'a surnommée "min nain!" Mais cha n'a rien à vir aveuc ches caveux!

Citation :

Mon grand père disait que la m...e de pigeons faisait repousser les cheveux

cha m'fait rire... j'connos eun' fille qui l'avot fait,elle avot mis du brun d'coulons sur s'tête et mis un foulard pour bin faire tenir cha.

Citation :

j'ai toudis intindu dire qu'i fallot mette du brun ed'pigeon dins ses godasses por grandir!

cha aussi j'l'ai vu faire...
faut dire qu'ichi dins nos cités minières, in avot gramint d'coulonneux.

Citation :

J'veyos déjà Batisse avec des rondelles d'concombre d'sus l'crane, ou
bin nou grind chef à pleumes l'tiête enrobée de carottes rapées, ou bin
cor André (tiens au fait coucou André, j'sais qu'té nos lis)
s’appliquant des rondelles d'tomates...

té nin eun' moqueuse d'gins!!!

I n'a pus de respect pour les viux sacrebleu!

L'brun d'coulon y'avot fait d'l'effet....Min coiffeur y'm'véyot nin souvint....

Ben dis donc, t'es nin grammint fraique ti tchand que te te baignes...

Et... i avot déjà des photos in couleurs in ch'timps-là?

batisse a écrit:

Ben dis donc, t'es nin grammint fraique ti tchand que te te baignes...

Et... i avot déjà des photos in couleurs in ch'timps-là?

Je m'baigne nin, je rame.

Te vos bin qu'ché ène photo que j'ai colorée

flersois a écrit:

Te vos bin qu'ché ène photo que j'ai colorée

Dins ch'cas là, explique e't méthode aux professionnels....car ti ch'est vraimint comme chi ch'était vrai !

batisse a écrit:

Et... i avot déjà des photos in couleurs in ch'timps-là?

Eh ouais , et y'avot déjà des apparels photo du qui fallot mette des piles,

batisse a écrit:

Ben dis donc, t'es nin grammint fraique ti tchand que te te baignes...

Et... i avot déjà des photos in couleurs in ch'timps-là?

Bin ouais, et j'ai été achater ène au't pellicule à Berck..

. Cha dot ète les frères Lumière, incore eusses, qu'is zont inventé l' photo couleur aveuc de fécule d' pomme de terre...d' sur des plaques in verre.
. Toutes leurs photos couleur aux frères lumière sont de magnifiques oeuvres d' art.
..............
..... 28 Asa ch' est l' sensibilité de l' pellicule si té doupes les asa té doupes l' sensibilité......in noir et blanc i avot in moyenne
de........... 125 asa jusqu' à 400 asa.
..... ach't'heure m' n' apparel numérique peut ête réglé sur .............6400 asa..... fabuleux ! ! !

Je connos un courtilleux qui me parle des fos d'ASA laids.

Mi, j'y connos rin, alors je serre m'guiffe.

Donc les ASA ch'est fait avec des pennes tierre. Cha dot être pour cha que min courtilleux i in cause.

Ch'est vrai quo... in m'a toudis expliqué qu'i vaut miux serrer s'guiffe au risque de passer pour un babache, plutôt que de l'ouvrir et prouver qu'in l'est.

Mi, j'y connos rin, alors je serre m'guiffe.

Et in plus PépéBé ! s'trompe, à ch'momint là les normes ASA, américaines, n'avaient pas encore été adoptées, ch'étot les normes allemandes DIN...et maintenant ché ISO, c'est simple non !!! C'était important pour le réglage du flash...

Ouais, infin, pour un qui serre s'guiffe, te l'ouvres un tiot peu quind même hein... garchonal!

...........T' as tout à fait raison Fiersois, ch' est bien des ISO..
. J' m'y perds ! ! ! .....Min flash est tout automatique, même qu'i suis l' angle du zoom ! ! !
.....Ch' est un Speedlight CANON, i coûte bonbon ! ! ! !

Photo des frères Lumière prise in 1910 à la Ciotat.

Ch' est pas bieau cha? ? ?

. J' ti la qui ferme s' guiffe i dit jamais d' connerie. Comme dijot l' secrétaire d' Mairie d'min villache.
" Discutons,discutons, de la discussion jaillit la lumière"

Brun, incore un messache de perdu parce qu'i s'a timponné avec un qui arrivot d'ailleurs.

Du coup j'arcomminche... Ch'étot au sujet de l'photo in couleurs.

Je dijos que ch'est incroyape et que j'ai appris eune séquo aujourd'hu.

Et cha, cha a été fait avec de l'fécule de penne tierre? Is avottent vraimint du génie ches gins-là.

Et cha qui m'a fait eune drôle d'impression ch'est de pinser que chu cheule photo, i n'a pus personne qui a du mau à ses dints à ch't'heure. Même l'tiote. Ch'est rare pour eune photo in couleurs, alors que ch'est courint pour des in noir et blanc énon?

. In s'cultife ichi ! ! ! Ch' étot des gins incroyapes qu'i avot dins l' temps. Commint qu'is zont eu l' idée d' utiliser l' fécule d' patate... Is zont fait des photos in dirot des oeuvres d' art ! ! !