Eune recette ed gauffes liegeoisses pour 10 personnes ( même des goulaffes)

Y faut:

-1 moule à gauffes aveuc des gros trous ( gauffrier à l'electrique cha marche aussi)

- 1Kg ed farine blanque, l'plus simpe.
- Presqu'1 lite ed lait tiede ( nin trop caut sinon l'levure elle va tourner sin nez)
- 5 oeufs d'glaine qu'in va séparer les blincs des jaunes.
- 40g ed levure fraique ( cha s'vint in tiots carrés ed 42 g... in n'fait nin d'menoules pour les 2g ed trop)
- un tiot peu d'cannelle in poute
- 4 patchis ed chuc vanillé.
- 400g ed bure à mitan salé et ramolli ( faut nin l'dire à sin docteur)
- 400g ed chuc perlé ( que ch'est du chuc in tiotes boules comme des grêlons)...là auchi in n'dit rien à sin docteur, d'autint pluque que ça s'vint par 500g et qu'à forche ed d'hochener l'patchi, tout y'a tché dins l'plat!


In va cminchi à délayer l'levure dins un bol ed lait tiède ou frod

In fait monter in neiche les chinq blincs d'oeuf qu'in va mélinger au reste tut duchemint , in saquint s'linque tout cron au coin de s'bouque pour nin faire de l'bouillie.

Pour l'bure, y faut foque el faire ramollir mais pos l'fondre tout caut ( ch'est meilleur pour el goût)

Eune fos qu'in a fait tout cha, in mélinge tout FOQUE el chuc perlé !

In laiche monter au caut 1/2 heure...

Pis ch'est là qu'in met 400 ou 500 g de chuc perlé et in hochène tut duchemint aveuc eune cuillère ed bos.

In peut cmincher à cuire: Y faut foque 1 cuillère à soupe par gauffe, cha s'étale dins l'gauffrier mais nin en rectanque, cha reste un peu in rond.

Si in d'a assez d'joquer et qu'in veut nin y passer l'soirée pour tout cuire , in peut aussi garder un tiot peu d'pâte à cuire pour el lendemain.

En principe cha s'conserffe eune semaine si y'a pos trop d'goulaffes dins l'coin.

Bon appétit

merci Mérilou pour t'bonne arcette! j'voulos justemint, ech'apres midi faire des gauffes, sul'coup, té m'donne eune bonne idée de l'faire ainsi, et comme té dis"cha s'garde eune semaine"......bin pas a m'mason, ché des sacrés goulaffes ichi, mais bon, vaut miux avoir des goulaffes que d'aller a tout bout champs amont d'ech toubib!

Je n'd'ai mingé i a pas longtimps des gauffes comme cha et ch'est drôlemint bon avec de l'confiture ou bin de l'pâte de spéculoos (histoire d'rajeuter des calories) ...

Té va donner des drôles d'idées à Babette!

Si te bourre les trous des gauffes aveuc de l'pâte speculoos ou bin de l'confiture, j'pinche que t'jupe plissée elle va devenir eune jupe droite et te va finir par aller amont d'ech toubib comme elle dit Babette! ou bin non.. te sera fin bénaiche aveuc l'chuc des gauffes qui guille su tin menton.

Allez.. demain in cminche el régime... demain ou bin après le wouiquinge ? ou ptête après les vacances....
Ch'est si bon eune bonne gauffe!

Merci Merilou pou l'arcette des gauffes, on va s'pourlequer sec
j'vais faire cha pou mes tiots infants ché un vrai régal.

Merci Mérillou cha ch'est eune rute idée ichi j'in connos qui vont faire bonne chaire

Mérilou, j'ai rajeuté, dins tin sujet, l'photo d'chés bonnes gaufes

merci tiote belotte , in mettant el'photo, cha mets plus l'gauffe a s'bouque, hummmmm ! un régal, y'a pus gramint d'gauffes din m'boite, cha proufe qu'ale étotent bonnes! et j'a fait, pour les accompagnées, del'glache caramel au rhum, framboise, et vanille. Sont pas malheureux hein, am'mason!

J'ARRRRRRRRRRIIIIIIIIIIIIIIIIIIFE !!!!!!!!!!!!!!!!!!!!!!!!

Cha a l'air d'être bon des gauffes ainsi.

Et pis ch'est vrai qu'in peut évintuellemint boucher les trous avec eune séquo de léger. Ch'est eune bonne idée cha!

Eune madame chuchuc toudis au régime pour pouvoir continuer à être ridicule dins les habits de s'tiote, elle a drot d'in minger combien de grammes d'eune gauffe ainsi?

Un trou?