cha m'rappelle quind j'étos jone, quind quequ'un dijot hein ? in répondot :
"DEUX, min cat i a deux queues, eune verte et eune bleue"
pourquo in dijot cha ? et pourquo verte et bleue ?, j'in sais rin du tout...
si quequ'un à l'réponse ?
v'la chi eune aute inquête pou ti Flersois...

T'essaie incore ène fos de m'faire sortir du festival de canne de Bray-dunes, l'aute y va incore rouspéter. Pour qu'il soit contint, j'diros que quint y'a gramin d'monte pour vir les starlettes sur l'plache d'Bray-Dunes, les gins y doivent s'mette sur deux queues, ène verte et ène bleue, chè suremint l'origine de s't'expession

Ah ouais ? Et pou ête dins l'queue bleusse i faut avoir des rhabillures bleusses ? Pis vertes pou l'queue verte ? Ou bin avoir eune pleume de l'bonne couleur su sin capieau d'solel ? Dins c'cas là nou grind chef à pleumes i pourrot pas y aller au festival de cannes à Bray Dunes pace que ches pleumes à li alles sont d'toutes les couleurs...
et l'cat dins tout cha ?

Citation :

et l'cat dins tout cha

J'vos pas... Y'avot bin ène starlette qui s'appelot "Jessica"

Jessica ....??

Ah oué chelle qui éto marié avec " Èdetchien "

Désolé

Citation :

Ah oué chelle qui éto marié avec " Èdetchien

Ouais mais après elle a partie avec "Gétrokiens"

Pour Batisse, j'arvins d'auchanroncq, j'ai appris qu'il y avot incore des femmes qui sont là depuis l'ouverture...mais j'dos aller l'matin pour in savir plusse.

Hé bé! cha dot ête des visses guernoules à ch t'heure!

Mi aussi j'ai fait l'ouverture de auchanroncq..Mauvais souvenirs! j'étos tiote, m'famile elle a essayé d'm'incriquer dins le chariot d'ù qui a un sieche et des trous pour qu'les gambes des tiots y déhuttent.
Ch'étot à côté de l'majon, in a été vir, personne y conaichot ce ginre ed magasin... j'cros qu'in a foque acaté 1 kg de carottes et in est vite artourné chez l'épicier du coin...mais Batisse y a été à l'ouvrache pindint ses vacances ( y mettot des bouteiles dins les rayons) ... et même Matante ( elle vindot des couques).

Citation :

l'mariache est prévu l'même semaine que l'prince de Monaco..

Et il s'ra célébré par l'abbé Desquiens, au Mont des Cats..

In in fait tout un fromache de c'mariache au Mont des Cats ! l'aute jour l'moine Lamimolette a donné eune interviouve à l'télé, i a arçu l'presse spécialisée, tout cha avec l'sourire, faut dire qu'ch'est eune bonne pâte c'moine Lamimolette !...

te l'connos personnell'mint?

L'ami Molette, ch'étot nin l'garagiste?

tiote bellotte a écrit:

In in fait tout un fromache de c'mariache au Mont des Cats ! l'aute jour l'moine Lamimolette a donné eune interviouve à l'télé, i a arçu l'presse spécialisée, tout cha avec l'sourire, faut dire qu'ch'est eune bonne pâte c'moine Lamimolette !...

Y'a justemint aujourd'hui l'présentation d'ène nouvelle bière trappiste qui s'appelle : Mont des Cats.

oauis y nn'a tout un article dins la voix du nord de ch'matin...

De quo que te causes tisaute?

batisse a écrit:

Bon, je chus à la bourre. Je serre min manicraque et je m'in vas ouvrer.

Je te confie l'inquête Flersois...

Te vos bin, in continue l'inquête

Te continues l'inquête? Quo que te caches à savoir à ch't'heure? Tout chu l'chuche mourette, les tututes, les chuchottes (les vraies et les fausses), l'bière du mont des cats, les habitutes alimintaires des guernoules flaminques, qui qu'i a gagné au beach volley et quo qu'elle voulot te dire avec ses dogts in v à l'invers?

Tout cha ch'est parti d'un sujet sérieux au sujet d'eune animation pour Bray Dunes et ses mouettes (et champs donc).

In ne peut nin vous laichi deux mineutes sins surveillinche vousautes. In se crorot arvénus du timps de l'école.

Allez, récréation

Citation :

mouettes (et champs donc).

Elle éto pos facile à placer celle-là, mais t'as réussi.. Bravo.

N'applaudis surtout nin malheureux... je me sins capape de faire grammint pire...

D'ailleurs, tchand qu'i a eune paire d'ins te passos l'frontière, les douaniers is te causottent de mi et je me deminte si que te le savos.

Is dijottent "i a pas pire". Cha avot bieau être des flaminds, je comprenos quind même. Futfute hein?

Qint t'avos donné paspires, ils devaient te réponte: danku

Is parl'tent comme cha chés Flamints?
Ch'est pas biau hein!

Ouais. Leurs guernoules aussi. Ch'est incore pire.

Ch'est un tiot peu comme le suisse allemind ou l'allemind suisse, je ne sais nin commint qu'i faut dire.

I fut un timps je voyageos in avéon et, vu d'ùche que je crêche, in partot souvint de Bâle (un sacré trou), au crojemint intre la France, l'Allemagne et la Suisse.

Des fos in montot dins l'avéon de l'swissair et, vu qu'in connochot les consignes de sécurité par tchoeur, in arwetchot les autres séquos à vir alintour.

Des fos i avot des hôtesses qu'in se dijot in nous mêmes que ch'étot des bieaux rojins etc etc. Bon, in étot cha plus jones aussi. Et pis bon, in ne faijot qu'arwetchi, ch'est nin défindu énon?

Le suspince ch'étot de savoir si qu'elles étottent francophones ou teutonophones.

Eh ben je peux vous assurer qu'eune bielle guernoule avec tout cha qu'i faut là d'ùche qu'i faut, eune fos qu'elle se met à causer sin dialecte guttural, cha a un effet comme qui dirot bromuresque!

Infin bon, in est incore eune fos partis loin de Bray Dunes.

Mi j'arvins à not sujet: Bray-Dunes, l'dernière fos qu'j'ai été là-bas, j'ai vu ène plache pour faire ch'festival, ène vielle batisse qui dot bin avir 62 ans , qui a pu d'panne su sin tôt, mais qui pourrot incore servir

Pffftttt

batisse a écrit:

Pffftttt

te dégonfèle?

Brun, j'ai répondu trop vite.

Mi, l'dernière fos que j'ai été à Bray Dunes, je me chus fâché avec ch'patelain.

D'après les panneaux, impossipe d'approcher de l'mer si que t'es nin riverain.

Du coup j'ai été à Malo et ch'est là que j'ai mingé des moules.

Donc, rectif, le festival de Bray Dunes aura désormais lieu à Malo au lieu de Cannes.

Ch'est clair?