batisse
Sexe : Date d'inscription : 22/12/2009 Messages : 5194 St Dié dins les Vosges
| Sujet: Fin de course Dim 22 Mai 2011 - 14:23 | |
|
Fin de course
L'autre jour j'ai assisté à un bin bel effort Qui m'a émerveillé et dont je vas vous causer. Pour l'première fos de m'vie j'ai pu accompagner Les coureurs à vélo d'eune course qui grimpot fort.
Bin sur in ce qui m'concerne, j'étos nin in vélo Mais chu eune mobylette, à donner un cop de main Aux organisateurs pour protéger l'quemin Où passot l'caravane et surtout les vélos.
L'consigne ch'étot d'attinte là d'ùche qu'in protégeot Jusqu'à ch'qu'in voche passer la camionette balai, L'ingin qui récupère les coureurs attardés Qui arnonchtent à courir après l'reste du troupieau.
Eune fos que cha ch'est fait, in armonte toute l'course Et in file in avint, vers un autre point barrière. Des fos dins les zig zags in reste au tchul de l'course Le peloton prind tout l'route, du coup in joque derrière.
Et tchand qu'in est bloqués, in arwette quo qui s'passe Et in vot des séquos comme in vot à l'télé Dins l'groupe un bras qui se lèfe et eune auto dépasse Pour aller arringi l'séquo qui s'a passée.
Mi j'ai trouvé cha bin, sacrémint bin rodé. Jusqu'à ch'que je découvre que tchand que l'course s'étire I a nin assez d'autos, et là in a bieau dire, Ceux qui sont par derrière s'artrouvtent bin isolés.
Et grâce à cha j'ai vu des nin chimpions suer Peiner comme des forçats pour réduire la distince Jusqu'à l'ligne d'arrivée, la ligne de fin de souffrinces Tout au bout d'un parcours avec grammint de montées.
In fait à un momint, guettint l'camion balai J'ai vu les gins partir et le trafic arprinte Du coup j'ai décidé de protéger les derniers De lu faire eune escorte, lu mettre du baume au vinte.
Is étottent loin derrière, mais is roulottent incore Sins télé sins commissaires, vraimint tout seus chu tierre. La moto devint eux lu a donné du nerf Et in a rattrapé quelques autres peinint fort.
Je me mettos pour qu'is peuttent coper tous les viraches Comme les chimpions de devint, qui suivottent les gindarmes In s'organisot bin, in se donnot du courache Min klaxon i cauffot, in affutot nous armes.
Cha arot pu durer ainsi jusqu'à la fin Mais dins le groupe i n'd'a un qui s'a tint pris au jeu Qu'i a fait eune écapée, qui m'a foutu dins le brun Vu que je veyos pus le reste du groupe de tcheue !
In a restés à deux jusqu'au bout de la course Ch'est à dire eune bonne heure. In a pris des averses In a pris des virages à se donner la frousse J'ai fait du bruit comme dix pour nin qu'in le rinverse.
Dins certaines montées j'ai cru qu'i allot craquer Mais li i tirot s'lingue, eune goutte au bout de sin nez Et i continuot. I voulot terminer. Sin bidon devot être vide, i a un tiot peu mingé.
Ch'étot nin dur de vir qu'in étot très à l'bourre Des gins étottent surpris de nous vir incore passer Mais is applaudissottent, des fos du fond de lus cours Ainsi incouragé, le forçat continuot.
Le derni kilomètre a été le plus bieau I avot incore du monte et mi je klaxonnos Pour dire qu'in étot là, pour dire qu'in arrivot Tchand qu'i a passé l'ligne, mi je li ai dit chapeau
Tout cha pour dire mes gins, que ch'est très importint Pour nous les pestaqueurs de nin être inhumains Et d'applaudir plus fort les coureurs attardés Car i lu faut du cran pour atteinte l'arrivée. |
|
Roger
Sexe : Date d'inscription : 17/12/2009 Messages : 1281 Henin Beaumont
| Sujet: Re: Fin de course Dim 22 Mai 2011 - 14:55 | |
|
ch'est un bieau poème! ch'est vrai qui zont du mérite. plus que chés footballeux! Ch'est d'ti Batisse? |
|
batisse
Sexe : Date d'inscription : 22/12/2009 Messages : 5194 St Dié dins les Vosges
| Sujet: Re: Fin de course Dim 22 Mai 2011 - 15:02 | |
|
Ouais, je viens de l'faire, mais cha fait eune semaine que j'in avos le projet.
In fait cha fait eune semaine que j'étos motard au tour du Jura. 3 jours de course et des grimpettes invraissimblables. I faut vraimint in vouloir! |
|
flersois
Sexe : Date d'inscription : 27/11/2010 Messages : 1886 Belgique
| Sujet: Re: Fin de course Dim 22 Mai 2011 - 22:42 | |
|
Et t'oses deschinte aussi vite que ché vélos, mi j'n'oseros pos...sur route mouillée incore moinsse.... |
|
tiote bellotte
Sexe : Date d'inscription : 22/12/2009 Messages : 3111 Dins le beaujolais (69)
| Sujet: Re: Fin de course Lun 23 Mai 2011 - 9:13 | |
|
Mi, même in vélo avec des tiotes roulettes su les côtés, ou bin in trottinette, j'oseros nin ! Eune fos j'ai fait l'mont Ventoux... in carette, j'suos rin qu'de vir chés cyclistes grimper et j'avos eune sacré troulle rin que d'les vir deschinde à toute berzingue, in copant les viraches et in rasant chés bords d'route pou treuver l'meilleure trajectoire !
|
|
pistouille2
Sexe : Date d'inscription : 11/04/2011 Messages : 214 la seyne sur mer
| Sujet: Re: Fin de course Lun 23 Mai 2011 - 9:40 | |
|
Moi je fais du vélo d’appartement il y a moins de risques :escargot: :escargot: |
|
nounours-94
Date d'inscription : 27/12/2009 Messages : 1567 Bolbec (76)
| Sujet: Re: Fin de course Lun 23 Mai 2011 - 10:02 | |
|
cha m' rappelle une histoire d'infance. j'ai eu un mini vélo cha n'a pas fait granmint fureur d'abord pour frainer i fallo pédaler in arrière in avo eune espèce d' tambour. i avo eune particularité ché qui s' pliot i suffisot d' desserrer l' manette au miyeu. mi cha m'amuso sauf qu'un cop l'ayant mal arserrer,j'em sus arteuvé les 4 fers à l'air au mitant d'el route in allant aller quer du toubac pour min père. |
|
Loconno
Sexe : Date d'inscription : 12/04/2011 Messages : 137 Bas Pays
| Sujet: Re: Fin de course Lun 23 Mai 2011 - 10:17 | |
|
Cha m'rappelle inne anecdote qui m'a arriveye quand j'm'inallo travaillé à l'usine ed mazingarpe l'été quand j'éto étudiant !! Coute - chi ........ J'min allo ed Noeux les Mines a vélo par ché camp jusqu'a l'usine chéto in 1964....d'in coup ej\' vo arriveye ed 'su ell voyette inne moissonneuse batteusse vindiouss elle preno tout largeur del voyette que j'ai du rintrer d'in ch'camp pour elle laiisé passer ........Inne paire ed jours aprés ej\' roulo fin peinard et même que j'em deminte si ej\' sifflo pon ?? V'la que j'intin un bruit ed diappe du coup j'arrpinse alle moissonneusse bateusse !! ej\' freine ed ché 2 freins v'la que l'arrière y casse pu que les frins avant du coup em v'la valdingué aud'zeur ed min vélo ej\' qué d'su l'dos pi ch'rattrappe vin vélo qui allo quer d'su tiète .......In rattrapant ej\' vélo ej\' vo ej\''train qui passe au d'zeur de ch'pont ....Bébête que j'em dit ?? ej\' bruit chéto cha !!!!! |
|
batisse
Sexe : Date d'inscription : 22/12/2009 Messages : 5194 St Dié dins les Vosges
| Sujet: Re: Fin de course Lun 23 Mai 2011 - 10:27 | |
|
Au moins te savos que t'avos pus de frein arrière pour continuer t'route.... cha t'a peut-être sauvé la vie à un crojemint |
|
batisse
Sexe : Date d'inscription : 22/12/2009 Messages : 5194 St Dié dins les Vosges
| Sujet: Re: Fin de course Lun 23 Mai 2011 - 10:30 | |
|
- nounours-94 a écrit:
- cha m' rappelle une histoire d'infance.
j'ai eu un mini vélo cha n'a pas fait granmint fureur d'abord pour frainer i fallo pédaler in arrière in avo eune espèce d' tambour. i avo eune particularité ché qui s' pliot i suffisot d' desserrer l' manette au miyeu. mi cha m'amuso sauf qu'un cop l'ayant mal arserrer,j'em sus arteuvé les 4 fers à l'air au mitant d'el route in allant aller quer du toubac pour min père. Je me deminte si que cha n'existe nin icore des vélos pliapes, qu'in peut facilemint ringer dins s'n'auto ou dins sin camping car. A part qu'à ch't'heure is sont rudemint laids, avec des toutes tiotes roules. In tous les cas in lijint t'n'histoire je me rinds compte qu'au pays des libertés i a eune autre séquo qu'in ne peut pus faire: invoyer un afant cachi du toubac ou des boissons alcoolisées pour sin père! Ch'est un tiot peu stimuler le vice in se voilint la face énon? Parce que des séquos à funquer ou à siffler, is in trouvtent les jones. Et ch'est raremint du toubac ou de l'pichate. A l'occasion is font les poques des parints pour payer... Ch'est le progrès! In vit eune époque formidape... |
|