Tandis qu'el' vielle horloche tic-taque
Et guerlotte chelle soupe à l'oignon,
Chés infants s'amusent et tournent in rond
In s'culbutant sans souci d'chés taques.

Grand-père qui funque, toussotte et raque,
Grand-mère marmonne eun' oraison
Tandis qu'el vielle horloche tic-taque
Et guerlotte chelle soupe à l'oignon.

Abois d'chés tchiens, mugiss'mints d'chés vaques,
Grogn'mints d'eun' truie ou d'un cochon
Arrivent affaiblis dins l'mason
Avec el' bruit d'un gva qui ernaque*
Tandis qu'el vielle horloche tic-taque

Raymond Beaucourt (1867-1925)
"Poèmes du Vermandois"

*ernaque = renifle

Ché bieau, in s'y croirot, tic-taque ....tic-taque....