Z'allez ête trinquilles mes gins, demain j'm'invole pou l'capitale du Portugal... pou pus d'eune semaine.
Surtout soyez saches, et gintils avec Roger qui va s'artreuver tout seu' à tout faire....
D'toute manière asteur vos savez que les glaines alles ont l'oel à tout et que j'ai un tiot dogt qui m'raconte tout... pis avint qu'certains l'disent, j'sus eune grinde curieusse alors cha s'rot nin étonnant que j'vienne vos faire un tiot coucou si j'in ai l'occasion...

A dé mes gins et au cas où j'pourros pas l'faire in direct, j'vos souhaite un bon 1er mai et un joyeux anniversaire à ch'duc in avinche....

Armarque, te ne vas nin être trop perturbée par l'musique du linguache... is mont aussi des ch tout partout les portoches, comme les chtis

Bon voyache et, si t'as l'intintion d'aller faire trimpette à la mer, prinds un maillot de bains in grosse laine parce qu'au Portugal l'ieau elle est froite, même in été.

Si que te le fais, deminte à saint Toni de printe des photos. Et dis i bin qu'eune fos que t'as viré au violet, i est timps de t'artirer de l'ieau.

Ch'est eune espèce de bain marie, mais frod....

Té sais bin que mi j'ai querre que le bain marie caud !

Paraitrot qu'i a des centaines d'arcettes différintes pou l'morue, si in veut tertoutes les goûter in n'est pas rintré !!!
Si j'in minge tous les jours j'vas pet ête finir par savoir nager ?

In tous cas de l'ieau in va in vir, paraitrot qu'i pleut jusqu'au début de l'semaine prochaine...... j'vas prinde min ciré Berton

Allez à l'arvoyure........

Un bon voyage, et bos pos trop d'Porto...

J'te souhaite un bon voyage et d'passer de superbes vacances.
Pour mi i sont finis, j'comminchos à mi habituer... :escargot:

in va ete tranquille eune paire d' jours

merci tiote belotte et bon voyage

Elle va incore un jour pouvoir canter :Avril au Portugal
Par Julio Iglesias
:Par Yvette Giraud

Bonsoir à tertous
j'ai pas pris l'timps d'lire tout cha que vos avez écrit d'pis min départ mais j'voulos vos faire un tiot coucou "portugaiche"
Nous vagances s'passent bin malgré un départ qui aurot pu ête vite arvenu....
In effet min homme a oblié s'carte bancaire dins l'carette, incrinquée intre l'lecteur Cd et les boutons d'réglache...i s'in est aperçu à l'imbarquemint ! heureusemint que j'avos l'mienne dins min sac ! (d'pis des vagances au Canada qui nos ont donné queques sueurs frodes i a queques ans, asteur in a chacune l'notre, internationale, cha évite des contrariétés!)... in a quind même fait opposition su cheule carte obliée.... asteur i a pu qu'à espérer qu'in nos a pas brisé l'vitre de l'carette pour prinde l'carte, mais in verra cha quind in rintrera, in va pas commincher à s'faire de l'bile asteur !
Bref, in passe un agréape séjour malgré l'pleufe d'pis deux jours, d'main i paraitrot que l'solel arvient.
Ichi les gins sont très gintils et accueillants, in vot d'bielles cosses, j'fais eune cure de pichons, in a aussi goûté l'porto (avec Modération qui nos suit d'partout !)
Allez j'vos dit à bintôt
In est pas cor à minuit (ichi i a eune heure d'moinsse) alors j'peux cor vos souhaiter une bonne 1er mai.. (ichi aujourd'hui, in plus ch'étot l'fiête des mères... j'pinsos que ch'étot l'même date pou tertous cheule fête ?)
Eune pinsée amicale à tertous

bon, bin aveuc ché essplications qu't'as donné....si l'carte bancaire all avot pon été volée, achteur y a tous les rinseignemints pou l'faire...
allez....bonnes vacances!!

t'inquiète Camanette, té pinses bin qu'in a fait opposition tout d'suite, même si i n'd'a qu'is ont voulu l'voler, is n'pourrottent nin s'in servir......

sinon au Portugal in troufe cha :


pis cha :

que cha s'appelle des "pastel de nata et qu'in dirot vraimint de l'tarte au libouli, mais su de l'pâte feuilletée et ch'est saupoudré d'cannelle...
Alors avec chés pavés, chés tartes et l'parlache portuguais d'ù qu'i a des CH d'partout in s'croirot un tiot peu dins ch'nord-pas de calais...

Je te l'avos dit

"Cha ch'est paché oune dimanche, oune dimanche, au mois de Marche..."

Cha ardonne tout de suite eune deuxième jonesse à cheule canchon du timps passé énon?

N'impêche que dins les concerts, les premis rings is dottent être livrés avec des parapluies ou des capuches.

  mes gins
cha y est nos v'la arvenu à nou majon, asteur faut arprinde l'rythme... pis les bonnes habitutes alimentaires, bon cha s'ra pas cor pou aujourd'hui, min homme arprind foque demain, li, et c'midi in fait un tiot barbecue, chés tiots y ont querre cha et quind j'sus seule avec eusses, ch'est pas l'ginre d'truc que j'fais et is ont déja demindé si j'allos faire des pemmes tierre sautées avec chés saucisses... j'avos cuji des épinards et aussi bin m'n'homme que chés tiots is ont dit "ch'est meilleu' les pemmes tierre"... l'majorité l'importe ! 

alorsse chétot bien l'portugal? t'as bien mingé? te t'as pourléquée sec?

Ouais ch'étot très bin l'Portugal, comme té dis in a bin mingé et in s'a pourléqué sec, samedi au soir in a même mingé un gâtieau qu'in aurot dit un chtiramisu, ch'étot fait avec du café, du chocolat et des tiots gâtiaux qui avottent l'goût comme des spéculoos.... à m'mote que l'pâtissier avot des origines chti... 

Sinon pindant l'séjour in a aussi été acouter du fado, que d'habitute ch'est pas m'tasse d'thé, mais i avot deux canteux excellents accompagnés par deux guitaristes non moins excellents et in a passé un bon momint

Ouais in a artreuvé l'carte au même indrot d'ù que m'n'homme l'avot laissée, comme quo !,  ... ou bin personne l'a vue, ou bin is s'sont dit, à juste titre, qu'in avot du faire opposition....
N'impêche, dins l'avion j'me dijos "pouvu qu'in artrouffe pas chés vitres brisées", à 1 h au matin cha n'arot pas été drôle !...

A quelle heure que cha arot été drôle alors?