mes gins, c'matin j'me sus cor rétalée !
j'allos su m'terasse secouer chés miettes de l'nape au d'sus de l'tierre, j'me sus pas méfiée car i avot un tiot rayon d'solel, seulemint ch'étot verglacé et j'sus partie les 4 fers in l'air, sins avoir eu l'timps dire ouf, j'ai débaroullé dins chés escaliers, heureusemint i n'd'a qu'tros !!
min homme est v'nu m'aider à m'arlever, résultat j'ai foque un bieau bleu su l'cuisse gauche, j'm'in tire bin !
heureusemint qu'j'ai pas prévu eune mini-jupe pou l'soir du reveillon !!!... eune amie v'nue 10 mn après m'a demindé si j'avos l'nostalgie d'mes béquilles d'l'in passé et que j'devros pet ête les sortir du placard...

Mi, j'ai passé m'matinée à essayer d'dégivrer l'serrure d'l'auto d'min garchon ! Li i pose des panneaux solaires in Belgique (même in timps parèle !) d'pus 2 jours i va travaller à pids(...jusqu'à l'camionette qui l'immène à l'étranger) parc'que s'serrure elle est bloquée. Ch'est beau l'modernisme. S'voture elle a 7 ans et l'système d'fermeture centralisé est cassé donc i utilise s'clé comme avant. Seulemint, avec el modernisme i a qu'un' serrure qu'in peut ouvrir avec el clé, celle de l'porte du chauffeur et quind elle est ingelée bin in reste déhors ! Li i patine su' les trottoirs à 5h30 du matin et comme i dit : i faut avoir l'sens de l'équilibre pour nin tomber ! :hiver:

quanqu'in vot al télé l'neiche et ch'verglas in s'dit qu'in a del chance !..... mais l'hiver i est pas fini.
Du que j'reste, j'vos de m'ferniête ed cuisine l'côte qui déchind sur l'villache d'in bas ; alors j'guette l'matin ches premiers phares ed voitures pour vire à quelle allure cha roule ou bien si cha brile fort sul route, j'ai min rapport ed météo vite fait ainsi.