S'mette su un neuache et rêver.
Chaque matin, in s'el'vant,
s'arvéti dins l'miroir du bonheur.
Tchand qui fait bieau... s'frotter
conte l'solé pou récauffer sin tchoeur.
Ringer sin tricot dins un tcheu du ciel bleu.
S'ruer dins l'puche d'la Liberté
pou rafraichir es n'espérance.
S'mette dins un bain d'rosée
pou laver ses idées noires.
Fuir les soïeux et les soïeusses ;
Tout faire pou n'pos dev'nir comme eusses.
Pidouler d'timps in timps dins l'rucheau de l'djaîté.
Paï ses dettes inveuque des baisses
Et rimbourser l'z'imprunts inveuque des mots d'amour.
Savoir rire de s'misère
et braire pou cheule des autes.
Tout faire pou réussir,
mais tchand qu'in a perdu,
s'efforchi de s'prouver
qu'in a tout d'même gaini !
Et si après tout cha in est core dins l'misère,
Ch'est que l'bonheur, brafes gins,
y n'est pos su la terre.
Jean-Théophile GATINEAU
Veillée patoisante