Bonjour Tertous,
j'viens vous dire qu'in va bien d'pis l'temps que j'sus pas v'nu, Solan?e a été opérée début janvier d'sin pied, ch'est eun' affaire qui date d'pis l'mos Mai dernier, ale avot cassé l'maléole externe d'sin pied gauche mais is z'avotent pas vu qu'sin talon i étot cassé aussi, i y a minme in toubib qui l'a traité d' "chochotte" (j'étos là donc j'l'ai intindu) passe qui l'y avot fait du mau lors d'une consultation et ch'est li qui a rien vu s'qui avot à sin talon que C..  ch'ti lale. Ale a restée six s'minnes sans poser sin pied par terre donc, eun' chaisse roulante et ch'est mi qui poussot. Bref cha y est avec des béquiles ale ar'marche tout duchemint.
Mi d'min côté j'sus rintré à l'clinique diminche dernier pou élargir le stent que j'avos déjà et qui s'étot ar'bouché, cha y est et j'ai pus d'mau à min mollet, j'va ar'quemincher à randonner tout duchemint in attindant d'vire du côté de m'n'anche qui m'imbète aussi passe que j'sus pas monté à ch'Pic St Loup d'pis pas mal d'années avec tout cha.
A part cha tout va bien.
@ plus vous z'aut' et baisses à tertous.

Salut Loumarcel
Cha fait plaisir d'eut' lire malgré qu'les nouvelles ont pas toudis été bonnes
J'vous souhaite in bon rétabliss'mint à ti z'autes deux
Vous allez vous armett' pou l'bon temps qu'i arriff' et vous pourrez argaloper dins ché tiot but' ed' terre, ha wouaih ti t'appelle cha des Pics, mi j'connot que ceux d'eul fosse et in mont' pas d'ssus pa'ce que cha pique d'où sin nom, je n'sais nin commint té fait et dire que ché du sport : Monter su in Pic du sport laisse me rire
Allez blague à part arfait' vous in'ne bonne sinté
A bintôt
Cauchette

Ah, des nouvielles du plus sudiste des nordistes, cha fait plaiji.

Je chus désolé pour Solan?e qui a incore eu bin des ruses! Pourménée in cayelle à roulettes par Marcel, qui a du décider d'aller à des indrots d'ùche que Solan?e elle voulot nin, comme chinq fos par jour à l'boulingerie des bielles miches, j'imagine cha d'ichi. I a du y avoir de l'imbiince....

Allez va Marcel, te vas bétôt pouvoir armonter chu tes montanes et je chus contint. Te dos être bénache de pouvoir raller (avec 2 l parce que pour le un seul l t'as nin du arrêter) là-haut pour minger du saucisson et boire du rouche avec tes copains de crapahute.

Mi je chus à nouvieau grind père, pour l'huitième fos, depuis avint hier. Tcheu bieau afant qu'elle nous a fait m'file! Elle a fait cha à Dijon et, forchémint j'y chus allé. A ch't'heure je vas artourner à mes travaux de plâtrerie dins m'chimpe. Je chus éffaré de vir le désastre que le sagouin prédécesseur i a laichi planqué in-dessus du papi. A m'mote qu'i a plâtré sins raclette.... Tcheu dallache à rattraper!