Je suppose que ch'est parel pour vousautes: au puq que cha va, au puq qu'i a des djones alintour.

J'ai déjà eu des armarques dins le ginre "ouais mais ti t'es viux...". Cha a comminchi par min tiot fils qui a un jour demindé à sin père si que du timps que j'étos djone i avot incore des dinosaures! Z'avez qu'à vir.

Bon, ch'est comme cha, l'roule elle tourne et in n'y peut rin.

Et dtaleure à table, in train de minger j'ai pinsé à min grind père paternel. Je ne sais nin pourquo. Ch'est venu comme cha et je me suis mis à estimer l'âge qu'i aurot si qu'i vivrot incore (i est mort je devos avoir eune quinzaine d'ins, ch'est l'premi mort que j'ai vu, pindint s'toilette in puq, des séquos dont in se souvient...).

J'ai jamais été fort in histoire, même familiale, mais i m'est d'avis qu'i dot être né dins les années 80. Cha veut dire qu'i arot alintour de 130 ins, au moins.

Cha fout le vertiche énon? Min père i arot eu 100 ins ch't'année. Cha non pus cha ne rajeunit nin...

Bonjour vous zautes ! Mi ch'est à peu près parel, dins plusieurs situations :
Quand qu'in est avec des plus jones qu'nous, j'armarque qu'in fait attintion  à mi pace que j'arrife pas assez vite, ou in m'dit, r'garde y a d'quo t'assire .... etc
D'timps en temps j'ai des douleurs par chi, ou par là et comme j'ai soigné m'maman long...longtemps
j'fais l'comparaison. 
Je m'pose l'question au même âche ale faisot déjà pus cha, elle avot b'soin d'mi. Et là j'me dis qcha va
pas mal pour mi, malgré mes vieles douleurs.
Pour ches tout jones leu questions sont directes : genre comment tu faisais quand y avait pas la télé, le téléphone (ah la la ch'fameux tél tablette et compagnie) et si j'réponds pas tout d'suite pour n'importe quo : oh la la mamie tu es vieille. 
Ben ouai ch'est comme cha, l'reule ale tourne pour tout l'monte.
In tout cas, bon week end à tertous.

Ouais, mi ch'est un tiot peu parel. Tchand que je compare cha que je fais et cha que mes aïeux is faijotent au même âge, je chus contint.
N'impêche que tchind que je vos quelqu'un avec un déimbulateux, cha me fait peur. Grammint...

Et cha nous pind peut-être au nez. Je préféreros laichi des meilleux souvenirs te sais