J'ai eu min compte d'euh!

Je ne sais nin vousautes, mais mi cha m'use tous ces professionnels de l'communication orale, qui ne savtent nin aligner tros mots sins dire euh.

Et ch'est nin pour cafeter, mais cha comminche au plus haut de nous faune politique. L'crême de l'république. Vous me direz, cha fait de l'crême aux euh! Et i a vraimint grammint trop de journalisses causint dins l'poste ou à l'télé qui ferotent bin de s'acouter de timps in timps. Ou d'observer les gins qui les acoutent.

Blague dins le coin, avec l'actualité qu'in vient de vivre, in a passé des journées intières à intinte des journalisses "couvrir l'événemint" in causint de rin pindint des heures. J'ai grammint pinsé à Coluche qui, li, a osé lu dire que tchand qu'in n'a rin à dire, i vaut miux serrer s'guiffe. Parce que question couverture d'événemints d'ùche qu'i ne se passot surtout rin, ou au sujet desquels is n'étotent nin surs de cha qu'is dijotent, in vient d'être servis.

Tchind qu'in sait qu'is racontent de travers cha qui est vérifiape (par eximple qu'in dit Dommartin in Gohelle et nin Dommartin lez Gohelle), in imagine les cacoules qu'is dotent sortir et qu'in ne peut nin vérifier.

Et pis cheule manie de euh tous les tros mots, ch'est vite insupportape. Mi je coupe in bertonnint. 

Je pinse que dins les écoles de canteux in apprind aux élèfes à canter. Alors pourquo que dins les écoles de journalisses in ne lu apprind nin à causer?

Cha m'énerfe. Oh que cha m'énerfe!

Bon réfléchiss'mint Batisse mais cha ser à rin de t'nerf, car autremint te vas ête malat'

bon té veux pas d'omelette ? bin fais des oeufs au plat
(bon ch'est vrai, ch'est agaçant des fois chés heuuuuuuuu)

euh.... tout cha ch'est de'l faute a chés  prompteurs , ch'est pus aisé d'lire un tésque ; j'avoais r'marqué étou qui y avoait gramint de  " euhh" quanq ch'étoait in direct ; ch'est normal is busi'te avint d'berdler ; pour pont dire ed craques ! adon ; Pernault i sin sort putôt pas mal pour quéqun qui oeuve a l'inciénne (sans prompteur) !!!  ahhh ch'est un m-metier !!! 

T'as raison Batisse, j'sus d'accord avec ti sus toute la line, in plus is aurot'ent dû dire certains trucs ed pis belle lurette, is s'étonn'tent à ch't'heure de s'qui s'est passé (pas mi), is commentent sans savoir in plus, mais personne n'a cor dit que l'6ème colonne étot d'jà in France, mi cha fait plusieurs années que je l'dis, et j'serre m'guiffe, pass' qu'ichi in a pas l'drot. 
Mais aujourd'hui j'cros qu'j'ai l'drot de l'dire et cha s'ra toute.

EEEEEEEUUUUUUUUUUUUUUUUUUUUUUUHHHHHHHHHHHHHHHHHHHHHHHHHHHHHHHH

Cha n'est un d'Autruche pour canger

Bon Appétit

 

EEEEEEEEEEEEEEEEEEEEEEEEEEEEEEEEUUUUUUUUUUUUUUUUUUUUUUUUUUUUUUUHHHHHHHHHHHHHHHHHHHHHHHHHHHHHHHHHHHH

Désolé Batisse j'ai pas pu m'in impêcher

J'me sauve

Ouais d'accord avec vous ch'est pénipe parfois les  heu  ou bien euh cha dépind 

mi ch'qui m'agace ch'est quanqu'in lance à ch'journaliste qui li est sur plache : dites nous c'que vous voyez sur place !
 j'ai invie d'dire : pauffe diape i va répéter c'qui vient d'dire y a chinque minutes

Pour l'marche d'diminche à Paris j'ai vu eune vidéo du qu'eune parisienne du haut d'sin balcon a fait acouter Imagine d'John Lennon et l'foule a repris un coeur. Un bieau momint.

John Lennon i avot effectivemint trouvé les mots justes in dijint que si qu'i n'avot nin de religions l'vie elle serot bin plus bielle. In  peut rêver...

A ch't'heure i va falloir faire attintion. L'mode elle a vite pris de dire je suis charlie. I va falloir faire attintion à qui in suit après cha.....

J'aime bin cheule canchon-là qu'i faut cliquer dessur, et tant pisse que le son i n'est nin pile poil chu l'imache

Ouais t'as raison Piegan, dins l'temps in s'tapot d'sus avec ses poings, i y avot des "bauches" (bosses) cha s'écrit avec un o mais l'site i veut pas l'printe i me met allemand , des bleus, quique fos du sang (eine leff' éclatée) mais souvint cha n'allot pas pus loin, in ar'étot camarat' après, mais à ch't'heure in va quer eine "qualache", (ravisez bien i y a l'mot LACHE dins ch'nom), ou alors des copains pour ête pus nombreux sus un seul gars et in tire à tout va, que courach' is ont ches gins là. Quand is sont tout seu, is ont la drisse.
Bon j'dis cha mais.......... car je n'sais pon si ch'est du politiquement correct.