Un baudet savant.

Sexe : Date d'inscription : 25/12/2009 Messages : 4646 Wimille 62126

L’ane savant.

. Nénesse s’promènot vélo dins l’campane aveuc sin camarate Maurice. I s’arrête d’vant un viux paysan , assis par tierre, appoyé conte un arpe, sin capieau d’pale rabattu d’sur ses yux. D’bout à côté d’li un ane , un ane bin monté qui mingeot des ortiles.
. « Dis grand père, vos savez pas l’heure qu’i est , j’ai obliè m’monte à m’mason. ?
. – l’viux bonhomme, sans s’arlièver, i souléfe les pran…nes du baudet in dijant. : I est 10 heures un quart ;fiu » stupéfait, Nénesse i artourne vers sin camarate qui argonflot sin vélo chint mètes pus loin.
. « Dis Maurice, j’viens d’déminder l’heure à ch’t’homme la bos, i m’a donné l’heure in tatant les coules d’sin baudet…..Que l’heure qu’i est ?
. – 10 heures un quart, répond Maurice in arguettant s’monte.
. Sciés, is étotent sciés tous les deux.Ch’étot l’heure exacte ! !
. « Acoute qu’i dit Nénesse, in va daller faire un tiot tour, in attindant et, in rapassant té li d’mand’ras l’heure à tin tour. »
. C’qui fut dit fut fit. Grand père i étot core à l’même plache.
. « Escusez nous si qu’in s’escusse pépère vous povez core nous donner l’heure ?
. – Bin ouais fiu, i est 11heures moins chinq, qui ardit l’viux in arsoulviant les choses d’la vie à sin baudet ! ! !
. Is étotent restés d’la, tous les deux, mais cha les intrigot……donner l’heure in soulvant les coules d’un baudet, cha s’vot pas tous les jours.
. « Ch’est un baudet savant qu’vos avez la grand père ! ! ! Vos avez mis gramint d’temps pour li apprinte à dire l’heure comme cha?
. – Nan ch’est pas cha, qui répond l’viux bonhomme. I in soul’viant les coules d’min baudet j’peux lire l’heure d’sur ’pindule d’la mairie qui est derrière li.
………………
Nota : : pour les puristes ..in prononche pas prannes mais …pran….nes.

Un baudet savant. 563562