Ch'est l'lo de l'inquiquinemint maximum. J'avos mis un autre mot mais à m'mote qu'i arot été arjeté par l'hébergeux du site.

Ch'est eune lo qui dit que tchand qu'eune séquo dot aller de travers, ch'est pile poil tchand qu'i ne faut nin. Je chus sur que vous avez tertous connu cha un jour ou l'autre.

In est samedi soir, i est 17h45, j'ai fini de netchi mes motos et de cruauder au gardin, deux séquos qui ne me font nin sauter de plaiji. Je rintre à min garache pour m'armettre in tenue propre et là, in saquint l'porte pour l'fermer, un grind bang, même que j'ai été saisi! Heureusemint, je ne chus nin infermé déhiors...

Bref, ch'est eune porte d'un bloc, qu'in monte et baisse, avec de l'compinsation d'effort par arsorts chu les côtés. Un système un tiot peu barbare i faut dire. Eh ben cha a choisi ch't'au soir pour rinte l'âme. Net à l'heure que l'magasin du fabriquint, à eune dizaine de bornes, i ferme. Des fos qu'i arot l'piche, in peut rêver énon?

Cha a cassé d'un côté et l'autre côté i est vraimint tout près de printe le même chemin, d'autint qu'à ch't'heure ch'est li qui prind tout l'effort dins s'guiffe et que tchand que l'porte elle est fermée, les arsorts is sont tindus. Ch'système barbare d'accrochache des arsorts i est usé de chez usé. Demain i va falloir que je trouve eune solution avec les moyens du bord. Batisse i va incore juer les Mcguiver... Tcheu brun! J'avos d'autres projets mi vinguette!

In pourrot raconter nous expériinces avec cheule fameusse lo. Cha pourrot être comique énon? Des séquos qui arrivtent tchand qu'i ne faut nin.

Quo que vous in pinsez? Des séquos racontapes bin sur....

Qui qu'ch'est qui comminche?

Bin mi, ch'brun y vient d'arriver à ch't'heure.

Hier in fait chés commissions, aveuc Thérèse, et pour ine fos qu'in les fait insane, in acate ine boutelle d'apéro.

In n'acate jamais, ô nous connaichez bien, hein, mi, comme dirot Batisse, j'acate putôt du poif', mais bon, ch'étot du cinza... je n'sais pu quoi, et in plus comme y'avot ine promo, in a acaté ine boutelle d'un lit' ed'mi.

In rintrant, comme i étot pressés, j'dépose ch'sac à l'cave, bien applaché à terre, pour nin risquer d'cata...

Y'a pon un quart d'heure, j'm'in vas ringer tout cha.

Pour soulager mes viux oches, j'pose ch'sac sur ine vielle cayelle qui traînot par la, j'fais un faux mouv'mint...(bin ouais, mes douleurs, hein !)

V'la ch'sac par terre et j'vos du jus marron qui s'met à dégouliner.

Pon ine goute que j'ai récupéré !

Et in plus aprèsavoir ramoné tout cha j'sus à mitan pompette.

Mon diu, cha m'a coûté moins quer qu'ine porte d'garache, mais Quand même....



Ah, j'oublios... pour êt' in règle aveuc la loi:

L'abus d'alcool est dangereux etc...etc...

Oh brun, ch'est le jour! Je te diros bin de venir boire tin Cinzano (cha existe incore cha?) ichi, mais je n'd'ai nin. Armarque, in arot trouvé eune autre séquo à boire... Te connos l'Alsace? Dépêche parce que cha sint que je vas déménager bétôt, à priori vers l'autre côté des Vosges...

Rassure-te mononque, je ne vas nin chinger m'porte de garache... i faut foque que je trouve eune solution pour rimplachi un système de brun par.... un autre qui tiendra jusqu'au déménagemint!

Je viens d'aller vir, is n'ont nin fait dins l'dintelle: i a des points de soudure tout partout pour éviter que cha bouge/se desserre. Du coup pour démonter les restes, cha va être comique....

A m'mote que demain je vais téléphoner à des copains à mi, histoire de vir si qu'is ont des boulons assez énormes.... Pour l'instint j'espère que cha ne va nin m'impêchi de dormir.

Si j'ai bin compris, t'as t'pronne. Bravo! Bel eximple pour les jones qui nous listent....

Tcheu voyou ch'ti-là quind même....

. Batisse n'viens pas t'foute in dépression pour eune porte d'garache. J'sais bin qu'ch'est pas marrant mais tout finit par s'arringer dins la vie. I a bin des catastrophes bin pus terripes que cha. Faut t'faire eune raison,et surtout pas t'rinte malate aveuc cha.

In est tous aveuc ti.

Rassure-te pépé, je ne vais nin me rinte malate pour cha.

L'première séquo que je vas faire demain ch'est vir si qu'i a moyen de tenir cheule saloperie ouverte avec un bâton ou eune séquo ainsi, histoire que je peuche quind même sortir eune mobylette.

Déjà qu'elles sont propres....

batisse a écrit:

L'première séquo que je vas faire demain ch'est vir si qu'i a moyen de tenir cheule saloperie ouverte avec un bâton ou eune séquo ainsi, histoire que je peuche quind même sortir eune mobylette.

Déjà qu'elles sont propres....

Ouais bin fait gaffe que l'porte n'arqué nin sus t'mobylette in passant... ou bin su ton crâne (déjà que t'as pus d'caveux pou amortir l'chute !)

Bin mi cheule semaine j'ai failli restée à l'cour tout l'journée avec chés tiots, ou bin ête obligée d'casser eune vitre... in c'momint nou file est chez nosaute et elle part de l'majon juste après mi, faut donc que j'pinse à prinde mes clés pou quind j'arviens d'avoir accompagné chés tiots à l'école... bin jeudi, j'sus partie sins les clés ! gros momint d'panique quind j'min sus rindue compte ! Heureusemint l'porte côté cuijine n'étot pas freumée à clé, j'avos oblié d'tourner l'clé quind j'avos ouvert l'porte ferniête, des fos i a des oublis qui sont heureux !...

Nou momère elle dijot qu'i n'a que de l'veine pour les crapules....

J'pinsos qu't'allos nous raconter eune histoire d'pinche ! !

(Ch'est pas l'momint d'rigoler)

batisse a écrit:

Nou momère elle dijot qu'i n'a que de l'veine pour les crapules....

Mi m'mère alle dijot" Ch'est l'Bon Diu qu'i t'a puni !"

Bon, j'arviens du chantier.... j'abdique!

Déjà, in ne se rind nin compte de l'effort qu'i faut faire pour lever eune porte de garache tchand qu'in ne peut nin compter chu ses arsorts. Et incore, chu les 4 arsorts i n'd'a incore 2 qui saqtent, mais je vous assure qu'i sont à deux dogts de lacher aussi!

Bref, j'ai nin réussi à lever m'porte tout seu. Pourtint i va falloir un jour parce que ch'est tchand qu'elle est ouverte que les arsorts is sont les moins tindus.

Insuite, pour réparer i faut des séquos simples mais que je n'ai nin:
a) deux toles épaisses à décoper in triingle et à percer, dont un trou d'un diamètre qu'i faut des mèches et eune machine plus grosses que normal.
b) des vis épaulées d'un modèle et talle introuvables dins le bazar du bricoleux moyen.

Du coup j'ai été vir chu sin site au fabricant, qui habite nin loin, et j'ai découvert que le système i est incore proposé (pour les courageux qui savtent incore ouvrir eune porte sins eune télécomminte et un moteur éleuctrique). Du coup j'y ai écrit un tiot mot in li demindint si qu'i a moyen d'acater des piches d'archange.

Si i me dit ouais, le problème i sera pratiquemint "résout"
Si i me dit nan, j'irai vir un métalier et un quincailler et j'arai quind même cha que je cache.

Pour l'instint mes mobylettes elles sont prisonnières à l'intérieur de l'majon. Ch'est triste, vu qu'i fait bieau....

Tins, je vous mets des photos du brun:

Question bête mais pétète intéressante. T'as pas été vire sur internénette si t'as m'marque de l'porte, i a pétète des piièches d'arcanche? In sait jamais...
..........
Cha a l'air dète eune mécanique ginre "Rataque min tchien" t'porte,,,que brun in effet ! ! ! !

......

(Té connos pas un ancien résistant de l'dernière guerre qui arot core un tiot peu d'dynamite dins un racoin ?).

Un jour,j'arços un cop d'téléphone.

. "Allo!

. - Ouais

. - Ch'est mi ! ! !

(Chétot grand mère)

- Qu'est c' qui s" passe ?

- Té peux vénir m'dépanner, j'ai inclamé mes clés dins l'auto, j'ai freumè les portes sans l'faire esprès, 'peux pus les ovrir"

(Vos avez qu'à essayer vos autes vous n'y arriv'rez pas)

" J'arrrriffffe!!!! du qu'est ?

- A Boulonne d'sur l'plache Lumière" (h'est l'pus grante plache d'Boulonne)

J'prins m'perceuse sans fil, les piles étotent querquées ( suivez m"argard)eune paire d'otieux ey mé vl'la parti aveuc l'deuxième voture ('In est riches).

. Zorro est arrivé..é..é.....

Arrivé d'sur palche, j'déballe l"matos et j'perche dins barillet de l'porte J' avos queust eune bonne mèche, alle perche l'barillet, i quait eune paire d'bricoles comme d'sur l'porte à Babisse, des copeaux, des arsorts.......l'mèche alle bousille l'serrure et c'qui n'étot pas prévu, alle pulvérisse l' carrieau de l'porte.....

. Bilan des courses queurir chez les casseurs, démonter l'intérieur e l'porte pour armète tout à plache. L'jornée li a passé

Conclusion: Té peux piquer une bagnole in forchant eune porte aveuc des otieux au mitant d'un parquinge, aveuc un tas d'gins autour d"ti, i n'a personne qui t'démand'ra c"que té fous la.....

Dins l'série journée de brun, je vas vous raconter celle du lundi 3.

Ch'étot eune semaine que j'ouvros, direction l'Teutonie, dins un tiot caméon (foque 11 tonnes) qui sert des fos à d'autres séquos qu'à trinsporter des cartons de pinard. In puq ch'est un caméon benne....

Bref, justemint pour trinsporter eune séquo d'incombrint à l'fin de l'semaine d'avint, i avot été débâché et conduit par un autre chauffeur. Mi je veyos gros comme eune majon que je seros bon pour arbâcher mi-même, que ch'est un réel plaiji, je ne vous dis que cha.

Et pis non, tchand que je chus arrivé lundi au matin, le caméon i avot s'bâche chu sin dos. J'étos bénaiche.

Mais ch'est là que l'lo du brun maximum elle s'a mise in route.... Je ne sais nin pourquo le caméon i avot passé tout le ouaiquenne avec ses deux portes ouvertes. Un grind mystère. J'ai tout de suite pinsé au plafonnier et, effectivemint, les batteries elles étottent vides bin à plat. Je les mets in charge in me dijint qu'avec cha je vas bin perdre du timps pour min chargemint.... eune journée qu'elle comminchot bin!

In début d'après midi, après 5 heures de charge et après que j'aiche été occupé à faire de l'repalettisation, je me dis que je vas essayer de le mettre in route, histoire de l'amener au quai, pour le charger. Oualoupe! Nin eune zique de courint dins les batteries, pourtint j'avos vérifié que cha chargeot, justemint in veyint que le plafonnier i donnot bin.

Grind momint de solitude. In puq les patrons is n'étottent nin là. Je décide de printe les batteries de l'autre caméon, ch'ti que j'ai d'habitute. Je sais que ch'est les mêmes. Impossipe de mettre l'main chu eune clé à pipe de 13 dins l'musette du mécano (nin là non pus ch'jour-là... ch'est li qui avot rebâché). Finalemint je n'd'ai trouvé eune à l'imbouteillache et me vlà parti à démonter des tringles et des séquos ainsi qui tientent les batteries in plache. A chaque cop i n'd'a 2, pour faire 24 volts et ch'est des rudemint grosses.

Coup de bol dins min malheur, min collègue chauffeur i arrive avec s'camionnette et i m'aide à sortir les batteries déhiors et à les trinsporter jusqu'à l'autre caméon et à les mettre in plache. Après i m'a laichi faire vu qu'i a peur de l'éleuctrique....

Avec ses "nouvelles" batteries le tiot caméon i a démarré, j'ai pu l'amener au quai, le charger, tout sangler (i faut pour l'Allemagne, cha arrife in France aussi... avec des normes de maboules parce qu'in a des espécialisses pour toudis faire des normes autremint qu'ainsi) et au momint de serrer l'bâche, j'ai eu de l'misère. Elle ne voulot nin fermer coplètemint. J'étos à l'presse, j'ai fait un bidouillache et je chus parti in vutesse avec un coin de bâche mal fermé. I étot 17h45. A peine sorti du patelain, je m'artrouve chu l'autoroute et là je me dis qu'i a eune séquo qui ne va nin: dins mes rétros je vos m'bâche toute gonflée. Elle ne fait nin cha d'habitute. Et ch'est alors que je découvre que l'bâche elle a été montée à l'invers, ch'est à dire l'arrière devint. Du cop les rabattemints is sont dins le mauvais sins et l'air i s'ingoufre dedins au lieu de glichi dessur.

Panique à bord. Chériche chu le gâtieau j'ai un téléphone tout neu, un tactile, et j'ai vraimint des misères pour m'in servir. Bref, j'ai finalemint réussi à appeler l'fabrique in expliquint que j'arviens, pour armettre l'bâche à l'indrot et que cha serot bin si que des hommes de bonne volonté is pourrottent me donner un cop de main. I étot 18h00, heure de fermeture....

J'ai eu de l'veine: 3 mecs qui avottent déjà bin ri de mes misères avec mes batteries is sont restés exprès pour mi.

J'ai jamais vu eune bâche artournée aussi vite (et au-dessur d'un caméon chargé in puq).

Eune fos à l'indrot, in sait la fermer comme i faut!

In in rigole incore avec mes collègues de cheule journée de brun.

Ah ouais, moins rigolo, à midi j'apprenos qu'un bon copain qui oeuvre là i a un cancer.

Cheule journée-là, je vous dis, elle étot marquée "de brun pour batisse".

J'ai nin crevé ni tché in panne in route, cha m'a un tiot peu étonné....

Vinguette, tcheu roman.... l'premier(ère) qui dit que je chus eune babelle i(elle) a eune margnouffe!

Nos deux messaches is zont failli s'télescoper ! ! !

Heureusemint que non, parce que j'aros nin arcomminchi le mien, je te le dis....

" L'secret d'la réussite ch'est d'savoir arcommincher !"

. J'in ai incore eune imbattape à raconter, jé l'férai d'main, ch'est core long à écrire.

1962.Ch’étot core l’époque des certificats d’étutes primaires.
. Dins min villache i avot deux classes, j’avos « les grands ». dont chinq élèfes qui préparotent l’certif. Ch’étot sérieux à l’époque.
Dins l’villache d’ à côté, i n’avot qu’eune classe , aveuc tros candidats au Certif.
Dins nos classes in faijot des examens blancs aveuc nos gaziers, mais min copin, l’insti du villache voisin proposse ceci : « J’cros qu’cha sérot eune bonne idée, d’mélinger nos élèfes pour les préparer au certif, in faijant des examens c’contrôle aveuc des autes maîtes que les leurs. J’amène mes élèfes dins t’n’école un matin puis t’amènes les tiens au aute jour. »
Ch’est d’accord comme cha.
Comme convénu, un matin j’l’attindos, i n’arrivot pas ? ? ? Jé l’vos arrinver eune heure pus tard, ses leunettes d’travers, tout pâle.
Aveuc s’Panhard PL 17 toute neufe,



…….i vénot d’l’acater, i étot rintré dins un gros camion dins min villache. I n’avot pas d’blessé mais l’ carrette alle in avot pris un bon cop. Alle pouvot pus rouler comme cha.
Comme qu’i dévot daller à la MAAIF , note assureur, à Boulonne et que s’auto étot HS, j’li proposse d’l’inmner aveuc m’Dauphine jaune(les meilleures)…..que j’ vénos d'acater mi aussi



. J’ arrife à s’majon, i monte dins l’Dauphine, j’ démarre, première deuxième trosième….l’route étot toute droite, d’vant nous i avot eune grosse carrette d’ foin tirée deux gros bidets. I avot de l’plache pour doubler, j’serre à gauche, j’accélère……j’étos pas core arrivé au niveau du cul de carrette d’foin qu’eune vaque déboule de m’gauche, de l’pature, alle rinte dins l’aile avant gauche de l’Dauphine



….Importée par l’élan, l’vaque a fait un magnifique roulé boulé d’sur l’capot d’l’auto in pulvérisant l’pare brisse……min copin , quand qu’jai freiné, i avoulu s’appuyer d’sur l’par brisse, i s’a appuyè d’sur l’vaque ! ! ! L’paufe biète a terminé sin numéro d’cirque in arquéant d’sur ses pattes d’l’aute côté de l’bagnole, alle n’avot rin d’ casssé ……les zautes vaques sortent à leu tour tanquill’mint suivies par eune tiote vièle aveuc un fichu d’sur tiète, qui trannot comme eune feule in veyant l’dallache…..heureus’mint qu’in n’a pas dû li faire du bouque à bouque pour l’réanimer. Ch’arot core été eune biele jaune file in s’sérot dévoués héroïqu’mint…
« Vous mètez pas dins un état parèle madame, in n’est pas morts….vous ètes assurée pour vos vaques ?
- " Ouai »
L’agint d’assurince étot du vilache, in a terminé au bistrot…...in rigolant…
L’Dauphine avot eune aile écrasée, capot déformé « propremint », les phaes éclairotent in l’air……I avot des poils d’vaque plein l’voiture ! ! ! !
J’arviens à l’maijon in riant aux larmes, ch’est nerveux j’pinsos à l’éléphant qui s’atot assis d’sur l’2 cv à l’sœur à Fernand Raynaud……m’fimme m’dit
. « L’auto est démollie et toi, ça te fait rire ! ! »
. Quant à l’vièle finme pus tard ……
« Vous savez Monsieur, quand que m’vaque alle intind un moteur d’auto, alle est effrayée à ch’t’heure…. ! »

Pour acouter l’2cv à l’sœur à Fernand Raynaud[/size]
]]http://www.musicme.com/#/Fernand-Raynaud/albums/Fernand-Raynaud-(Les-Grands-Humoristes)-3661585813699.html

(Photos tirées du web)

M'porte de garache elle est réparée... Elle est arpartie pour 30 ins. Elle va mieux qu'eune neuve!!!!

J'ai du un tiot peu bidouiller mais i n'a que le ferailleux qui la démontera peut-être complètemint un jour qui le verra.

Je chus contint, je peux à nouvieau sortir mes mobylettes.

Mais le timps i est à l'pleufe....

Et quoque t'as mis ? de fichelle ? un gros élastique ? un truc qui marcherot avec des piles ?
In tous cas té dos ête soulagé, in n'peux pu rintrer chez ti comme dins un molin...

In v'la core eune.....


.........d"universelle ....

tiote bellotte a écrit:

Et quoque t'as mis ? de fichelle ? un gros élastique ? un truc qui marcherot avec des piles ?
In tous cas té dos ête soulagé, in n'peux pu rintrer chez ti comme dins un molin...

In ne pouvot nin rintrer comme dins un molin, vu que ch'est le manicraque pour OUVRIR l'porte qui étot cassé. Te comprinds? Si te veux, je peux réexpliquer......

J'ai nin mis de fuchelle ou de séquos ainsi comme t'as l'air d'incinérer. In fait j'ai pu trouver des piches qui arsontent, chez le fabriquint de l'porte. Des piches qui arsontent grammint et qui sont rudemint miux ***çues que les piches qui étottent montées à l'origine. Ch'est pour monter ces nouvielles conceptions chu l'incienne structure que j'ai du bidouiller un tiot peu.

Cha marche sins piles. D'ailleurs je ne vos nin du tout pourquo que te me causes de piles.

Ch'est comme si que je te causos de bain marie. D'ailleurs, dins tin sujet chu le pichon à l'bière, à m'mote que te l'as oblié le bain marie....

I n'a pas longtimps.

. J'arvénos in auto. Après avoir quitté l'autoroute, j'prinds eune tiote route qui longeot l'fameusse autoroute. I comminchot à faire noir, i avot un léger brouillard, l'visibilité étot fort réduite......j'dévos tourner à gauche jusse après un tiot potieau d'signalisation. Jé 'voyos pas, j'tourne à gauche ..... avant.... l' potiau ...et me v'la l'bec dins l'ieau, mes roues avant dins l'fossé. Pus moyen de m'détiquer d'la....même in dijant des gros mots.... et in métant m' Citron in position haute.
. In guss qui vénot d'in face, veyant l'dallache s' arrête.
. Jé l'connaichos pas j'l'avos déja vu.
....... "Voulez-vous que je vous tire de la, j'ai une barre e remorquage dans ma voiture ?"
....... Un aute qui vénot dins l'aute sins... i s' arrête aussi.
...... " Pendant que vous tirez l'auto, moi je vais régler la circulation"
. D'habitute i n' a pas grandmint d'monte d'sur l'tiote route, la i n' davot.
.... . A peine dix minutes après "l'accidint, j ' étos armis d'sur les rales et j'sus arparti non sans avoir armercié chaleureus'mint mes sauveurs.

. Tout cha pour vous dire qu'i a quand même des brafes types et que l'solidarité "automobilistique" cha existe......du moins chez les chtis.

pépéPéBé a écrit:

l'solidarité "automobilistique" cha existe......du moins chez les chtis. [/b]

Cha m'fait pinser à un arportache que j'a vu à l'télé. L'question ch'étot : "D'où qu'in condut l'mieux in France ?" (par rapport aux clignotants, respect des feux, des petons, patience au démarache à un feu etc...) entre Paris, Marseille, Nantes, Strasbourg et Lille. Les journalistes is avottent roulé dins les villes in question et interrogé des gins. Bin là d'ouque ch'est l'mieux : Lille et Strasbourg !

Donc t'as raison pépé, ch'est chez les chtis qui a d'el solidarité automobilistique !